Дар рӯзҳои ҷашнгирии Наврӯзи аҷам бо ташаббуси роҳбарияти Донишкадаи ҳарбии Вазорати мудофиаи мамлакат, дар пойгоҳи ин муассиаи олии низомӣ, Конфренсияи ҷумҳуриявии илмӣ — нариявӣ таҳти мавзӯи “Наврӯз бо ҳама ҳусни табииву заминиаш намунаи як фарҳангу тамаддуни олӣ” баргузор гардид.
Дар рафти конфронс намояндагони бахшу соҳаҳои гуногун иштирок намуда, зимнан дар мавзӯъҳои “Таърих ва пайдоиши ҷашни Наврӯзи хуҷастапай”, “Наврӯз яке аз ҷашнҳои миллии халқи тоҷик”, “Наврӯз ва ҳуввияти миллӣ” ва “Тараннуми Наврӯз дар “Осор-ул-Боқия”-и Абурайҳони Берунӣ маърӯзаҳо пешниҳод карданд. Маърӯзачиён таъкид намуданд, ки мардуми тоҷик Наврӯзро дар давоми ҳазорсолаҳо ҳамчун яке аз ойинҳои беҳтарин миллӣ аз насл ба насл ба мерос гузошта, то замони мо расонидаанд.
Ин ҷашни бузург бо шарофати озодиву соҳибистиқлолии Ватани маҳбубамон на танҳо ба мақоми расмӣ соҳиб гардид, балки бо талошҳои Ҳукумати мамлакат ба ҳайси ҷашни эҳёи табиату зебоӣ мақоми байналмилалӣ касб кард ва имрӯз дар саросари олам таҷлил карда мешавад.
Боқӣ ШАРИФОВ
