Моҳи декабри соли равон, дар машқгоҳи “Фахробод”-и гарнизони Хатлон машқҳои муштараки зиддитеррористии ҷузъу томи таъйиноти махсуси Қувваҳои Мусаллаҳи Ҷумҳурии Тоҷикистон, доир карда шуд.
Машқҳои мазкур дар доираи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 ва дар се марҳила гузаронида шуд.
Мақсад аз баргузор гардидани машқҳо асосан ба танзимдарории ҳолати низоӣ ё худ таҳти назорати мақомоти ҳифзи ҳуқуқ гирифтани тартиботи ҷамъиятиву ҳуқуқӣ, бурдани амалиёти муштараки махсус, ҳаракати ҷузъу томҳои асосӣ, ҳамчунин таъқиб ва нобуд сохтани гурӯҳҳои ғайриқонунии силоҳбадастро дар бар мегирифт.
Барои дастгиру безарар гардонидани афроди сарҳадшикану ғайриқонунӣ мусаллаҳи мамлакат бо истифода аз техникаҳои вазнини зиреҳпӯш, авиатсияи ҷангӣ, автомашинаҳои махсуси замонавии зиреҳпӯш, норинҷаки дастӣ ва дигар силоҳу муҳимоти ҳозиразамони мухталифи ҳарбӣ ба суйи ҳадафҳои ниҳоӣ, ки таҷасумгари душманоми шартӣ буданд, оташи шадид равона намуданд.
Дар машқҳои мазкур, унсурҳои мухталифи зиддитеррористӣ ва дигар роҳу усулҳои мубориза ба зидди афроди ғайриқонуни мусаллаҳ амала коркарду тарҳрезӣ гардиданд.
Рафти баргузории машқҳои мазкур аз ҷониби Ситоди генералии Қувваҳои Муссалаҳ бевосита назорат карда шуд.
Зимни ҷамбасти даври ниҳоии машқҳои муштараки зиддитеррористии ҷузъу томҳои таъинотҳои махсуси Ҷумҳурии Тоҷикистон сардори Ситоди генералии Қувваҳои Мусаллаҳ ва Сарпрокурори ҳарбии ҷумҳурӣ дар назди ҳайати иштирокчиёни тамринҳои низомӣ баромад намуда, вобаста ба тавваҷуҳи доимии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти таҳкими сулҳу суботи мамлакат, амнияти давлату миллат, сиёсати дифоии кишвар, таҳдиди хатарҳои эҳтимолӣ ва баҳри боз ҳам баланд бардоштани иқтидори мудофиавии мамлакат ибрози андеша намуданд.
Баъд аз тақдими туҳфаҳои хотиравӣ ба иштирокчиёни ин чорабинии ҳарбӣ, расми гузашти низомии ҳайати шахсӣ ё худ ҷузу томҳои дар ин машқҳо ширкатнамуда анҷомбахши даври ҷамбастии машқҳои муштараки зиддитеррористии ҷузъу томҳои таъинотҳои махсус дар машқҳои Фахробод гардид.
Сафарбег СИРОҶЗОДА
