Дар Донишкадаи ҳарбии Вазорати мудофиаи Ҷумҳурии Тоҷикистон семинари васеи омӯзишӣ дар мавзӯи «Хавфу хатарҳои терроризм ба низоми давлатдории муосир» баргузор карда шуд.
Масъулини донишкада зимни ифтитоҳи семинари мазкур доир ба зарурият ва муҳиммияти баргузории он ибрози назар намуда, қайд карданд, ки гузаронидани чунин чорабиниҳо пеш аз ҳама ба хотири боло бурдани сатҳи маърифатнокии афсарони ҷавонон, курсантон, тарбияи кадрҳои баландихтисос ва баланд бардоштани сатҳи зиндагии низомиён заминаи хубе фароҳам меоварад.
Қайд кардан бамаврид аст, ки семинарӣ васеи омӯзишӣ бо ташаббуси Кафедраи ҷамъиятӣ-гуманитарии Донишкадаи ҳарбӣ гузаронида шуд. Дар ҷараёни семинар сардори кафедра полковник Илҳом Холмуродзода ва дотсенти ҳамин кафедра, номзади илмҳои сиёсӣ Толиб Амиров дар назди ҳозирин бо маърӯзаҳои пурмазмун баромад намуда, аз ҳар як ҷавони даврони Истиқлолият, махсусан афсарону курсантони донишкада даъват ба амал оварданд, ки ҳамеша ҳушёру зирак бошанд.
Дар рафти чорабинӣ қайд карда шуд, ки дар даврони Истиқлолияти давлатӣ бо таҳкими сулҳу оромӣ ва беҳдошти вазъи сиёсӣ-иқтисодӣ дар мамлакат таҳти сарварии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иқдомҳои бузурги бунёдкориву созандагӣ, рушди илму маориф, дастгирии ҷавонон, баланд бардоштани иқтидори мудофиавии кишвар ва умуман, дар ҳама самту соҳаҳо пешравиҳои назаррас ба вуқуъ пайвастанд.
Шоҳин ШАРИФОВ
