Дар маҷлиси васеи занон, ки баҳри татбиқи нақша-чорабиниҳо оид ба иҷрои вазифаҳои зикргардида дар Паёми навбатии Президенти Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” ва ҳамзамон ҷиҳати амалигардонии “Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030” дар толори Вазорати мудофиаи мамлакат баргузор гардид, зимни он як қатор масъалаҳо вобаста ба фаъолияти занону бонувон ва нақши онҳо дар таҳкиму таҳкиму тақвият бахшидани пояҳои давлатадории мустақили миллӣ мавриди таҳлилу баррасӣ қарор гирифт.
Дар кори ҷаласаи навбатӣ, ки бо ташаббуси Шӯрои занони Вазорати мудофиа ташкилу роҳандозӣ гардида буд, намояндагон аз Суди Олии Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон ва Сарпрокуратураи ҳарбии ҷумҳурӣ иштирок намуда, дар назди занону бонувони низомии ҷузъу томи Қувваҳои Мусаллаҳи мамлакат бо маърӯзаҳои пурмӯҳтаво баромад намуданд.
Иштирокчиёни ҷамъомад ҳар яке дар навбати худ аз нақш ва мавқеи занону бонувон дар ҷомеаи муосиру мутамаддин ва вобаста ба сиёсати давлатии онҳо дар замони соҳибистиқлолии кишвар изҳори назар намуда, саҳми ин қишри фаъоли ҷомеаро дар пешбурди муваффақонаи соҳаҳои гуногун, аз ҷумла рушду такомули Артиши миллӣ, ки яке аз рукнҳои асосии давлатдорӣ маҳсуб меёбад, муҳим арзёбӣ намуданд. Таъкид карда шуд, ки бо тарбияи насли солимақлу хештаншинос ва мустаҳкам намудани пояҳои ахлоқу рафтори ҳамида дар оила занон саҳми бағоят бузург ва ҷойгоҳу мавқеи асосиро доро мебошанд.
Дар робита ба назару андешаҳои баромалкунандагон бояд қад кард, ки занону бонувон ҳамчун қишри фаъоли момеа ва тарбиятгари насли наврас ҳамеша дар партави таваҷҷӯҳи Роҳбарияти Олии мамлакат қарор доранд. Дар даврони соҳибистиқлолии кишвар ҷиҳати дастгирии ин қишри бонуфузи ҷомеаи шаҳрвандӣ як қатор қонуну санадҳои меъёрӣ-ҳуқуқӣ ва стратегияву барномаҳои давлатӣ қабул ва дар амал татбиқ карда шудаанд, ки нақши занону бонувони моро дар пешбурди сиёсати давлатӣ ва эъмори ҷомеаи ҳуқуқбунёду демократӣ боз ҳам рӯшантару барҷастатар намудаанд.
Боқӣ ШАРИФОВ
