Аз 9 то 11-уми феврали соли 2023 бахшида ба 30-юмин солгарди таъсисёбии Қувваҳои Мусаллаҳи Ҷумҳурии Тоҷикистон дар толори варзишии Муассисаи давлатии «Мактаби махсуси варзишии захираҳои олимпии №5 оид ба намудҳои бозиҳои варзиш»-и шаҳри Душанбе, байни хизматчиёни ҳарбии мақомоти ҳифзи ҳуқуқ ва сохторҳои қудратии мамлакат мусобиқа аз намуди тенниси рӯйи миз доир мегардад.
Тибқи нақшаи баргузории ин чорабинии варзишӣ ва дар маросими кушодашавии мусобиқаи мазкур, аз ҷониби як ҷузъи Бригадаи десантӣ-зарбавии Қӯшунҳои зудамал дар назди ҳозирин ҳимояи хеш дар задухӯрдҳои тан ба тан намоиш дода мешавад.
Ҳадаф аз баргузории ин чорабинии варзишӣ агар аз як тараф ба муносибати таҷлили сазовор ба ҷашни Артиши миллӣ бахшида шуда бошад, аз ҷониби дигар он баҳри рушди камолоти шахсият, тарғиби тарзи ҳаёти солим, таҳким бахшидани дӯстию рафоқат байни хизматчиёни ҳарбии сохторҳои қудратии мамлакат ва мақомоти ҳифзи ҳуқуқро дар бар мегирад.
Шоҳин ШАРИФОВ
