Дар асоси Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1999 — 2008 Ҷумҳурии Тоҷикистон ба хизмати ҳарбӣ», аз санаи 1 — уми окябри соли 2026 даъвати тирамоҳии шаҳрвандон ба хизмати ҳарбӣ оғоз гардид.
Натиҷаи рӯзи аввали даъвати тирамоҳии шаҳрвандон ба хизмати ҳарбӣ дар қаламрави ҷумҳурӣ 55 фоизро ташкил дода, дар нахустин рӯз комиссияи даъватии Вилояти Мухтори Кӯҳистони Бадахшон аз иҷрои пурраи нақшаи даъват гузориш доданд.
Ҳамин тавр, дар як рӯзи сипаригардидаи чорабиниҳои даъватӣ иҷрои нақшаи даъват дар вилояти Хатлон — 76 фоиз, вилояти Суғд — 13 фоиз, Шаҳру ноҳияҳои тобеи ҷумҳурӣ — 64 фоиз ва шаҳри Душанбе — 63 фоизро ташкил дода, беш аз 20 шаҳру ноҳияҳои кишвар нақшаи пешбинигардидаи даъвати навбатиро дар рӯзи аввал пурра ва дар сатҳи баланд ба иҷро расонидаанд.
НАТИҶАИ РӮЗИ АВВАЛИ ДАЪВАТИ ТИРАМОҲИИ ШАҲРВАНДОН БА ХИЗМАТИ ҲАРБӢ
