Дар қисмҳои ҳарбии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон низ ҳайати шахсӣ бо суруру шодмонӣ ва нишоти бепоён Наврӯзи дилафрӯзро ҷашн гирифтанд. Бахшида ба ин ҷашни фархунда ҳайати афсарону сарбозони қисми ҳарбии 45045-и Қӯшунҳои мудофиаи гражданӣ хони наврӯзӣ оростанд, ки ҳайати роҳбарии қисми ҳарбӣ аз он дидан намуданд.
Масъулин зимни баромади худ дар назди ҳайати шахсӣ бо сарфарозӣ иброз доштанд, ки ин мероси фарҳангии ниёгонамон бо талошу заҳматҳои Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон соли 2010 мақоми ҷаҳониро касб намуда, ҳамакунун дар сатҳи байналмиллалӣ қайд карда мешавад. Ва албатта, ин боиси шараф ва ифтихори ҳар як фарди диёр мебошад.
Дар рафти баргузории чорабинии ҷашнӣ роҳбарияти қисми ҳарбӣ ба чанде аз сарбозон, ки зимни иштирок дар мусобиқаҳои гуногуни варзишӣ ва дигар ҷамъомадҳо аз худ маҳорату малакаи баланд нишон додаанд, диплом ва ифтхорномаву сипосномаҳо тақдим намуданд.
Маврид ба зикри хос аст, ки хизматчиёни ҳарбӣ бо ифтихор аз таърихи беш аз панҷҳазорсолаи Наврӯзи аҷам ва мақоми байналмилалиро касб кардани он ҳамасола ин оини ниёгонро дар фазои ҳамбастагӣ ва нишоту хуррамӣ хело ҳам оливу самимӣ истиқбол ва таҷлил менамоянд.
Боқӣ ШАРИФОВ
