Савгандёдкунии наваскарон дар қисми низомии 02615
Бо садо додани Суруди миллӣ чорабинии савгандёдкунии наваскарон дар қисми низомии 02615 ҳусни оғоз ёфт.
Дар оғози қисмати асосии ҷамъомад, наваскарон бо амри барои қабул намудани Савганди ҳарбӣ ба ҷойҳои муайяншуда, бо қадамҳои сафӣ дар маркази майдони сафороӣ саф оростанд, то ки бо даъвати командирони бевоситаи ҷузъу томи хеш ба назди онҳо ҳозир гардида, бо ба даст гирифтани матни пурмӯҳтавои савганднома, сатрҳои онро ба забон оранд ва бо садоқату самимият ва нерӯйи диловаронаву шу ҷоати ҷавонмардона баҳри пос доштани хоки поки Ватан ва дифо аз марзи муқаддасу мардуми шарафманди он, савганд ёд намоянд.
Ба ҳамин тартиб дар чорабинии мазкур беш аз 150 нафар наваскарони даъвати баҳорӣ дар назди афсарони Ватан, падару модарон ва дигар наздикону пайвандони хеш, бо тантанаву лафзи ҷавонмардона Савганди ҳарбӣ қабул намуда, қавл доданд, ки дар ин
роҳи пуршараф, яъне хизмат дар сафи Артиши миллӣ нерӯ ва ҳаёти худро дареғ надошта, то нафаси охирин ба халқу Ватан содиқ мемонанд.
Афсари масъули Вазорати мудофиаи мамлакат, генерал-майор Маъруф Шарифӣ, ки ба табрики наваскарони ин қисми ҳарбӣ омода буд, зимни баромади хеш бо бардошт аз та ҷриба ва собиқаи зиёди хизмат, аз афзалияту муҳиммияти хизмати ҳарбӣ дар ҳаёти ҳар як ҷавон ёдовар шуда, хизмат дар сафи Қувваҳои Мусаллаҳро мактаби тарбия, рушди нерӯйи ақлониву ҷисмонӣ ва обу тоб дар набарди зиндагӣ арзёбӣ намуд.
Падару модарони наваскарон зимни баромади хеш аз ғамхориҳои давлату ҳукумат нисбат ба ҷавонон ибрози назар намуда, аз фарзандони худ талаб намуданд, то бо ақлу заковат ва донишу маҳорати баланд, вазифаҳои дар наздашон бударо сарбаландона и ҷро намоянд.
Маросими савгандёдкунӣ дар қисми низомии болозикр бо тартиби муқаррарнамудаи ойинномаҳои умумиҳарбӣ, дар сатҳи баланд ташкилу ба роҳ монда шуд, ки он воқеан лаҳзаи фаромӯшнаванда дар ҳаёти ҳар як наваскар хоҳад буд.
Қабули Савганди ҳарбӣ дар қисми низомии 08010
Давоми беш аз як моҳи хизмати наваскарии худ дар ин қисми низомии 08010 сарбозон меъёрҳои ойинномавӣ ва дигар уҳдадориҳои ҳарбиро аз худ намуда, барои ёд намудани Савганди ҳарбӣ омода шуданд.
Маросими савгандёдкунии сарбозони қисми низомии мазкур бо даровардани Байрақи ҷангӣ ва садо додани Суруди миллӣ оғоз гардид.
Зимнан, ҳар як наваскар дар назди масъулини роҳбарикунандаи навъи қӯшуни хеш, афсарони қисми ҳарбӣ ва падару модарон савганд ёд намуда, қавл доданд, ки сарбози содиқу бошарафи Ватан боқӣ монда, натанҳо давоми хизмат, балки тамоми умр баҳри таъмини суботу амнияти кишвар кӯшиш мекунад. Зеро ҳифзу ҳимояи давлат ва таъмини амнияти мардум вазифаи шаҳрванд, хусусан ҷавонони бонангу ор ва муҳофизони он мебошад. Сарбозони далеру шу ҷоъ маҳз бо дарки ҳамин рисолати фарзандӣ имрӯз хизмати ҳарбиро ихтиёр намуда, масъулияти дифои марзу буми Ватанро пеша кардаанд.
Наваскарон, садоқату самимияти худро зери Байрақи ҷангии қисми ҳарбӣ бо баёни ибораи басо ҳам пурифтихори хизмати содиқона ба халқу Ватан нишон дода, бо шараф
хондан ба Сарфармондеҳи Олии Қувваҳои Мусаллаҳ изҳор доштанд, ки дар ин роҳи пуршараф ва мояи ифтихору сарфарозӣ қадамҳои устувор мегузоранд ва хизмати масъулиятноки низомиро сарбаландона пеш мебаранд.
Ҳайати роҳбарикунанда, намояндагони бахшу соҳаҳои гуногуни ҷомеа ва волидону наздикони сарбозон, фарзандони далеру қаҳрамони Ватанро ба муносибати қабули Савганди ҳарбӣ самимона табрику муборакбод намуда, таъкид доштанд, ки маҳз бо шарофати садоқату ҷасорати касбӣ, фидокориву ҷоннисорӣ ва хизматҳои шабонарӯзии хизматчиёни ҳарбӣ дар сарзамини поки ниёгонамон сулҳу суббот пойдор аст ва имрӯз ҷомеаи кишвар зиндагии осоишта дорад.
Дар ҷараёни чорабинӣ ҳамзамон як гурӯҳи сарбозони қисми ҳарбӣ бо ташкили машқҳои тан ба тан, ки баёнгари ҷасуриву далерӣ ва омодагии доимии онҳо баҳри ҳимояи марзу буми Ватан аст, хотири иштимрокчиёнро шод намуданд.
Ҷамъомади тантанавии қабули Савганди ҳарбӣ аз ҷониби наваскарони даъвати баҳории соли равон дар ин қисми низомии Вазорати мудофиа бо гузашти низомии ҳайати шахсӣ ва таҳти навои оҳангу таронаҳои аҳли ҳунар ба поён расид.
Боқӣ ШАРИФОВ,
рӯзноманигор
