Бо эҳсоси баланди ифтихор ва самимияти беандоза ҳамаи сарҳадбонони шуҷоъ, далер ва ватандӯсти Тоҷикистони азизро ба муносибати 32-юмин солгарди Рӯзи таъсисёбии Қӯшунҳои сарҳадӣ самимона табрик мегӯем!
Ҳифзи марзу буми Ватан рисолати муқаддас ва пуршараф ба шумор меравад. Маҳз Шумо, фарзандони содиқу ҷасури миллат шабурӯз дар сарҳади кишвар посбони сулҳу оромӣ, амнияти давлат ва осудагии мардум ҳастед. Хизмате, ки шумо анҷом медиҳед, намунаи олии мардонагӣ, садоқат, матонат ва муҳаббати самимӣ ба Ватан аст.
Сарҳадбон будан танҳо пӯшидани либоси низомӣ нест, балки ин эҳсоси бузурги масъулият дар назди давлату миллат, ҳифзи шаъну шарафи кишвар ва пос доштани хоки муқаддаси Тоҷикистони соҳибистиқлол аст. Маҳз заҳмату ҷоннисориҳои Шумо боис шудааст, ки имрӯз мардуми мо дар фазои сулҳу субот оромона зиндагӣ ва кору фаъолият менамоянд.
Дар ин рӯзи фархунда ба ҳар яки Шумо саломатии бардавом, нерӯи қавӣ, иродаи мустаҳкам, бахту саодат, рӯзгори пурфайз ва комёбиҳои беназир таманно дорем.
Бигзор сулҳу суботи Тоҷикистони маҳбуб ҷовидона пойдор монад, марзҳои кишвар ҳамеша орому устувор бошанд ва Шумо ҳомиёни далери Ватан ҳамеша зери ливои шарафу номус сарбаландона хизмат намоед!
Иди касбӣ муборак бод, ҳомиёни марзу буми Ватан!
Раёсати иттилоот ва робита бо ҷомеаи
Вазорати мудофиаи Ҷумҳурии Тоҷикистон
