Дар асоси нақша-чорабиниҳои Прокуратураи ҳарбии гарнизони Душанбе, вобаста ба шарҳу тавзеҳи Паёми Президенти Ҷумҳурии Тоҷикистон ба Маҷлиси Олӣ ва таҳлили натиҷаи санҷиши ҳолати иҷрои қонунҳо, оинномаҳои ҳарбию сарҳадӣ ва дигар санадҳои меъёрию ҳуқуқӣ дар мавриди таъмини хизматчиёни ҳарбӣ бо озуқа, амволи шайъӣ ва дигар амволи махсус, инчунин даромад, хароҷот ва сифати чунин мавод оид ба ҳимояи ҳуқуқи истеъмолкунандагон дар қисму воҳидҳои ҳарбии гарнизони Душанбе дар давраи сипаришуда, масъулини прокуратураи ҳарбии ин гарнизон аз чанде қисму воҳидҳои ҳарбӣ дидан намуда, бо ҳайати шахсӣ сӯҳбату вохӯриҳо анҷом доданд.
Мавриди зикр аст, ки дар асоси нақшаи пешбинигардида вазъи таъминоти соҳаи ақибгоҳӣ, захираи маводи хӯрокворӣ ва ҳолати нигоҳдории онҳо дар анборҳо, ғизонокии маҳсулоти истеъмолии сарбозон ва дигар масъалаҳои алоқаманд дар самти таъминоти ҳамаҷонибаи ҷузъу том мавриди санҷиш қарор дода шуд.
Дар рафти санҷиши таъминоти соҳаи ақибгоҳӣ ва маводи истеъмолии хизматчиёни ҳарбӣ масъулин бо қаноатмандӣ зикр намуданд, ки талаботи қонунҳо, оинномаҳои ҳарбӣ ва дигар санадҳои меъёрӣ-ҳуқуқӣ доир ба ин масъала дар қисмҳои ҳарбӣ ва дигар ҷузъу томи Артиши миллӣ асосан риоя гардида, корҳо мувофиқи тартиби муқарраршуда ба роҳ монда шудаанд.
Зимни сӯҳбату вохӯриҳо бо афсарону сарбозон, намояндагони мақомоти прокурорӣ вобаста ба дастуру супоришҳои Роҳбариятии Олии мамлакат дар самти таъминоти моддиву майишӣ, беҳдошти вазъи хизматӣ, баланд бардоштани сатҳи некӯаҳволии сокинон, алалхусус хизматчиёни ҳарбӣ баромад намуда, дар таваҷҷӯҳ ба ин дастгириву ғамхориҳои давлату Ҳукумат таъкид карданд, ки ҳар як моро зарур аст ба Савганди ёднамудаи хеш содиқ монем ва бо дарки баланди масъулият ба халқу Ватан хизмат намоем.
Боқӣ ШАРИФОВ,
майор
