Аз 1-уми октябри соли равон, дар тамоми шаҳру навоҳии мамлакат даъвати навбатии шаҳрвандони солҳои таваллуди 1995-2004-и Ҷумҳурии Тоҷикистон ба хизмати ҳарбӣ муташаккилона идома дошта, иҷрои нақша дар ҷумҳурӣ 62 фоизро ташкил медиҳад. Ва тавре қаблан хабар дода будем, бо оғоз гардидани ин маъракаи муҳими сиёсӣ, аввалин шуда дар ҷумҳурӣ шаҳру навоҳии ВМКБ аз иҷрои пурраи нақшаи даъват гузориш доданд.
Дар давоми 20 рӯзи ҷараёни ин маъракаи муҳими сиёсӣ комиссияҳои даъватии шаҳру ноҳияҳои тобеи ҷумҳурӣ бошад, иҷрои нақшаро ба 70 фоиз баробар намудаанд.
Бо ҳамин тартиб даъвату гусели сарбозони ояндаи Ватан дар шаҳри Душанбе 67 фоиз, дар вилояти Хатлон 63 ва дар вилояти Суғд бошад он 50 фоизро ташкил медиҳад.
Умуман, аз санаи 1 то 20-уми октябри соли 2022 дар маҷмӯъ зиёда аз 20 шаҳру ноҳияҳои ҷумҳурӣ аллакай нақшаи даъвати ҷавонписаронро ба сафи Қувваҳои Мусаллаҳи Ҷумҳурии Тоҷикистон 100 фоиз иҷро намудаанд.
Маркази матбуоти
Вазорати мудофиаи
Ҷумҳурии Тоҷикистон
