Аз якуми октябри соли 2021, дар тамоми шаҳру навоҳии мамлакат даъвати тирамоҳии шаҳрвандон ба хизмати ҳатмии ҳарбӣ оғоз гардида, аллакай дар давоми 20 рӯзи ҷараёни ин маъракаи муҳими сиёсӣ, иҷрои нақша дар қаламрави ҷумҳурӣ 52 фоизро ташкил медиҳад.
Дар давоми 20 рӯзи идомаи чорабиниҳои даъватии шаҳрвандон ба хизмати ҳарбӣ, дар байни вилоятҳо, иҷрои нақша дар ВМКБ ба 100 фоиз баробар буда, аллакай дар ин минтақа ноҳияҳои Дарвоз, Ванҷ, Рӯшон, Роштқалъа, Шуғнон, Ишкошим, Мурғоб ва шаҳри Хоруғ дар давоми 10 рӯз иҷрои нақшаро пурра ба анҷом расониданд.
Ин чорабинии муҳими сиёсӣ, дар шаҳру навоҳии вилояти Суғд низ муташаккилона идома дошта, иҷрои нақша дар ин вилоят, дар давоми 20 рӯз зиёда аз 41,2 фоизро ташкил медиҳад.
Аз маҷмӯи умумии 25 шаҳру навоҳии вилояти Хатлон, то ин дам ноҳияҳои Шамсиддин Шоҳин ва Носири Хусрав аз иҷрои пурраи нақшаи даъват гузориш дода, иҷрои нақша дар қаламрави ин вилоят низ, дар муддати 20 рӯз беш аз 40 фоизро дар бар мегирад.
Аз рӯзи оғози даъвати тирамоҳии шаҳрвандон ба хизмати ҳатмии ҳарбӣ, иҷрои нақша дар давоми 20 рӯзи ҷараёни ин маъракаи муҳими сиёсӣ, дар шаҳру ноҳияҳои тобеи ҷумҳурӣ зиёда аз 70 фоизро ташкил дода, аллакай шаҳру навоҳии Ваҳдат, Рашт, Нуробод, Сангвор, Тоҷикобод ва Лахш аз анҷоми нақшаи ба онҳо пешбинишуда гузориш доданд.
Дар ҷараёни 20 рӯзи чорабиниҳои даъватӣ ноҳияи Исмоил Сомонии шаҳри Душанбе нақшаи ба онҳо пешбинишударо пурра ба итмом расонида, дар комиссариатҳои ҳарбии чаҳор навоҳии пойтахт бошад иҷрои нақша 79 фоизро дар бар мегирад.
Фаридун МАҲМАДАЛИЗОДА,
сардори Маркази матбуот,
полковник
