Конференсияи ҷумҳуриявии илмию амалӣ дар мавзӯи “Ассамблеяи генералии СММ доир ба меҳвари сиёсии босамари таваҷҷуҳи Сарвари давлат муҳтарам Эмомалӣ Раҳмон” бахшида ба «Даҳсолаи байналмилалии амал об барои рушди устувор, солҳои 2018-2028» бо ибтикори Донишкадаи ҳарбии Вазорати мудофиаи Ҷумҳурии Тоҷикистон гузаронида шуд, ки дар кори он намояндагон аз Академияи миллии илмҳои Тоҷикистон ва Донишкадаи ҳарбӣ ширкат варзиданд.
Дар ҷараёни Конференсияи ҷумҳуриявӣ ҳайати иштирокчиён дар мавзӯҳои “Аҳамияти илмию амалии ташаббусҳои Ҷумҳурии Тоҷикистон марбут ба об, иқлим ва экология”, “Ташаббусҳои байналмилалии Президенти Ҷумҳурии Тоҷикистон вобаста ба оби ошомиданӣ” ва “Об яке аз захираҳои таббии иқтисодии Ҷумҳурии Тоҷикистон”маърӯзаҳои пурмазмунро пешкаши аҳли нишаст гардониданд.
Дар идома зикр карда шуд, ки об чун мояи асосии мавҷудияти инсон ҳамеша ва дар ҳама маврид бояд сарфакорона истифода шавад. Он чорабиниҳои глобалие, ки дар сар то сари ҷаҳон дар асри нав барои ҳалли мушкилот оид ба об рафта истодааст, ин ҳама дар таҳкими фаҳму дарки аҳамияти об барои рушди иҷтимоиву иқтисодӣ, ҳифзи экологӣ ва таъмини сулҳу субот саҳми шоёни худро гузошта истодааст. Ин ҳама таваҷҷӯҳ ба об моро водор месозад, ки манбаъҳои обиро самараноку сарфакорона истифода намоем.
Сипас, чун анъана ҳайати иштирокчиён барои иштироки фаъол ва маърӯзаҳои пурмазмун бо сипосномаҳо қадрдонӣ гардиданд.
Шоҳин ШАРИФОВ
