Дар толори Вазорати мудофиаи мамлакат бо иштироки муовини Котиби Шӯрои амнияти ҷумҳурӣ, сардори Ситоди генералии Қувваҳои Мусаллаҳи кишвар, намояндагони сохторҳои қудратӣ ва мақомоти ҳифзи ҳуқуқ ҷаласа баргузор гардида, зимни он масъалаҳои марбут ба амнияти давлат ва баланд бардоштани қудрати дифоии мамлакат таҳқиқ ва мавриди баррасӣ қарор гирифт.
Ҷаласа тибқи дастури Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали Артиш муҳтарам Эмомалӣ Раҳмон ҷиҳати татбиқи Нақшаи чорабиниҳои асосии амалиётӣ — стратегии Қувваҳои Мусаллаҳ ва сохторҳои мудофиаи ҳудудии Ҷумҳурии Тоҷикистон баргузор шуд.
Ҳифзи амнияту суботи кишвар дар шароити ҷаҳонишавӣ, баланд бардоштани иқтидори мудофиавии давлат, таҳкими ҳамоҳангии сохторҳои қудратӣ, мақомоти ҳифзи ҳуқуқ ва вазорату идораҳои марбутаи кишвар дар самти ташкили ҷамъомади мудофиаи ҳудудӣ, машғулиятҳои омодагии сафарбарӣ, таъмини онҳо бо воситаҳои моддӣ — техникӣ аз масъалаҳои муҳими ҷаласа буд.
Шоҳин ШАРИФЗОДА,
лейтенанти хурд
