Тавре қаблан хабар дода будем, аз якуми апрел бо оғоз гардидани даъвати баҳории шаҳрвандон ба хизмати ҳарбӣ дар нахустин рӯзи даъват, аввалин шуда дар ҷумҳурӣ шаҳру навоҳии ВМКБ ва рӯзи 10 апрел чаҳор навоҳии пойтахт нақшаи пешбинишударо сад фоиз иҷро намуданд.
Дар давоми 20 рӯзи ҷараёни ин маъракаи муҳими сиёсӣ то имрӯз иҷрои нақша дар шаҳру ноҳияҳои тобеи ҷумҳурӣ ба 91 фоиз баробар мебошад.
Натиҷаи фаъолияти хуби масъулини мақомоти вобастаи давлатии даъват дар гарнизони Хатлон аст, ки иҷрои нақша дар шаҳру навоҳии ин вилоят 79 фоизро дар бар мегирад.
Чорабинии бошукуҳи идона дар самти гусели муҳофизони ояндаи ватан дар давоми ду даҳрӯзаи ҷараёни ин маъракаи муҳими сиёсӣ дар вилояти Суғд алакай ба 67 фоиз баробар мебошад.
Умуман аз якуми апрел то имрӯз иҷрои нақшаи даъвати баҳории шаҳрвандони ба сафи Қувваҳои Мусаллаҳи ҶТ дар ҷумҳурӣ 80,5 фоизро ташкил медиҳад.
