Аз якуми октябри соли 2021, дар тамоми шаҳру навоҳии мамлакат даъвати тирамоҳии шаҳрвандон ба хизмати ҳатмии ҳарбӣ оғоз гардида, аллакай дар давоми даҳ рӯзи ҷараёни ин маъракаи муҳими сиёсӣ, иҷрои нақша дар қаламрави ҷумҳурӣ зиёда аз 40 фоизро ташкил медиҳад.
Дар давоми даҳ рӯзи идомаи чорабиниҳои даъватии шаҳрвандон ба хизмати ҳарбӣ, дар байни вилоятҳо, иҷрои нақша дар ВМКБ ба 96 фоиз баробар буда, аллакай дар ин минтақа ноҳияҳои Дарвоз, Ванҷ, Рӯшон, Роштқалъа, Шуғнон, Мурғоб ва шаҳри Хоруғ дар хусуси пурра ба анҷом расонидани нақшаи даъват гузориш доданд.
Ин чорабинии муҳими сиёсӣ, дар шаҳру навоҳии вилояти Суғд низ муташаккилона идома дошта, иҷрои нақша дар ин вилоят, дар давоми даҳ рӯз ба 32 фоиз баробар мебошад.
Аз маҷмӯи умумии 25 шаҳру навоҳии вилояти Хатлон, то ин дам ноҳияи Шамсиддин Шоҳин аз иҷрои
пурраи нақшаи даъват гузориш дода, иҷрои нақша дар қаламрави ин вилоят, 29 фоизро ташкил медиҳад.
Аз рӯзи оғози даъвати тирамоҳии шаҳрвандон ба хизмати ҳатмии ҳарбӣ, иҷрои нақша дар давоми даҳ рӯзи ҷараёни ин маъракаи муҳими сиёсӣ, дар шаҳру ноҳияҳои тобеи ҷумҳурӣ ба 61 фоиз баробар буда, аллакай шаҳру навоҳии Ваҳдат, Рашт, Нуробод, Сангвор, Тоҷикобод ва Лахш аз анҷоми нақшаи ба онҳо пешбинишуда гузориш доданд.
Ҳамин тариқ, дар комиссариатҳои ҳарбии чаҳор навоҳии пойтахт иҷрои нақша 49 фоизро ташкил медиҳад.
Фаридун МАҲМАДАЛИЗОДА,
сардори Маркази матбуот,
полковник
