27-уми июни соли 2023 аз баимзорасии Созишномаи истиқрори сулҳ ва ризоияти миллӣ дар Ҷумҳурии Тоҷикистон 26 сол пур гардид. Бо ин мақсад ҳафтаи равон дар Донишкадаи ҳарбии Вазорати мудофиаи мамлакат Конференсияи ҷумҳуриявии илмӣ-амалӣ дар мавзӯи «Ваҳдати миллӣ нишонаи боэътимоди ҳамоҳангии Пешвои миллат бо мардуми Тоҷикистон аст» баргузор гардид, ки дар кори он намояндагони як қатор вазорату идораҳо ва коршиносону муҳаққиқон иштирок ва суханронӣ намуданд.
Иштирокчиён зимни баромади худ дар мавзӯъҳои «Нақши Эмомалӣ Раҳмон дар таҳкими Ваҳдати миллӣ», «Сабақҳои таърихии сулҳу тоҷикон», «Милитсияи тоҷик муҳофиз ва таҳкимбахши Ваҳдати миллӣ», «Нақши Эмомалӣ Раҳмон дар таҳкими Ваҳдати миллӣ ва бозтоби он дар осори шоирон», «Ваҳдати миллӣ-омили бақои давлатдории миллии тоҷикон» ва «Поянда бод Ваҳадти миллӣ» маърӯзаҳои пурмазмун намуда, изҳор доштанд, ки Ваҳдати миллӣ дар пешравию ободии мамлакат нерӯю суръати баланд бахшида, боиси ифтихору сарфарозии ҳар як фарди соҳибватан гардидааст.
Воқеан имзои ин ҳуҷҷати тақдирсоз дар ҳаёти минбаъдаи давлату миллат дигаргуниҳои куллиро ба вуҷуд овард. Дар муддати начандон тӯлонӣ миллати мо ба дастоварду комёбиҳои назаррас ноил гардид. Маҳз, самараи ваҳдату якдилӣ аст, ки имрӯз ҳар фарди тоҷикистонӣ метавонад, озодона кору фаъолият намояду зиндагии созгореро баҳри худ муҳайё созад.
Дар фарҷоми Конференсияи ҷумҳуриявӣ ҳайати иштирокчиён барои ибрози маърӯзаҳои пурмазмун аз номи роҳбарияти Донишкадаи ҳарбӣ бо сипосномаҳо қадрдонӣ гардиданд.
Шоҳин ШАРИФОВ
