Вобаста ба татбиқи амалии Фармони Президенти Ҷумҳурии Тоҷикистон, муҳтарам Эмомалӣ Раҳмон аз 29 августи соли 2025 таҳти №1071 “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1998-2007-и Ҷумҳурии Тоҷикистон ба хизмати ҳарбӣ” ва тибқи талаботи Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” дар мамлакат даъвати навбатии ҷавонписарон ба сафи Қувваҳои Мусаллаҳ муташаккилона идома дорад.
Бо сипарӣ гардидани 20 рӯз аз ин чорабини муҳими сиёсӣ ҳудуди 40 шаҳру ноҳияи ҷумҳурӣ нақшаи пешбинигардидаро пурра иҷро намудаанд. Тавре қаблан хабар дода будем Вилояти мухтори кӯҳистони Бадахшон аввалин шуда дар сатҳи ҷумҳурӣ аз иҷрои барзиёди нақшаи даъват, яъне 101, 2 фоиз гузориш дод. То имрӯз бошад, натиҷаи иҷрои нақшаи даъвати тирамоҳӣ дар вилояти Суғд 73 фоиз, вилояти Хатлон 97 фоиз, шаҳру ноҳияҳои тобеи ҷумҳурӣ 80 фоиз ва дар шаҳри Душанбе 87 фоизро ташкил медиҳад.
Ҳамин тавр, дар 20 рӯз нақшаи даъвати тирамоҳӣ дар қаламрави ҷумҳурӣ 86 фоиз иҷро гардидааст.
Маркази матбуот ва иттилооти
Вазорати мудофиаи Ҷумҳурии Тоҷикистон
