Шурӯъ аз 1-уми феврали соли 2023, бахшида ба 30-юмин солгарди таъсисёбии Қувваҳои Мусаллаҳи Ҷумҳурии Тоҷикистон ва бо мақсади дарёфти истеъдодҳои намоён аз миёни сарбозон, дар қисми ҳарбии 02615-и Вазорати мудофиа фестивал-озмуни «Суруди сарбоз» оғоз гардида, он дар сатҳи баланд ҷарён дорад.
Масъулини Вазорати мудофиа зимни сухани ифтитоҳӣ зикр намуданд, ки яке аз ҳадафҳои баргузории чунин чорабиниҳои фарҳангиву фароғатӣ байни ҷузъу том ин тарғиби хизмати ҳарбӣ, тарбияи ватандӯстӣ, баланд бардоштани эҳсоси меҳанпарастии хизматчиёни ҳарбиро дар бар мегирад.
Дастаҳои ҳаваскори қисму воҳидҳои низомӣ маҳорату малакаи хуби санъаткорӣ, рақсу сурудхонӣ, маҳорати нотиқӣ, ба намоиш гузоштани рӯзномаҳои деворӣ ва қироат намудани суруду шеърҳои ватандӯстона нишон дода, ҳамзамон дар рафти озмун аз ӯҳдаи навохтани асбобҳои мусиқии мардумӣ низ ба хубӣ баромаданд. Мазмуну мундариҷаи хори умумӣ, хониши бадеӣ ва суруди яккаи иштирокчиёни озмун дар рӯҳияи ватандӯ стӣ, садоқат ба ин марзу бум ва аз Савганди ҳарбӣ иборат буд.
Маврид ба зикр аст, ки дар асоси фармоиши вазири мудофиа ва низомнома фестивал-озмуни «Суруди сарбоз» дар дигар гарнизонҳои ҷумҳурӣ низ гузаронида мешавад ва он, то санаи 14-уми феврали соли равон идома меёбад.
Шоҳин ШАРИФОВ
