Робита бо ҷомеа

ЧЕҲРАИ ТОБОНИ ТАЪРИХ

29 12 2018

- Барои ман мояи ифтихор аст, ки бо чунин шахсияти таърихӣ муддатҳо паҳлу ба паҳлу кору фаъолият кардаам. Дар замоне ки як ҳиссаи шаҳрвандони мо дар хориҷи кишвар буданд ва дили модари тоҷик барои фарзандон гум мезад, ӯ худро нороҳат ҳис мекард. Ӯ бо чунин суханони таскинбахш фирориёнро барои ба Ватан баргаштан ташвиқ мекард: "Ҳамдиёрони азиз, ба Ватан баргардед! Ба шумо кӯҳи тилло ваъда намедиҳам, аммо як пора ноне, ки дорем, бо ҳам мехӯрем".
Ин ҳарфҳои самимиро, ки ба қалами Шукурҷон Зуҳуров, Раиси Маҷлиси намояндагони Маҷлиси Олии мамлакат, мансубанд, дар китоби рӯимизии «Эмомалӣ Раҳмон - Пешвои миллат» мехонем, ки шахсияти тобноки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро тасвир месозанд.
Воқеан, зуҳури шахсияти Эмомалӣ Раҳмон дар саҳнаи сиёсӣ иқболи баланди мардуми тоҷик буд, ки дар як даврони пурошӯб иттифоқ афтода, давлати миллиро аз хатари нобудӣ наҷот бахшид. Ин шахсияти баркамолу тобноки таърих иттиҳоду ҳамбастагиро истеҳком бахшид, ҳувият ва ваҳдати миллиро эҳё кард, ифтихори миллиро дар замири мардум бедор намуд, халқро ба созандагӣ раҳнамун сохт, саодати зиндагии ҳар хонадонро таъмин ва Тоҷикистони соҳибистиқлолро ба ҷаҳон муаррифӣ кард.
Ин буд, ки Президенти вақти Фаронса Жак Ширак мисли дигар сиёсатмадорони бонуфузи ҷаҳонӣ бо таваҷҷуҳ ба шахсияти Эмомалӣ Раҳмон гуфта буд: «Мардуми Фаронса ҳеҷ гоҳ мавқеи устувори Президенти Тоҷикистонро, ки бо фарҳанги ғанӣ ва бузурги сиёсиву маънавии халқи тоҷик такя мекунад, фаромӯш нахоҳад кард».

муфассал

 

ИЗҲОРОТИ. ВАЗОРАТИ КОРҲОИ ХОРИҶИИ ҶУМҲУРИИ ТОҶИКИСТОН

29 12 2018

 

20 декабри соли 2018 Маҷмаи умумии СММ зимни иҷлосияи 73 - юми худ лоиҳаи қатънома таҳти унвони "Шарҳи миёнамуҳлати бисёрҷанбаи татбиқи Даҳсолаи байналмилалии амал "Об барои рушди устувор, солҳои 2018 – 2028”- ро, ки аз ҷониби Тоҷикистон бо ҳаммуаллифии 190 кишвари узви  СММ пешниҳод шуда  буд, якдилона қабул намуд.
Дар қатъномаи мазкур аҳамияти махсуси захираҳои об барои рушди устувор ва бартараф намудани сатҳи камбизоатӣ ва гуруснагӣ, таъкид гардидааст. Инчунин, дар қатънома бо изҳори нигаронӣ зикр шудааст, ки яке аз омилҳои асосии норасоии оби нӯшокӣ дар тамоми ҷаҳон тағйирёбии иқлим буда, зарурати таҳияи стратегияи мувофиқакунӣ (адаптатсия) ба раванди тағйирёбии иқлим барои ҳалли масъалаҳои вобаста ба захираҳои  об пеш омадааст.
Дар қисми амалии қатънома зикр шудааст, ки  аз 22 то 24 марти соли 2023 дар шаҳри Ню - Йорк Конфронси СММ оид ба шарҳи  миёнамуҳлати бисёрҷанбаи татбиқи Даҳсолаи байналмилалии амал "Об барои рушди устувор, солҳои 2018 – 2028" баргузор мешавад. Ба нақша гирифта шудааст, ки зимни он конфронс дар баробари мушкилоти вобаста ба захираҳои об, ба масъалаҳои рушди устувор ва идоракунии ҳамаҷонибаи захираҳои об ҷиҳати ноил гаштан ба ҳадафҳои иҷтимоию иқтисодӣ ва ҳифзи муҳити зист, татбиқ ва пешбурди барномаҳо ва лоиҳаҳои марбута, таҳкими ҳамкорӣ ва шарикӣ дар ҳамаи сатҳҳо барои мусоидат ба татбиқи ҳадафҳо дар соҳаи захираҳои обӣ аҳамияти махсус дода мешавад. 

