Вазорати мудофиаи Ҷумҳурии Тоҷикистон ҷавонписарони аз 18 то 21-соларо барои таҳсили ройгон ба Донишкадаи ҳарбӣ даъват менамояд. 
Хоҳишмандон ҳуҷҷатҳои хешро тавассути комиссариати ҳарбии маҳалли зист пешниҳод намуда, баъди гузаштан аз муойинаи тиббӣ, аз фанҳои матиматика, забонҳои тоҷикиву русӣ ба таври хаттӣ, аз фанни физика тариқи шифоҳӣ ва аз тарбияи ҷисмонӣ тибқи меъёрҳои муқарраргардида, имтиҳон месупоранд.
Баъди бомуваффақият супоридани имтиҳоноти давлатӣ, таҳсили донишҷӯён дар Донишкадаи ҳарбӣ ва дар муассисаҳои олии таълимии ҳарбии Федератсияи Россия, ҷумҳуриҳои Ҳиндустон, Қазоқистон, Ӯзбекистон ва Озорбойҷон ҷараён мегирад.
Бо супориши Пешвои миллат, мӯҳтарам Эмомалӣ Раҳмон барои ятимони кулл, бепарасторон ва оилаҳои камбизоат имтиёз пешбинӣ шудааст, ки онҳо тариқи сӯҳбат ба донишкада қабул карда мешаванд.
Муҳассилин баъди хатм, аз рӯйи ихтисос бо диплом, рутбаи ҳарбии лейтенант ва ба ҳайси афсарони касбӣ дар ҳайати сохторҳои низомии кишвар ба вазифаҳо таъйин карда мешаванд.
Барои гирифтани маълумоти иловагӣ шаҳрвандон метавонанд ба нишон ва телефонҳои зерин муроҷиат намоянд:
Суроға: ш. Душанбе, кӯчаи А. Ғулом 37/1.
Донишкадаи ҳарбии Вазорати мудофиаи Ҷумҳурии Тоҷикистон:
Телефонҳо: Факс: (+992) 232-11-94
(+992) 237-93-08, (+992) 804-30-02-02
