Дар майдони тамринии «Лосвидо»-и Беларус, дар ҷараёни машқҳои фармондеҳӣ-ситодии «Бародарии шикастнопазир -2026», дар нуқтаи идоракунӣ бо иштироки ҳайати хизматчиёни ҳарбии Вазорати мудофиаи Ҷумҳурии Тоҷикистон барои гузаронидани амалиёти посдории сулҳ ба фармондеҳи неруҳои дастаҷамъии посдорони сулҳи СААД , боваринома супорида шуд.

Зимни ҷаласаи ситод матлаби ба машқҳо пешбинигардида, таҳлилу баррасӣ гардида, қарори дахлдор қабул шуд.

Ба ин машқҳо дар маҷмӯъ, беш аз 1500 нафар хизматчиёни ҳарбӣ ва зиёда аз 300 воҳиди силоҳ, техникаи ҳарбӣ ва таҷҳизоти махсус, аз ҷумла тақрибан 80 ҳавопаймои бесарнишини навъҳои гуногун, ҷалб шудаанд.

Иштироки фаъоли ҳайати хизматчиёни ҳарбии Ҷумҳурии Тоҷикистон дар чунин машқҳои муштарак аз малакаи баланди касбии афсарону сарбозони мо шаҳодат медиҳад.






