11 октябри соли 2025 дар асоси нақшаи ҳамкориҳои ҳарбӣ байни Вазорати мудофиаи Ҷумҳурии Тоҷикистон ва Вазорати мудофиаи Ҷумҳурии Узбекистон контингенти ҳарбии Қувваҳои Мусаллаҳи Ҷумҳурии Тоҷикистон ба машқгоҳи “Каттақурған”-и шаҳри Самарқанд барои иштирок дар машқҳои минтақавии “Бирлик-2025”, ки аз 11 то 21 октябри соли равон ба нақша гирифта шудааст, сафарбар гардиданд.
Қобили қайд аст, ки қабули ҳайати шахсии контингенти ҳарбии Ҷумҳурии Тоҷикистон аз ҷониби Ҷумҳурии Узбекистон дар фазои дӯстона ва бо самимияти хоса амалӣ гардида, ба ҳайати шахсӣ барои иҷрои вазифаҳои дарпешистода дар доираи машқҳои минтақавӣ шароити хуби хизматӣ ташкил карда шуд.
Дар машқҳои минтақавӣ ҷумҳуриҳои Озарбойҷон, Қазоқистон, Тоҷикистон, Қирғизистон ва Узбекистон ширкат варзида, мубодилаи таҷриба ва афкори ҳарбӣ дар раванди амалигардонии марҳилаҳои машқи мазкур дар назар аст.
Маркази матбуот ва иттилооти
Вазорати мудофиаи Ҷумҳурии Тоҷикистон
