Имрӯз дар қисми ҳарбии 07033-и Қувваҳои ҳавоӣ ва мудофиаи зидди ҳавоии Қувваҳои Мусаллаҳи Ҷумҳурии Тоҷикистон бахшида ба ҷашни байналмилалии Наврӯз конфронси илмӣ назариявӣ таҳти унвони «Нақши Пешвои миллат дар таҳкими мавқеи Наврӯз дар арсаи байналмилалӣ» баргузор гардид.
Дар чорабинӣ роҳбарияти қисми ҳарбӣ, раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, инчунин профессор, узви вобастаи Академияи миллии илмҳои Тоҷикистон Раҳимзода Забир ва сарбозону афсарон иштирок намуданд.
Зимни конфронс таъкид гардид, ки Наврӯз дар даврони Истиқлолияти давлатӣ дар Тоҷикистон шукӯҳу шаҳомати нав касб намуда, ба яке аз ҷашнҳои бузургу муқаддаси миллӣ табдил ёфтааст.
Қайд шуд, ки мардуми куҳанбунёди тоҷик тавонистанд ҷашнҳои милии худ Наврӯз, Меҳргон ва Садаро дар тӯли асрҳо ҳифз намуда, онҳоро то ба имрӯз расонанд ва дар арсаи байналмилалӣ муаррифӣ намоянд.
Ҳамчунин зикр гардид,ки Наврӯз рамзи эҳёи табиат ва оғози зиндагии нав буда,бо фаро расидани он табиат аз хоби зимистона бедор мешавад, замин сабз мегардад, дарахтон гул мекунанд ва ба инсон илҳоми тоза мебахшад.
Таъкид шуд,ки Наврӯз на танҳо ҷашни мавсимӣ, балки падидаи муҳими фарҳангӣ ва тамаддунӣ буда,ӣҳамчун рамзи сулҳ, дӯстӣ ва ҳамдигарфаҳмӣ миёни мардумон хизмат мекунад.
Дар фарҳанги тоҷикон он бо анъанаҳо ва ойинҳои қадимӣ бо шукӯҳи хоса таҷлил мегардад.
Дар фарҷоми конфронс ба як қатор иштирокдорон сипоснома ва тӯҳфаҳои ҷашнӣ тақдим гардида, барномаи фарҳангии оркестри ҳарбӣ манзури ҳозирин гардонида шуд.
