Аз якуми апрели соли 2022, дар тамоми шаҳру навоҳии мамлакат даъвати баҳории шаҳрвандон ба хизмати ҳатмии ҳарбӣ оғоз гардида, аллакай дар давоми даҳ рӯзи ҷараёни ин маъракаи муҳими сиёсӣ, иҷрои нақша дар қаламрави ҷумҳурӣ 40 фоизро ташкил медиҳад.
Боиси хушнудиву сарфарозист, ки давоми чор соли охир аст, ки дар байни вилоятҳо ва шаҳру ноҳияҳо Вилояти Мухтори Кӯҳистони Бадахшон дар нахустин рӯзи даъвати шаҳрвандон иҷрои нақшаро дар қаламрави ин вилоят ба 100 фоиз баробар менамоянд.
Бо ҳамин тартиб, дар давоми даҳ рӯзи идомаи чорабиниҳои даъватии шаҳрвандон ба хизмати ҳарбӣ аз маҷмӯи умумии 25 шаҳру навоҳии вилояти Хатлон то ин дам ноҳияҳои Шамсиддин Шоҳин, Носири Хусрав ва Фархор нақшаи даъватро ба итмом расонида, иҷрои нақшаро дар қаламрави ин вилоят, ба 40 фоиз баробар намудаанд.
Дар шаҳру навоҳии вилояти Суғд низ ин чорабинии муҳими сиёсӣ муташаккилона идома дошта, иҷрои нақша дар ин вилоят, дар давоми даҳ рӯз 27 фоизро ташкил медиҳад.
Аз рӯзи оғози даъвати баҳории шаҳрвандон ба хизмати ҳатмии ҳарбӣ, иҷрои нақша дар давоми даҳ рӯзи ҷараёни ин маъракаи муҳими сиёсӣ, дар шаҳру ноҳияҳои тобеи ҷумҳурӣ ба 47,3 фоиз баробар буда, аллакай шаҳру навоҳии Лахш, Нуробод, Рашт, Сангвор ва Тоҷикобод аз анҷоми нақшаи ба онҳо пешбинишуда гузориш доданд.
Дар ҷараёни даҳ рӯзи чорабиниҳои даъватӣ дар комиссариатҳои ҳарбии чаҳор навоҳии пойтахт бошад, иҷрои нақша 42 фоизро ташкил медиҳад.
Маркази матбуоти Вазорати мудофиаи
Ҷумҳурии Тоҷикистон
