ЛОИҲА

Зимни таҳияи лоиҳаҳои санадҳои меъёрии ҳуқуқӣ, аҳамияти хоса ба омилҳои бавуҷудоварандаи коррупсия дода, мутобиқи банди 15 “Тартиби гузаронидани экспертизаи зиддикоррупсионии санадҳои меъёрии ҳуқуқӣ, санадҳои меъёрии ҳуқуқии хусусияти умумиҳатмидоштаи вазоратҳо, кумитаҳои давлатӣ, дигар мақомоти давлатӣ, мақомоти маҳаллии ҳокимияти давлатӣ, мақомоти худидоракунии шаҳрак ва деҳот ва лоиҳаҳои онҳо, арзёбии дохилиидоравии зиддикоррупсионии лоиҳаҳои санадҳои меъёрии ҳуқуқӣ”, ки бо қарори Ҳукумати Ҷумҳурии Тоҷикистон аз 3-юми июни соли 2014, №355 тасдиқ шудааст, арзёбии дохилиидоравии зиддикоррупсионии лоиҳаҳои мазкур гузаронида шуда, ҳамзамон барои мувофиқа ва гирифтани хулосаи экспертизаи давлатии зиддикоррупсионии онҳо ба Агентии назорати давлатии молиявӣ ва мубориза бар зидди коррупсияи Ҷумҳурии Тоҷикистон пешниҳод карда мешаванд.

Инчунин, то моҳи октябри соли 2022 нисбат ба лоиҳаҳои санадҳои меъёрии ҳуқуқии зерин хулосаҳои экспертизаи зиддикоррупсионӣ гирифта, дар онҳо омилҳои бавуҷудоварандаи коррупсия муайян карда нашудааст.

1. Қарори Ҳукумати Ҷумҳурии Тоҷикистон “Дар бораи ба Маҷлиси Олии Ҷумҳурии Тоҷикистон барои тасдиқ пешниҳод намудани Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Туркия оид ба ҳамкории ҳарбӣ” аз 22-юми апрели соли 2022.
2. Қарори Ҳукумати Ҷумҳурии Тоҷикистон “Дар бораи ба Маҷлиси намояндагони Маҷлиси Олии Ҷумҳурии Тоҷикистон барои тасдиқ пешниҳод намудани Созишнома оид ба низоми алоқаи муштараки (муттаҳидаи) Қувваҳои Мусаллаҳи давлатҳои иштирокчии Иттиҳоди Давлатҳои Мустақил.
3. Қарори Ҳукумати Ҷумҳурии Тоҷикистон “Дар бораи ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон” бо мақсади таъсиси вазифаи Атташеи ҳарбии назди Сафорати Ҷумҳурии Тоҷикистон дар Ҷумҳурии Туркия.
4. Лоиҳаи Фармони Президенти Ҷумҳурии Тоҷикистон дар хусуси маъқул донистани лоиҳаи Протоколи чорум оид ба ворид намудани тағйирот ба Оинномаи Созмони Аҳдномаи амнияти дастаҷамъӣ аз 7-уми октябри соли 2022.
5. Лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон “Дар бораи тасдиқи Созишнома оид ба воҳидҳои якҷояи безараргардонии гуманитарии минаҳои Қувваҳои Мусаллаҳи давлатҳои иштирокчии Иттиҳоди Давлатҳои Мустақил” (бо мактуби Президенти Ҷумҳурии Тоҷикистон).
6. Лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон “Дар бораи тасдиқ намудани Созишнома оид ба масъалаҳои тобеияти ҳуқуқӣ ва расонидани кӯмаки ҳуқуқӣ ба парвандаҳои марбут ба будубоши муваққатии ҷузъу томи қувва ва воситаҳои низоми амнияти дастаҷамъӣ дар ҳудуди давлатҳои аъзои Созмони Аҳдномаи амнияти дастаҷамъӣ” аз 16-уми сентябри соли 2021 (ба лоиҳаи мактуби Президенти Ҷумҳурии Тоҷикистон дар хусуси ба тасдиқ пешниҳод намудан).
7. Лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон “Дар бораи тасдиқ намудани Созишнома оид ба таъминоти муштараки моддӣ — техникӣ ва тиббии Қӯшун (Қувваҳои дастаҷамъона) — и Созмони Аҳдномаи амнияти дастаҷамъӣ” аз 16-уми сентябри соли 2021 (ба лоиҳаи мактуби Президенти Ҷумҳурии Тоҷикистон дар хусуси ба тасдиқ пешниҳод намудан).
8. Лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон “Дар бораи тасдиқ намудани Протокол дар бораи ворид намудани тағйирот ба Созишнома оид ба фаъолияти сулҳпарваронаи Созмони Аҳдномаи амнияти дастаҷамъӣ” аз 6-уми октябри соли 2007 аз 16-уми сентябри соли 2021 (ба лоиҳаи мактуби Президенти Ҷумҳурии Тоҷикистон дар хусуси ба тасдиқ пешниҳод намудан).
9. Лоиҳаи Қарори Ҳукумати Ҷумҳурии Тоҷикистон “Дар хусуси лоиҳаи Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Туркия оид ба ҳамкории ҳарбӣ дар соҳаи саноати мудофиавӣ”.
10. Лоиҳаи Қарори Ҳукумати Ҷумҳурии Тоҷикистон “Дар хусуси лоиҳаи Протокол байни Ҳукумати Ҷумҳурии Тоҷикистон ва Ҳукумати Ҷумҳурии Туркия“ оид ба расонидани кӯмаки молиявӣ.
11. Лоиҳаи Ёддошти тафоҳум байни Вазорати мудофиаи Ҷумҳурии Тоҷикистон ва Вазорати мудофиаи Ҷумҳурии Исломии Покистон оид ба мубодилаи иттилоот, дар баррасии ҷониби Покистон қарор дорад.

Вазири мудофиаи

Ҷумҳурии Тоҷикистон

Ш. Мирзо