Занон ҳамчун қишри фаъоли ҷомеа, дар ҳаёти сиёсиву ҷамъиятӣ саҳми муносиб доранд ва бо заҳмату талош дар ҳама бахшу соҳаҳо кору фаъолият менамоянд. Яъне, онҳо намунаи олии хастанопазирӣ ва рӯҳи матину устувор дар хизмати халқу Ватан мебошанд. Аз ҷумла, хизмати занону бонувон дар сафи Қувваҳои Мусаллаҳ, мақомоти ҳифзи ҳуқуқ ва сохторҳои низомии кишвар шоистаи ифтихор ва сарбаландии ҳар як фарди кишвар мебошад. Зеро онҳо низ чунин масъулияти бузургро бар дӯш гирифтаву дар ҳифзи оромиву субот ва муҳофизати Ватан бо ҷасорат хизмат менамоянд.
Ба ин шарафи бузург ва гиромидошти зан–модар дар Вазорати мудофиаи мамлакат маҷмӯи чорабиниҳои ҷашнӣ ба нақша гирифта шудааст, ки мӯҳтаво ва ҳадафи асосии онро эҳтиром ва қадршиносӣ ба хизматҳои шоёни ифтихори занону бонувони низомӣ ташкил медиҳад.
Дар чорабинии пуршукӯҳ, ки бахшида ба Рӯзи Модар дар пойгоҳи Раёсати Қувваҳои ҳарбӣ–ҳавоӣ ва мудофиаи зиддиҳавоии Қувваҳои Мусаллаҳи Ҷумҳурии Тоҷикистон бо иштироки намояндагони сохторҳои гуногуни давлатӣ, аз ҷумла, вакили Маҷлиси намояндагони Маҷлиси Олии Ҷумҳурии Тоҷикистон Аҳмадзода Дилноза ва занону бонувони низомӣ доир гардид, зимни он баромадкунандагон бо ифтихор доир ба нақши занон дар ҳаёти сиёсиву фарҳангӣ ва саҳми занону бонувони низомӣ дар тинҷиву оромии мамлакат суханронӣ намуданд.
Зимнан вобаста ба бузургии модарон гуфта шуд, ки зан-модар бахшандаи ҳаёту бақои насли башар ва оинаи рузгору олиҳаи зебоӣ мебошад. Дар массири таърих симои зани тоҷик хачун диловару мубориз, озодихоху адолатпарвар, боифату фурутан ва кадбонуву хунарманд дар эчодиёти бузургоннамон хеле барҷаста тасвир ёфтааст. Маҳз ба оғози бедории табиат, яъне фасли баҳор рост омадани ин рӯзи фархунда аз муқаддасу бузургӣ ва сарчашмаи ҳаёт будани модар шаҳодат медиҳад.
Барои саҳмгузориҳои арзанда ва хизмати содиқона ба халқу Ватан, инчунин бо мақсади қадршионсии хизмати суботкоронаи ин қишри созандаву ободгари ҷомеа, ба иштирокчиёни ин ҳамоиши тантанавӣ сипоснома ва тӯҳфаҳои хотиравӣ тақдим карда шуд.
Дар идома барномаи фарҳангӣ бо иштироки васеи ҳунармандон ва дастаи ҳунарии Донишгоҳи байналмилалии забонҳои Тоҷикистон ба номи С.Улуғзода баргузор гардид, ки он туҳфаи арзанде ба занон – хизматчиёни ҳарбии ҷузъу томи Вазорати мудофиаи кишвар буд.
