Аз оғози даъвати баҳории соли 2022, 20 рӯз сипарӣ гардида ин чорабинии муҳими сиёсӣ дар тамоми шаҳру навоҳии мамлакат муташакилона идома дорад ва дар ин муддат, иҷрои нақша дар қаламрави ҷумҳурӣ 50 фоизро ташкил медиҳад.
Маврид ба зикри хос аст, ки давоми чор соли охир аст, ки дар байни вилоятҳо ва шаҳру ноҳияҳо Вилояти Мухтори Кӯҳистони Бадахшон дар нахустин рӯзи даъвати шаҳрвандон иҷрои нақшаро дар қаламрави ин вилоят ба 100 фоиз баробар менамояд.
Ҳамзамон, дар миёни шаҳру навоҳии мамлакат, пас аз ВМКБ, чаҳор ноҳияи шаҳри Душанбе дар давоми 20 рӯзи ҷараёни ин чорабинии муҳим дар ҷадвали натиҷаи даъвати баҳорӣ нисбат ба дигар минтақаҳои ҷумҳурӣ пешсаф буда, масъулини комисияҳои давлатии даъват дар пойтахти кишвар иҷрои уҳдадории ба онҳо пешбинишударо то ин дам ба зиёда аз 60 фоиз баробар намудаанд.
Дар ин радиф, иҷрои нақша дар комиссариатҳои ҳарбии шаҳру ноҳияҳои тобеи ҷумҳурӣ наздик ба 60 фоиз, дар вилояти Хатлон зиёда аз 50 фоиз ва дар вилояти Суғд бошад, давоми 20 рӯзи сиапригардидаи ин чорабинии муҳими сиёсӣ наздик ба 40 фоизро ташкил медиҳад.
Ёдовар мешавем, ки аз маҷмӯи умумии 25 шаҳру навоҳии вилояти Хатлон то ин дам ноҳияҳои Шамсиддин Шоҳин, Носири Хусрав ва Фархор нақшаи даъватро ба итмом расонида, аз ноҳияҳои шаҳру ноҳияҳои тобеи ҷумҳурӣ бошад, ноҳияҳои Лахш, Нуробод, Рашт, Сангвор ва Тоҷикобод низ аз иҷрои нақша пурра гузориш доданд.
МАРКАЗИ МАТБУОТИ ВАЗОРАТИ
МУДОФИАИ ҶУМҲУРИИТОҶИКИСТОН
