Таваҷҷуҳу ғамхориҳои пайвастаи Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи мамлакат муҳтарам Эмомалӣ Раҳмон аз замони таъсисёбии Артиши миллӣ то имрӯз ба хизматчиёни ҳарбии кишвар равона гардида, дар самти ҳифзи иҷтимоии ин қишри ҷомеа диққати махсус дода мешавад.
Дар доираи ғамхориву дастгириҳои Роҳбарияти олии мамлакат нисбат ба хизматчиёни ҳарбӣ дар арафаи ҷашни Соли нави мелодӣ аз номи Президенти кишвар муҳтарам Эмомалӣ Раҳмон наздик ба 25 ҳазор хизматчиёни ҳарбӣ, сарбозону сержантон бо туҳфаҳои солинавӣ сарфароз гардонида шуданд.
Дар баробари ин, аз номи Сарвари давлат ба ятимону бепарастон туҳфаҳои моливу пулӣ ҳадя гардида, ҳамзамон ба маъюбону узви оилаи хизматчиёни ҳарбии фавтида маводи ниёзи аввалия аз қабили, орд, равған, гӯшту асал ва меваҷоту сабзавот кумак карда шуд.
Қобили зикр аст, ки ҳамасола дар арафаи Соли нави мелодӣ ва дигар ҷашну маросимҳо аз ҷониби Президенти кишвар ба хизматчиёни ҳарбӣ кумкакҳои моливу пулӣ расонида мешавад.
Азимҷон Бадалов,
капитан
