Ҷамъомади бошукӯҳи ҷашнӣ ба муносибати «Рӯзи модар» бо иштироки ҳайати роҳбариву фармондеҳии Вазорати мудофиаи мамлакат ва занону бонувони низомӣ дар «Кохи афсарон»-и ин ниҳоди қудратӣ доир карда шуд.
Дар оѓози ҷамъомад доир ба ѓамхорӣ ва таваҷҷӯҳи доимии Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон нисбат ба низомиён, саҳми модарон ва занону бонувони низомӣ дар соҳаҳои гуногуни Қувваҳои Мусаллаҳ, роҳбарияти Вазорати мудофиа суханронӣ карда, аз ҷумла зикр намуд, ки дар замони соҳибистиқлолии кишвар ҷиҳати баланд бардоштани мақому манзалати зан дар ҷомеа як қатор фармону қарорҳо, барнома ва санадҳои меъёрӣ-ҳуқуқӣ ба тасвиб расидааст, ки нақши занонро дар сохтори идораи давлат ва эъмори ҷомеаи ҳуқуқбунёду демократии Тоҷикистон боз ҳам равшантар мегардонад.
Илова бар ин, қайд карда шуд, ки ба ҳайси хизматчии ҳарбӣ фаъолият намудани занону бонувон ва ба дӯш гирифтани масъулияти бузурги ҳимояи марзу буми аҷдодӣ аз ҷониби онҳо, ин худ муҳаббати бепоён ва садоқати занону бонувони моро нисбат ба халқу Ватан нишон медиҳад, ки бо корномаи мондагор ва ҷасорати Гурдофаридонаашон аз худ номи неку сарбаландии ҷовидона мерос мегузоранд.
Дар идомаи ҷамъомади тантанавӣ мусобиқаҳои ҳарбӣ-варзишӣ, ки дар арафаи таҷлил аз “Рӯзи Модар” байни занон-хизматчиёни ҳарбии Вазорати мудофиа, навъи қӯшунҳо ва дигар ҷузъу том, баргузор шуда буд, ҷамъбасту натиҷагирӣ гардида, ѓолибони он бо Ҷом, медалу ифтихорномаҳо ва дигар тӯҳфаҳои хотиравӣ сарфароз гардонида шуданд.
Дар қисмати фарҳангии ҷамъомад бошад, ҳунармандони ансамбли «Шараф»-и Вазорати мудофиа барномаи ҷолиби консертиро бо суруду таронаҳо дар ситоиши зан-модар пешниҳоди ҳозирин гардониданд.
Умуман, қайд кардан ба маврид аст, ки дар доираи тантанаҳои ҷашнӣ бахшида ба Рӯзи модар дар пойгоҳи қисму воҳидҳои низомӣ ва муассисаҳои таълимии ҳарбии Вазорати мудофиа низ чорабиниҳои гуногуни фарҳангӣ, конференсияҳои илмӣ-назариявӣ ва мусобиқаҳои гуногуни ҳарбӣ — варзишӣ доир карда шуда, ҳамзамон занону бонувони артиш аз маконҳои таърихӣ ва осорхонаи навбунёди Маҷмааи меъмории рамзи “Истиқлол”-и майдони “Истиқлол” дидан намуданд.
Боқӣ ШАРИФОВ,
майор
