Конфренсияи ҷумҳурявии илмӣ-амалӣ дар мавзӯи “Истиқлолияти давлатӣ-марҳилаи эҳё ва барқарорсозии давлати миллии тоҷикон”, ки дар радифи дигар чорабиниҳои ҷашнии низомиёни кишвар ба муносибати 31- умин солгарди Истиқлолияти давлатии Ҷумҳурии Тоҷикистон дар Донишкадаи ҳарбии Вазорати мудофиаи мамлакат доир гардид, дар кори он масъулини Вазорати мудофиа, намоянгони бахшу соҳаҳои гуногуни давлатӣ ва сохторҳои қудратии кишвар иштирок карда, маърӯзаҳои илмии худро дар мавзӯъҳои “Истиқлолияти сиёсӣ ва таҳкими ормонҳои миллии тоҷикон”, “Нақши Истиқлолият дар ташаккулёбӣ ва рушди худшиносии миллӣ”, “Батанзимдарории қонунгузории вазъи ҳуқуқии шахсият дар солҳои Истиқлолияти давлатии Ҷумҳурии Тоҷикистон ва “Нақши Президенти Ҷумҳурии Тоҷикистон муҳтарам Эмомалӣ Раҳмон дар ташаккули худшиносии миллати тоҷик”, пешниҳоди ҳозирин намуданд.
Дар баробарии таҳлилу баррасии мавзӯъҳои зикргардид, инчунин, баромадкунандагон қайд карданд, ки Ҷумҳурии Тоҷикистон бо ба даст овардани Истиқлолияти давлатӣ сохтори идории худро соҳибихтиёру ҳуқуқбунёд ва демократию дунявӣ эълон намуда, роҳҳои расидан ба ҳадафҳои стратегиро пеш гирифт ва татбиқу амалӣ намудани ин ҳадафҳои бузург давра ба давра амалӣ карда мешаванд. Албатта, дар ин ҷода саҳми Пешвои миллат, Президенти мамлакат, муҳтарам Эмомалӣ Раҳмон ва мардуми шарафманду соҳибтамаддуни тоҷик басо ҳам бузург аст.
Ҳамзамон, бодарназардошти саҳми Қувваҳои Мусаллаҳ дар таъмини амнияти давлату миллат ва субботи комили сиёсӣ дар мамлакат баромадкунандагон зикр карданд, ки баҳри таҳкиму пойдорӣ ва пояндагии ин неъмати пурарзиши таърихӣ саҳми хизматчиёни ҳарбии Артиши миллӣ низ бениҳоят бузург ва шоистаи таҳсин аст. Маҳз бо ҷасорату мардонагӣ ва хизматҳои шоистаи афсарону сарбозон ва кормандони мақомоти ҳифзи ҳуқуқу тартибот ва сохторҳои қудратӣ, дар кишвар сохти канститутсионӣ барқарор ва роҳи минбаъдаи бунёди давлатдории миллӣ ҳамвору устувор гардид.
Боқӣ ШАРИФОВ
