Дар Сарпрокуратураи ҳарбии Ҷумҳурии Тоҷикистон бо иштироки роҳбарони масъули сохторҳои ҳарбӣ, мақомоти вобастаи давлатии даъват, комиссарони ҳарбӣ ва дигар масъулони ҷузъу томи низомӣ доир ба иҷрои талаботи қонуну санадҳои амалкунанда дар самти даъвати шаҳрвандон ба хизмати ҳарбӣ, ҷаласаи васеи ҳайати мушовара баргузор гардид.
Дар ҷаласа қайд карда шуд, ки комиссияҳои даъватӣ, комиссариатҳои ҳарбӣ ва дигар мақомоти масъули даъватро зарур аст, ки ҳамкориро дар сатҳи лозима ва мувофиқ ба талаботи қонунгузорӣ дар соҳаи низомӣ ба роҳ монда, бо дарки баланди масъулият ин маъракаи муҳими сиёсӣ ва аҳамияти мудофиавидоштаро дар муҳлати муайянгардида ва бо сифати баланд иҷро намоянд.
Зимнан, ба прокуророни ҳарбии гарнизонҳои ҷумҳурӣ таъкид карда шуд, ки назорати риояи дақиқ ва иҷрои якхелаи Қонуни Ҷумҳурии Тоҷикистон “Дар бораи ӯҳдадории ҳарбӣ ва хизмати ҳарбӣ”- ро дар кори комиссияҳои даъват ва комиссариатҳои ҳарбӣ боз ҳам пурзӯр намуда, баҳри пешгирию бартараф кардан ва минбаъд роҳ надодан ба қонунвайронкуниҳо қарорҳои лозимиро қабул намоянд.
Дар охири ҷаласа ҷиҳати дар сатҳи зарурӣ ташкилу ба роҳ мондани даъвати тирамоҳии шаҳрвандон ба хизмати ҳарбӣ, роҳбарони сохторҳои низомӣ, мақомоти вобастаи даъват ва дигар масъулин бо супоришҳои мушаххас вазифадор гардиданд.
Боқӣ ШАРИФОВ,
майор
