Ба муносибати 35-умин солгарди Истиқлоли давлатии Ҷумҳурии Тоҷикистон дар комиссариати ҳарбии шаҳру ноҳияҳои тобеи ҷумҳурӣ чорабинии идона баргузор гардид.
Дар чорабинӣ масъулин, кормандони комиссариатҳои ҳарбӣ ва дигар намояндагони соҳа иштирок намуданд. Дар рафти чорабинӣ оид ба дастовардҳои даврони соҳибистиқлолӣ, таҳкими иқтидори мудофиавии мамлакат ва нақши Артиши миллӣ дар таъмини сулҳу суботи кишвар суханронӣ карда шуд.
Зикр гардид, ки дар солҳои соҳибистиқлолӣ барои баланд бардоштани сатҳи омодагии ҳарбӣ, таҳкими иқтидори мудофиавии мамлакат ва фароҳам овардани шароити мусоид барои хизмат дар сафи Қувваҳои Мусаллаҳ тадбирҳои зарурӣ амалӣ гардиданд.
Дар фарҷоми чорабинӣ як қатор кормандони фаъол барои фаъолияти пурсамар бо ифтихорнома ва сипосномаҳо қадрдонӣ шуданд.
