Дар асоси нақша — чорабиниҳои Вазорати мудофиаи мамлкат санаи 10 — уми феврали соли равон дар толори Донишгоҳи аграрии Тоҷикистон ба номи Шириншоҳ Шоҳтемур бо иштироки сардори Раёсати кадрҳо ва таълимоти ҳарбии Вазорати мудофиа, генерал – майор Азиззода Ҳафиз, Комисари ҳарбии шаҳри Душанбе Зоирзода Маҳмадулло ва устодону донишҷуёни ин муассисаи олӣ вохурӣ баргузор гардид.
Инчунин, дар ин ҷамъомад ректори донишгоҳ, профессор Маҳмадёрзода Усмон Маъмур низ иштирок дошт.
Мақсад аз баргузории чунин суҳбату вохуриҳои судманд баланд бардоштани ҳиси ватандустӣ ва дар рўҳияи худшиносиву худогоҳӣ тарбия намудани насли ҷавон ба шумор меравад.
Сардори Раёсати кадрҳо ва таълимоти ҳарбии Вазорати мудофиа зимни суханронии худ тарҳи нави қонун дар соҳаи хизмати ҳарбиро ба хатмкунандагон фаҳмонида, қайд намуд, ки дар асоси тарҳи нави Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” ва дигар санаду меъёрҳои ҳуқуқии танзимкунандаи соҳа, минбаъд хатмкунандагони муассисаҳои таҳсилоти олии касбии кишвар метавонанд, бо гузаштан аз курси махсуси семоҳа ҳамчун афсар ва прапоршик дар сафи Қувваҳои Мусаллаҳи Ҷумҳурии Тоҷикистон фаъолият намоянд.
Ин ташаббус ҳамчун имконияти мусоид барои ҷалби мутахассисони ҷавон ҷиҳати фаъолият дар сохторҳои низомӣ ва истифодаи донишҳои касбии онҳо арзёбӣ мегардад.
Дар фарҷоми вохурӣ аз ҷониби донишҷӯён вобаста ба раванди хизмати ҳарбӣ, нозукиҳои фаъолият дар соҳаи низомӣ ва шарту шароити хизмати афсарону сарбозон саволу ҷавоби озод сурат гирифт.
