Тайи солҳои соҳибистиқлолӣ аз ҷониби Давлат ва Ҳукумати мамлакат ба хизматчиёни ҳарбӣ ҷиҳати пешбурди фаъолияти пурсамари хизматӣ ва зисту зандагонӣ тамоми шароиту имкониятҳои мусоид фароҳам оварда шуда, дар ин замина, афсарону устодон ва таълимгирандагони муассисаҳои таълимии ҳарбии кишвар низ таҳти ғамхорӣ ва дастгириҳои доимӣ қарор доранд. Ин аст, ки дар доираи чунин ташаббусҳо ва таваҷҷӯҳи хоса нисбат ба наврасону ҷавонон, ҳамчун нерӯйи созандаву бунёдкор ва муҳофизи халқу Ватан ва бо мақсади рушду камоли шахсият ва солимии ҷомеа, пайваста тадбирҳои гуногун амалӣ карад мешавад.
Маҳз дар доираи ин ҳадафҳо, амалинамоии нақша-чорабиниҳо оид ба корҳои ободонӣ, бунёди гулгаштҳо, кабудизоркунӣ ва сохтмони майдончаҳои варзишӣ дар ҳудуди қисму воҳидҳои низомӣ ва ба муносибати Рӯзи Президенти Ҷумҳурии Тоҷикистон, ҳафтаи равон дар пойгоҳи Литсейи ҳарбии Вазорати мудофиаи мамлакат майдончаи варзишии замонавӣ барои бозиҳои футбол ва волейбол, дар масоҳати умумии 600 метри мураббаъ сохта ба истифода дода шуд. Бунёди ин иншооти варзишӣ дар давраи соли 2022 ба нақша гирифта шуда, корҳои сохтмонии он дар давоми чор моҳ пурра ба анҷом расонида шудааст.
Иншооти мазкур аз ҷониби Раёсати сохтмони асосии Вазорати мудофиа, бо истифода аз маҳсулоти хушсифати ватаниву хориҷӣ, дар як муддати кӯтоҳ бунёд гардида, тамоми шароиту имкониятҳои мусоиди варзиширо доро мебошад, ки айни ҳол ин майдончаи барҳавои варзишӣ мавриди баҳрабардории таълимгирандагони ин муассисаи таълимии ҳарбӣ қарор дорад.
Бояд қайд кард, ки ба навъҳои гуногуни варзиш фаро гирифтани ҷавонон ва насли навраси кишвар ва дар ин радиф таъмини солимии ҷомеа яке аз сиёсатҳои афзалиятноки пешгирифтаи давлату Ҳукумат, бахусус Президенти Ҷумҳурии Тоџикистон, муҳтарам Эмомалӣ Раҳмон ба ҳисоб меравад, ки ин нукта дар ҳар як баромадҳои Пешвои миллат таъкид карда мешавад.
Ҳамчунин, дар доираи анҷоми корҳои созандагиву бунёдкорӣ ва дар ин замина, фароҳам овардани шароити мусоиди хизматӣ барои ҳайати шахсӣ, аз ҷумла, ҷузъу томи таъминоти моддӣ-техникӣ, дар пойгоҳи Литсейи ҳарбии Вазорати мудофиа истгоҳ барои техникаҳои автомобилӣ низ бунёд гардидааст. Истгоҳи техникии замонавӣ масоҳати 64 метри мураббаъро дар бар гирифта, аз нуқтаҳои таъмирӣ ва ҷой барои нигоҳдории доимии техникаҳо иборат мебошад. Корҳои сохтмонии иншооти мазкур низ аз ҷониби Раёсати сохтмони асосии ин ниҳоди қудратии кишвар, дар муддати кӯтоҳ ва бо сифати баланд ба анҷом расонида шудааст.
Умуман, қайд кардан ба маврид аст, ки дар заминаи дастгириҳо ва таваҷҷӯҳи доимии Роҳбарияти олии мамлакат нисбат ба хизматчиёнии ҳарбии Артиши миллии кишвар, имрӯзҳо дар пойгоҳи ҳамаи ҷузъу томи низомӣ ва дар тамоми самтҳои хизмат барои ҳайати шахсӣ, шароити мусоид фароҳам мебошад.
Боқӣ ШАРИФОВ,
майор
