ҶУМҲУРИИ ТОҶИКИСТОН
ҚОНУН
«ДАР БОРАИ САВГАНДЁДКУНИИ ТАНТАНАВИИ ХИЗМАТЧИЁНИ ҲАРБИ БАРОИ САДОҚАТ БА ПРЕЗИДЕНТИ ҶУМҲУРИИ ТОҶИКИСТОН»
Моддаи 1. Мавзӯи танзими Қонуни мазкур
Қонуни мазкур муносибатҳоро вобаста ба савгандёдкунии тантанавии хизматчиёни ҳарбии Қувваҳои Мусаллаҳи Ҷумҳурии Тоҷикистон барои садоқат ба Президенти Ҷумҳурии Тоҷикистон – Сарфармондеҳи Олии Қувваҳои Мусаллаҳи Ҷумҳурии Тоҷикистон ба танзим медарорад.
Моддаи 2. Асосҳои ҳуқуқии Қонуни мазкур
Асосҳои ҳуқуқии Қонуни мазкурро Конститутсияи (Сарқонуни) Ҷумҳурии Тоҷикистон ва дигар санадҳои меъёрии ҳуқуқи Ҷумҳурии Тоҷикистон ташкил медиҳанд.
Моддаи 3. Маросими савгандёдкуни
Хизматчиёни ҳарбии Қувваҳои Мусаллаҳи Ҷумҳурии Тоҷикистон баъд аз савганд ёд намудани Президенти Ҷумҳурии Тоҷикистон дар ҷаласаи якҷояи Маҷлиси милли ва Маҷлиси намояндагони Маҷлиси Олии Ҷумҳурии Тоҷикистон, барои садоқат ба Президенти Ҷумҳурии Тоҷикистон – Сарфармондеҳи Олии Қувваҳои Мусаллаҳи Ҷумҳурии Тоҷикистон дар майдони Дӯстии шаҳри Душанбе савганди тантанави ёд мекунанд.
Моддаи 4. Матни савганди тантанави
Мо, хизматчиёни ҳарбии Қувваҳои Муссаллаҳи Ҷумҳурии Тоҷикистон, ботантана савганд ёд мекунем:
ба Президенти Ҷумҳурии Тоҷикистон – Сарфармондеҳи Олии Қувваҳои Мусаллаҳи Ҷумҳурии Тоҷикистон ва ба халқу Ватан содиқ мемонем;
Конститутсияи Ҷумҳурии Тоҷикистон, қонунҳои Ҷумҳурии Тоҷикистон, амру фармонҳои Президенти Ҷумҳурии Тоҷикистон – Сарфармондеҳи Олии Қувваҳои Мусаллаҳи Ҷумҳурии Тоҷикистонро қатъиян ва бечунучаро иҷро менамоем;
ҳомии бошарафи Ватан буда, ҳушёри, далери ва садоқатмандии худро то нафаси охирин бошарафона нигоҳ медорем;
Ватан ва халки худро мардонавор ҳифз менамоем;
Баҳри ҳифзи Ватан, марзу буми он, ҳимояи сохти конститутсиони ҳамеша омода буда, ҳаёт ва ҷони худро дapеғ намедорем.
Агар ин савганди худро шиканем, бигузор ба ҷазои сахт ва нафрати халқ гирифтор шавем.
Моддаи 5. Тартиби савгандёдкунии тантанави
Дар маросими гузаронидани савгандёдкунии тантанавии хизматчиёни ҳарби барои садоқат ба Президенти Ҷумҳурии Тоҷикистон – Сарфармондеҳи Олии Қувваҳои Мусаллаҳи Ҷумҳурии Тоҷикистон бо тартиби муқаррарнамудаи вазири мудофиаи Ҷумҳурии Тоҷикистон иштирок менамоянд.
Савгандёдкунии тантанавии хизматчиёни ҳарбии Қувваҳои Мусаллаҳи Ҷумҳурии Тоҷикистон дар назди Президенти Ҷумҳурии Тоҷикистон – Сарфармондеҳи Олии Қувваҳои Мусаллаҳи Ҷумҳурии Тоҷикистон бо тартиби муқаррарнамудаи оинномаҳои умумиҳарбии Қувваҳои Мусаллаҳи Ҷумҳурии Toҷикистон баргузор мегардад.
Моддаи 6. Ҷавобгари барои вайрон кардани Қонуни мазкур
Шахсоне, ки муқаррароти Қонуни мазкурро вайрон мекунанд, тибқи қонунгузории Ҷумҳурии Тоҷикистон ба ҷавобгари кашида мешаванд.
Моддаи 7. Тартиби мавриди амал қарор додан Қонуни мазкур
Қонуни мазкур пас аз интишори расми мавриди амал қарор дода шавад.
Президенти
Ҷумҳурии Тоҷикистон Э. РАҲМОНОВ
ш. Душанбе, 15 ноябри соли 2006,
№ 205
