«Сиёсати давлатӣ дар соҳаи баланд бардоштани маърифати ҳуқуқӣ ва таълиму тарбияи ҳуқуқӣ дар муассисаҳои олии ҳарбӣ», чунин унвон дошт Конфренсияи навбатии илмӣ-назариявӣ, ки вобаста ба эълон гардидани соли 2024 “Соли маърифати ҳуқуқӣ” дар Донишкадаи ҳарбии Вазорати мудофиа доир гардид.
Дар кори конфренсия олимону муҳаққиқони соҳа ва дигар намояндагон иштирок намуда, дар мавзуъҳои ифодаи меъёрҳои маърифати ҳуқуқӣ дар Конститутсияи Ҷумҳурии Тоҷикистон, зиракии сиёсӣ ва таҳкими андешаи миллӣ дар фазои давлатдории миллӣ, маърифати ҳуқуқӣ ва роҳу воситаҳои ташаккули он дар Ҷумҳурии Тоҷикистон, стратегияи сиёсати давлатӣ дар соҳаи баланд бардоштани маърифати сиёсӣ дар муассисаҳои олии ҳарбӣ, баъзе аз масъалаҳои маърифати ҳуқуқӣ ва пешгирии ҷиноят ва дигар ҳуқуқвайронкуниҳо маърӯза карданд.
Зимни ироа ва таҳлилу баррасии маърӯзаҳои дар конфренсия пешниҳод гардида қайд карда шуд, ки мақсад аз ҳадафи асосии сиёсати ҳуқуқии кишвар қарор гирифтани маърифати ҳуқуқии шаҳрвандон низ дар робита бо расидан ба ҳадафу мақсадҳо ва вазифаҳои давлати ҳуқуқбунёд, аз ҷумла баҳри дар амал татбиқ намудани ҳама арзишҳои давлати ҳуқуқбунёд аз қабили волоияти қонун ва қонун ба ҳисоб меравад. Дар ҷараёни омӯзиши Конститутсия ва дигар қонунҳо дар муассисаҳои олии низомӣ низ мувофиқи мақсад арзёбӣ гардид, ки он дар баланд бардоштани донишҳои сиёсиву ҳуқуқӣ, эҳтироми риояи Конститутсия ва дигар қонунгузории мамлакат ва ҳисси ватандӯстиву меҳанпарастии ҷавонон мусоидат менамояд.
Дар фарҷоми конференсия иштирокчиён барои пешниҳоди маърӯзаҳои пурмазмун ва баррасии амиқи мавзуъҳои муҳим бо сипоснома ва ифтихорномаҳо сарфароз гардиданд.
Боқӣ ШАРИФОВ
