Тавре хабар дорем, шурӯъ аз якуми октябри соли равон даъвати тирамоҳии шаҳрвандони ҷинси марди аз 18 то 27 солаи Ҷумҳурии Тоҷикистон ба хизмати ҳатмии ҳарбӣ дар малакат ҷараён дошта, аллакай аз оғози ин чорабинии муҳими сиёсӣ-ҷамъиятӣ як моҳ сипарӣ гардид.
Барои маълумот хотиррасон мекунем, ки бо оғоз гардидани чорабиниҳои даъватӣ дар комиссариатҳои ҳарбии шаҳру ноҳияҳои кишвар, нахустин шуда дар ҷумҳурӣ шаҳру ноҳияҳои Вилояти Мухтори Кӯҳистони Бадахшон нақшаи пешбинигардидаро пурра ба анҷом расониданд.
Дар миёни шаҳру навоҳии мамлакат пас аз Вилояти Мухтори Кӯҳистони Бадахшон, чаҳор ноҳияи шаҳри Душанбе дар ҷадвали натиҷаи даъвати тирамоҳӣ нисбат ба дигар минтақаҳои ҷумҳурӣ пешсаф буда, иҷрои нақшаи ба масъулини комисияҳои давлатии даъват пешбинигардида дар пойтахти кишвар бошад, дар арафаи анҷомёбӣ қарор дорад. ғ
Дар ин радиф иҷрои нақша дар комиссариатҳои ҳарбии шаҳру ноҳияҳои тобеи ҷумҳурӣ наздики 80 %, дар вилояти Суғд 56% ва дар вилояти Хатлон бошад давоми як моҳи сипригардида ин чорабинии муҳими сиёсӣ 54 %-ро ташкил медиҳад. Умуман, аз оғози даъвати тирамоҳии шаҳрвандон ба хизмати ҳатмии ҳарбӣ то имрўз иҷрои нақша дар қаламрави ҷумҳурӣ наздики 70%-ро дар бар мегирад.
Бо натиҷагирӣ аз сатҳи баргузории чорабиниҳои рўзи аввал ва даъвату гусели саривақтии даъватшавандагон ба хизмати ҳарбӣ, қайд кардан ба маврид аст, ки дар як моҳи сипаригардидаи даъвати тирамоҳӣ алакай зиёда аз 20 шаҳру навоҳии ҷумҳурӣ аз иҷрои пурраи нақшаи ба худ пешбинигардида гузориш додаанд.
Қобили зикр аст, ки ҷиҳати иҷрои саривақтии Фармони Президенти Ҷумҳурии Тоҷикистон муҳтарам Эмомалӣ Раҳмон дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳравандони солҳои таваллуди 1994-2003 юми Ҷумҳурии Тоҷикистон ба хизмати ҳарбӣ, ин маъракаи муҳими сиёсӣ дар дигар шаҳру навоҳии мамлакат муташаккилона ва дар сатҳи зарурӣ ҷараён дорад.
Маркази матбуот
