Дар арафаи таҷлил аз ҷашни бузурги миллӣ, 35-солагии Истиқлолияти давлатии Ҷумҳурии Тоҷикистон, дар Вазорати мудофиаи кишвар ва дигар сохторҳои зертобеи он баргузории ҳамоишҳо, конференсияҳо ва чорабиниҳои гуногуни маърифатию сиёсӣ идома дорад
Аз ҷумла, дар Раёсати Қӯшунҳои зудамали Вазорати мудофиаи Ҷумҳурии Тоҷикистон дар доираи чорабиниҳои ҷамъиятӣ-давлатӣ ҳамоиши илмӣ-амалӣ таҳти унвони “Истиқлолият ва дастовардҳои беназири он” баргузор гардид
Дар кори ҳамоиш роҳбарияти Қӯшунҳои зудамал, намояндаи Академияи миллии илмҳои Ҷумҳурии Тоҷикистон, афсарону сарбозон ва дигар шахсони расмӣ иштирок намуданд
Зимни ҳамоиш таъкид гардид, ки Истиқлолияти давлатӣ барои миллати тоҷик ҳамчун дастоварди беназири таърихӣ арзиши бузург дошта, барои рушду пешрафти тамоми самтҳои ҳаёти ҷомеа имкният фароҳам овард. Дар зарфи 35 соли соҳибистиқлолӣ Тоҷикистон дар самти рушди иқтисодию иҷтимоӣ, таҳкими мавқеи байналмилалӣ, бунёди инфрасохтор ва баланд бардоштани сатҳи зиндагии мардум ба дастовардҳои назаррас ноил гардидааст
Баромадкунандагон дар рафти ҳамоиш аз нақши Қувваҳои Мусаллаҳи Ҷумҳурии Тоҷикистон ва хизматчиёни ҳарбии мамлака дар самти ҳифзи истиқлолу соҳибихтиёрии кишвар, таъмини амнияти давлатӣ ва таҳкими сулҳу суботи ҷомеа махсус ёдовари намуданж. Қайд шуд, ки Артиши миллӣ ҳамчун сипари боэътимоди давлат ва кафили ҳифзи марзу буми Ватан, дар замони соҳибистиқлолӣ ба яке аз нерӯи пуриқтидор табдил ёфт
Дар фарҷоми ҳамоиш иштирокчиён иброз доштанд, ки ҳифзи Истиқлолияти давлатӣ, Ваҳдати миллӣ ва дастовардҳои даврони соҳибистиқлолӣ вазифаи муқаддаси ҳар як шаҳрванди ватандӯст, бахусус хизматчиёни ҳарбӣ ба ҳисоб меравад. Аз ин рӯ моро мебояд, ки беш аз ҳар вақт ҳушёриву зиракии сиёсиро аз даст надиҳем ва бо қадри имкон барои ободониву гулгулшукуфонии кишвари азизу маҳбубамон саҳми назарраси худро гузорем.