муфассал

 

МАВҚЕЪ. АЗ ҲИФЗИ СУЛҲ ТО МУБОРИЗА БО ТЕРРОРИЗМУ ЭКСТРЕМИЗМ

21 12 2018

Таҷрибаи зиндагӣ собит месозад, ки дар ҳама давру замон сулҳу ваҳдат кафили рушду тараққиёт ва саодати рӯзгори инсонҳост, ки, хушбахтона, чунин арзиши олӣ дар партави сиёсати хирадмандонаву сулҳофаринии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон насиби миллати сарбаланди тоҷик гардидааст.

Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар Паёми хеш  ба Маҷлиси Олии мамлакат аз 22 декабри соли 2017 таъкид ба он доштанд, ки вазифаи муҳимтарини мардуми кишвар аз он иборат аст, ки минбаъд низ саъю кӯшиши худро, дар навбати аввал, ба хотири ҳифзи сулҳу оромӣ, суботи сиёсӣ ва ваҳдати миллӣ дар кишвари азизамон сафарбар созанд.
Воқеан, ин таъкиди Президенти маҳбуби кишвар бояд барои ҳар инсони худогоҳ дар ҷаҳони пуртаззоди имрӯз беш аз ҳар вақти дигар арзиши баланд дошта бошад ва хушбахтона, чунин ҳам ҳаст. Зеро дар ҷараёни таҷлили ҷашнҳои фархундаи миллӣ, чорабиниҳои муҳими давлатӣ, аз қабили 27-умин солгарди Ҷашни Истиқлолияти давлатӣ, Рӯзи Ваҳдати миллӣ, Рӯзи Президенти Ҷумҳурии Тоҷикистон аз ниҳоди мардуми сулҳпарвари тоҷик аён буд, ки хурду калон ба қадри ин неъмати олӣ мерасанд ва дар ҳифзи сулҳу ваҳдат омодаанд. Ҳамагон ба хубӣ дарк менамоянд, ки имрӯз зуҳуроти терроризму экстремизм ва тундгароии мазҳабӣ ҷаҳонро ба даҳшат овардааст. Ин зуҳуроти нангин ба ягон миллат ва дин робита надорад ва аз андешаҳои зиддибашарии гурӯҳҳои худкома ва дур аз маърифати инсонӣ бархостааст. Тавре Сарвари давлат таъкид месозанд: 

муфассал

 

Омодагиҳо ба 30-солагии истиқлолияти кишвар

21 12 2018

Дар асоси иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон оид ба омодагиҳо ба ҷашни 30-солагии Истиқлолияти давлатии Ҷумҳурии Тоҷикистон, аз ҷониби роҳбарияти Вазорати мудофиаи кишвар тадбирҳои зарурӣ роҳандозӣ гардида, дар ин самт имрӯзҳо дар ҳама қисму воҳидҳои низомии Вазорати мудофиа таъмиру тармим ва сохтмону азнавсозии бинову иншооти муҳими ҳарбӣ бо маром идома дорад. Нахуст гузориши барнома дар ин мавзӯъ омода гардидааст.

Дар доираи омодагиҳо ба ҷашни 30-солагии Истиқлолияти давлатии Ҷумҳуриии Тоҷикистон дар толори Вазорати мудофиаи мамлакат таҳти роҳбарии вазири мудофиаи кишвар генерал-полковник Шерали Мирзо машварати корӣ доир гардид.

