Вазорати мудофиаи Ҷумҳурии Тоҷикистон ҷавонписарони синни 15-16-соларо баъди хатми синфи 9-уми муассисаҳои таҳсилоти миёнаи умумӣ, барои таҳсил ба Литсейи ҳарбӣ даъват менамояд.
Хоҳишмандон ҳуҷҷатҳои заруриро тавассути комиссариати ҳарбии маҳалли зист пешниҳод намуда, баъди гузаштан аз муйоинаи тиббӣ онҳо аз фанҳои матиматикаву забони русӣ ба таври хаттӣ, аз фанни физика тариқи шифоҳӣ, аз забону адабиёт бо тарзи сӯҳбат ва аз тарбияи ҷисмонӣ тибқи меъёрҳои муқарраршуда имтиҳон месупоранд. Хароҷоти таҳсили 2-солаи тарбиятгирандагон дар Литсейи ҳарбӣ ба таври ройгон ва аз ҳисоби давлат пурра таъмин карда мешавад.
Бо супориши Пешвои миллат, мӯҳтарам Эмомалӣ Раҳмон, барои ятимони кулл, бепарасторон ва оилаҳои камбизоат имтиёз пешбинӣ шудааст, ки онҳо тариқи сӯҳбат ба литсей қабул карда мешаванд.
Тарбиятгирандагони Литсейи ҳарбӣ баъди хатм ба муассисаҳои таълимии ҳарбии Тоҷикистон, Федератсияи Россия, ҷумҳуриҳои Ҳиндустон, Қазоқистон, Ӯзбекистон, Озорбойҷон ва Ҷумҳурии мардумии Чин барои идомаи таҳсил фиристода мешаванд.
Барои гирифтани маълумоти иловагӣ, шаҳрвандон метавонанд ба нишон ва телефонҳои зерин муроҷиат намоянд:
Суроға: ш. Душанбе, кӯчаи Восеъ 123.
Литсейи ҳарбии Вазорати мудофиаи Ҷумҳурии Тоҷикистон:
Телефонҳо: Факс: (+992) 226-60-34
(+992) 93-322-38-88
Почтаи электронӣ:
Litseyiharbivmjt@mail.ru
