Роғун яке аз шаҳрҳои иқтисодии кишвар буда, дар пешрафти соҳаи энергетика ва таъмини истиқлолияти энергетикии Ҷумҳурии Тоҷикистон нақши муҳим дорад.
Сокинони он дар баробари рушди ин соҳа, ҳамзамон ба таҳкими ваҳдати миллӣ, ҳифзи арзишҳо ва таъмини амнияту суботи ҷомеа саҳми назаррас гузошта, дар рушди устувори мамлакат фаъолона иштирок менамоянд.
Ин аст, ки бо мақсади санҷиши омодабошии қувва ва воситаҳои мудофиаи ҳудудӣ ва захираҳои сафарбарӣ дар майдони марказии шаҳр ҷамъомади махсуси санҷишӣ баргузор гардид.
Дар ҷараёни чорабинӣ омодагии сохторҳои масъул, мақомоти иҷроияи ҳокимияти давлатӣ, мақомоти ҳифзи ҳуқуқ ва дигар ниҳодҳои марбута мавриди санҷиш қарор дода шуд. Сардори Ситоди генералии Қувваҳои Мусаллаҳ ва роҳбарияти мақомоти иҷроияи ҳокимияти давлатии шаҳри Роғун зимни суханронӣ қайд карданд, ки таъмини омодагии доимӣ дар самти мудофиаи ҳудудӣ ва сафарбарӣ яке аз вазифаҳои муҳими сохторҳои давлатӣ ба ҳисоб рафта, барои ҳифзи амният ва суботи кишвар аҳаммияти муҳим дорад.
Зимнан, масъулине, ки дар ҷараёни чорабиниҳои даъватӣ маҳорати баланд нишон доданд ва ҳамзамон волидайни фаъолу намунавӣ аз номи роҳбарияти Вазорати мудофиаи кишвар мавриди қадрдонӣ қарор гирифтанд.
Чорабинии мазкур бо иштироки аъзои ситод ва баррасии мавзуву масъалаҳои муҳими соҳаи мудофиаи ҳудудӣ ва захираҳои сафарбарӣ таҳлилу натиҷагирӣ карда шуд.
