Рӯзҳои 17-19 июн дар Ҷумҳурии Тоҷикистон музокироти дувуми ситодӣ оид ба ташкил ва баргузории тамриноти муштарак бо нерӯҳои посдори сулҳи СААД “Бародарии шикастнопазир-2025” ва машқҳои вижа бо ташкили муштараки ҳифозат ва таъмини тиббии СААД “Монеа-2025”, ки дар марҳилаи ниҳоии машқҳои муштараки СААД баргузор мешавад, баррасӣ шуд.
Дар чорабинӣ намояндагони вазорату идораҳои дахлдори Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Русия, Ҷумҳурии Тоҷикистон, Маркази зиддитеррористии ИДМ, Котиботи Созмон ва як гурӯҳи афсарони Ситоди муштараки СААД таҳти роҳбарии генерал-майор Илҳомҷон Ҳафиззода иштирок намуданд.
Дар рафти суҳбатҳо ҳайати фармондеҳӣ ва контингентҳои миллӣ, тартиби гузарондани амалиёти низомӣ, инчунин масъалаҳои ташкили таъминоти ҳамачонибаро баррасӣ намуданд.
Ҳамзамон ҳайати иштирокчиён аз макони баргузории машқҳои муштарак, яъне машқгоҳи таълимии “Фахробод” боздид ба амал оварданд.
Бояд қайд намуд, ки машқҳои муштарак бо нерӯҳои посдори сулҳи СААД “Бародарии шикастнопазир-2025” ва тамрини вижа бо ташкили муштараки ҳимоя ва таъмини тиббии СААД “Монеа-2025” дар қаламрави Ҷумҳурии Тоҷикистон дар моҳи октябри соли ҷорӣ дар назар аст.
Марҳилаи фаъоли тамрини «Бародарии шикастнопазир-2025» дар шакли омехта бо марҳилаи ниҳоии тамриноти муштараки зиддитеррористии мақомоти салоҳиятдори кишварҳои узви ИДМ «Муборизаи зиддитеррористии Иттиҳод-2025» баргузор мешавад.
Маркази матбуот ва иттилооти
Вазорати мудофиаи Ҷумхурии Тоҷикистон
