Яке аз самтҳои муҳиму афзалиятноки фаъолияти кормандони мақомоти прокурорӣ, аз ҷумла, Прокуратураҳои ҳарбӣ, ин пеш аз ҳама роҳандозӣ намудани чорабиниҳои тарғиботиву ташвиқотӣ оид ба пешгирии ҷинояту ҷинояткорӣ ва ташкили сӯҳбату вохӯриҳо бо хизматчиёни ҳарбии Қувваҳои Мусаллаҳи кишвар мебошад, ки зимни ин гуна чорабиниву машваратҳои корӣ мӯҳтавои қонуну санадҳои меъёрӣ-ҳуқуқии амалкунандаи соҳа ва дигар мавзӯъҳои мубрами рӯз мавриди таҳлилу баррасӣ қарор мегирад.
Дар доираи ин ҳадаф ва амалинамоии нақша-чорабиниҳои корӣ дар гарнизони Душанбе чанде қабл бо иштироки намояндагони Прокуратураи ҳарбӣ ва Кумитаи дин, танзими анъана ва ҷашну маросим бо ҳайати шахсии қисмҳои низомии 08010-и Вазорати мудофиа, 051058-и Гвардияи миллӣ, 0123-и Қӯшунҳои дохилии Вазорати корҳои дохилӣ ва 6593-и Сарраёсати иҷрои ҷазои ҷиноятии Вазорати адлияи мамлакат вохӯрии судманд доир карда шуд.
Зимни вохўрӣ, масоили боз ҳам густариш додани интизоми баланди ҳарбӣ, риояи қонунияту тартиботи ҳуқуқӣ, амал намудан дар доираи оинномаҳои ҳарбӣ бо назардоштии вазъи зудтағйирёбандаи љаҳони муосир, пайваста дар ҳолати ҳушёриву зиракии сиёсӣ қарор доштани ҳайати шахсӣ ва масоили вобаста ба корҳои сиёсиву тарбиявӣ мавриди таҳлилу баррасӣ қарор дода шуд.
Бояд тазаккур дод, ки баргузории чунин чорабиниҳо агар аз як тараф ҷиҳати баланд бардоштани донишҳои ҳуқуқии хизматчиёни ҳарбӣ заминаи мусоид фароҳам орад, аз ҷониби дигар гаравидани ҷавононро аз ҳар гуна ҳизбу ҳаракатҳо ва рафторои ғайриинсонӣ пешгирӣ менамояд.
Шоҳин ШАРИФОВ
