Конференсияи ҷумҳуриявии илмию амалӣ дар мавзӯи “Ташаббусҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар соҳаи об” бахшида ба даҳсолаи байналмилалии амал “Об барои рушди устувор”, солҳои 2018-2028” бо ибтикори Донишкадаи ҳарбии Вазорати мудофиаи Ҷумҳурии Тоҷикистон гузаронида шуд, ки дар кори он намояндагон аз Вазорати энергетика ва захираҳои оби Ҷумҳурии Тоҷикистон, Академияи миллии илмҳои Тоҷикистон, Маркази тадқиқоти стратегии назди Президенти Ҷумҳурии Тоҷикистон, Кумитаи марказии Ҳизби Халқии Демократии Тоҷикистон, Академияи Вазорати корҳои дохилии Ҷумҳурии Тоҷикистон, Донишгоҳи давлатии тиббии Тоҷикистон ба номи Абӯалӣ ибни Сино, Донишгоҳи аграрии Тоҷикистон ба номи Шириншоҳ Шоҳтемур ва Телевизиони Тоҷикистон ширкат варзиданд.
Дар ҷараёни Конференсияи ҷумҳуриявӣ ҳайати иштирокчиён як-як ба сухан баромада, дар мавзӯҳои “Нақш ва нуфузу манзалати байналмилалии Тоҷикистон дар соҳаи об”, “Аҳамияти илмию амалии ташаббусҳои Ҷумҳурии Тоҷикстон марбут ба об, иқлим ва экология”, “Аҳамияти сиёсӣ ва амалии ташаббусҳои байналмилалии Пешвои миллат дар соҳаи об”, “Роҳу воситаҳои тақвияти масъулияти шаҳрвандӣ ҷиҳати иҷрои нишондодҳои ташаббусҳои ҷаҳонии Пешвои милати дар самти обу иқлим”, “Иқдомоти башардӯстони Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар ҳалли мушкилоти сайёравии об”, “Обшавии пиряхҳо ҳамчун мушкилоти глобалӣ ва саҳми Президенти Ҷумҳурии Тоҷикистон Эмомалӣ Раҳмон дар ҳалли он”, “Тоҷикистон ташаббускори ҳалли масъалаҳои ҷаҳонии захираҳои об” ва “Ташаббусҳои байналмилалии Пешвои миллат дар самти обу иқлим” маърӯзҳои пурмазмунро пешкаши аҳли нишаст гардониданд.
Дар фарҷоми кори Конференсия ҳайати иштирокчиён барои иштироки фаъол ва маърӯзаҳои пурмазмун бо сипосномаҳо қадрдонӣ гардиданд.
Боиси ифтихори ҳар тоҷику тоҷикистонист, ки имрӯз кишвари мо дар арсаи ҷаҳонӣ ҳамчун давлати ташаббускор шинохта шудаааст ва ташаббусҳои пайваста ва беназири Пешвои муаззами миллат муҳтарам Эмомалӣ Раҳмон аз ҷониби созмонҳои бонуфузи сайёра дастгирӣ меёбанд. Ташаббусҳои Ҷумҳурии Тоҷикистон бештар ба масоили об вобаста аст, ки ҷомеаи ҷаҳон ҷиҳати ҳалли норасоии он бо мушкилоти зиёд рӯбарӯянд.
Маврид ба зикр аст, ки об чун мояи асосии мавҷудияти инсон ҳамеша ва дар ҳама маврид бояд сарфакорона истифода шавад. Он чорабиниҳои глобалие, ки дар сар то сари ҷаҳон дар асри нав барои ҳалли мушкилот оид ба об рафта истодааст, ин ҳама дар таҳкими фаҳму дарки аҳамияти об барои рушди иҷтимоиву иқтисодӣ, ҳифзи экологӣ ва таъмини сулҳу субот саҳми шоёни худро гузошта истодааст. Ин ҳама таваҷҷӯҳ ба об моро водор месозад, ки манбаъҳои обиро самараноку сарфакорона истифода намоем.
Шоҳин ШАРИФОВ