Зимни баргузории он аз ҷониби роҳбарияти Вазорати мудофиа “Нақшаи таҷлили 30-солагии Истиқлолияти давлатии Ҷумҳурии Тоҷикистон” дар Вазорати мудофиа мавриди таҳлилу баррасӣ қарор дода шуда, аз ҷониби роҳбарияти ин ниҳоди қудратӣ таъкид карда шуд, ки дар партави сиёсати пешгирифтаи Асосгузори сулҳу ваҳдати миллӣ- Пешвои миллат, муҳтарам Эмомалӣ Раҳмон, ҷиҳати дар сатҳи зарурӣ ҷашн гирифтани 30-солагии Истиқлолияти давлатии Ҷумҳурии Тоҷикистон иҷрои ҳама бандҳои нақшаи мазкур бояд бо сифати баланд таъмин гардад ва то арафаи таҷлили ин ҷашни воқеан ҳам таърихӣ дар ҳама самтҳо бояд пешравиҳои куллӣ ба чашм расанд.

Ҳамзамон илова гардид, ки бо мақсади дар сатҳи зарурӣ таҷлили ин ҷашни воқеан ҳам таърихӣ, омодагиҳо ҷиҳати гузаронидани Паради ҳарбӣ, чорабиниҳои тантанавӣ, озмуни Суруди сарбоз, таҳияи филмҳои мустанад, нашри рӯзномаҳои ҷашнӣ, ташкили мусобиқаҳои варзишӣ, сохтмону азнавсозии бинову иншооти аҳамияти ҳарбидошта, оро додани муҳити қисмҳои низомӣ бо шиору овезаҳои ҷашнӣ ва дигар чорабиниҳои муҳим бояд дар сатҳи зарурӣ ташкилу ба роҳ монда шавад.

муфассал

 

ҲХДТ. БАРОИ ЗИНДАГИИ ШОИСТАИ МАРДУМ

17 12 2018

Низоми таърихи давлатдориву давлатсозии чандсадсолаи охири ҷомеа собит намудааст, ки ҳар як ҷараён ва ё неруи сиёсии амалкунанда, замоне ба ҳадафҳои аслиаш муваффақу комгор мегардад, ки агар иҷрои хостаҳояш ба мардум пайванди ногусастанӣ дошта бошад.  
Бо тавзеҳи нуктаи муқаддимотӣ ва бо таваҷҷуҳ ба эъмори давлати демокративу ҳуқуқбунёд, имрӯз сароҳатан метавон афзуд, ки Ҳизби  Халқии  Демократии Тоҷикистон тавассути ҳидоятҳои ибратомӯзи Роҳбари соҳибфитрату накусиришташ, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун неруи тавонои пешбар дар ташаккул ва татбиқи арзишҳои миллӣ нақши муассиру мондагор дорад.  
Мақому манзалат ва шуҳрати намоёни ҲХДТ қаблан аз барномаҳои созанда, тадбирҳои судманди кулли аъзо ва ибтикороти роҳбарияти он манша гирифта, авлавияти рисолаташро барои беҳбудии сатҳу сифати зиндагии сокинони мамлакат равона намудааст. Агар ба таърихи таъсисёбии ин ҳизби пешоҳанги мардумӣ назар афканем, пайдост, ки марҳилаҳои душвори тайкардааш дар масири давлатсозии миллиамон бо дастоварду натиҷаҳои намоён баҳогузорӣ мешавад.
Ҳизби Халқии Демократии Тоҷикистон 10 декабри соли 1994 дар Анҷумани муассисони Ҳизби Халқии Тоҷикистон ташкил ёфта, дар Вазорати адлияи ҷумҳурӣ 15 декабри соли 1994 таҳти рақами 199 сабти ном шудааст. Дар арафаи имзои Созишномаи умумии истиқрори сулҳ ва ризоияти миллӣ, 25 июни соли 1997, дар шаҳри Душанбе Анҷумани III Ҳизби Халқии Тоҷикистон доир гардид ва дар он номи ҳизб ба Ҳизби Халқии Демократии Тоҷикистон табдил дода шуд. 

муфассал

 
<< Якум < Пешина 11 12 13 14 15 16 17 18 19 20 Дигар > Охирин >>

Саҳифаи 14 аз 29