Мутобиқи Қатъномаи Ассамблеяи генералии Созмони Милали Мутаҳид аз 20 – уми декабри соли 2022, ҳамасола санаи 12 – уми феврал “Рӯзи байналмилалии пешгирии ифротгароии хушунатомез, ки замина барои терроризм мешавад” таҷлил мегардад.
Бо ин мақсад дар асоси нақша — чорабиниҳои Вазорати мудофиаи Ҷумҳурии Тоҷикистон оид ба баргузории корҳои фаҳмондадиҳиву таблиғотӣ, инчунин варзишиву фарҳангӣ ва ҷиҳати баланд бардоштани сатҳи маърифати сиёсӣ ва ҳуқуқии ҷавонон дар масъалаи муқовимат ба ифротгароии хушунатомез, дар Донишкадаи ҳарбӣ Конфренсияи илмӣ – амлӣ дар мавзуи “Роҳҳо ва усулҳои пешгирии ифротгароии хушунатомез дар байни ҷавонон” бо иштироки намояндагони Вазорати мудофиа, Прокуратураи ҳарбии гарнизони Душанбе ва устодону курсантон баргузор гардид.
Ба таъкиди Пешвои миллат, муҳтарам Эмомалӣ Раҳмон “Тарбияи ҷавонон дар руҳияи ватандустӣ, худшиносии миллӣ ва маърифати сиёсӣ яке аз самтҳои афзалиятноки сиёсати давлатӣ дар мубориза бо ифротгароӣ мебошад. ”
Дар кори конфронси мазкур маърузачиён вобаста ба мавзуъҳои гуногун, аз ҷумла “Терроризм ва экстремизм ва роҳҳои пешгирии он”, “Терроризм ва экстермизм: мафҳум, моҳият ва асосҳои илмию ҳуқуқии он”, “Экстремизм ва терроризм ҳамчун падидаҳои номатлуби ҷомеа” маъруза намуда, мушкилот ва оқибатҳои нохуши онро ба ҳозирин фаҳмониданд.
Баргузории чунин конфронсу вохуриҳо барои баланд бардошатни ҳисси ватандустӣ, ҳувияти миллӣ, арҷгузорӣ ба таъриху фарҳанги гузашта, дӯст доштани Ватан – Модар барои хизматчиёни ҳарбӣ нақши созгоре дорад.
Бояд гуфт , ки “Қонуни Ҷумҳурии Тоҷикистон «Дар бораи муқовимат ба терроризм» аз 23 декабри соли 2021, Қонуни Ҷумҳурии Тоҷикистон «Дар бораи муқовимат ба экстремизм» аз 2 январи соли 2020, қабул гардиданд, ки барои муборизаи оштинопазир бурдан бо чунин зуҳуроти номатлуб мусоидат менамоянд.
Инчунин, ҷавонон бояд ҳамчун нерӯи пешбаранда, ворисони асилу арзандаи миллату давлат ва созандагони имрӯзу фардои Тоҷикистони азиз бо ҳисси баланди миллӣ, пояҳои давлатдории миллиамонро ҳамчун гавҳари ноёб эҳтирому нигоҳ доранд, чун нерӯи бузурги созанда ва сипари боэътимоди давлатамон бар зидди ҳама гуна хатари терроризму экстремизм бо роҳҳои пешбининамудаи қонунгузорӣ мубориза баранд.”
Дар фарҷом мубодилаи афкор ва натиҷагирӣ аз кори Конфренсияи илмӣ – амалӣ миёни иштирокчиён сурат гирифт.
