Ба аввал: Робита бо ҷомеа
Tajik (CIS)Russian (CIS)English (United Kingdom)
НАЗАРСАНҶӢ
Аз кадом хизматрасонии сомонаи расмии Вазорати мудофиа қаноатмандед?
 
Омор
Имрӯз54
Дирӯз426
Моҳ5928
Ҳамагӣ234728
Наворҳо

Форум

Робита бо ҷомеа

РӮЗНОМАИ АРТИШ-ҲАМҚАДАМИ АРТИШ

10 12 2018

Рӯзномаи «Ҳомии Ватан»-и Вазорати мудофиаи Ҷумҳурии Тоҷикистон ҳамқадами Артиши миллӣ буда, нахустшумораи он санаи 10-уми декабри соли 1993 бо ду забон, тоҷикӣ ва русӣ ва дар ҳаҷми чаҳор саҳифа бо теъдоди панҷ ҳазор нусха рӯйи чоп омадааст, ки аз таъсисёбии он 25 сол пур шуд.Дар сафиҳаи аввали рӯзнома табрикоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нашр гардида, ба табъ расиданидани рӯзномаро Пешвои миллат падидаи нек дониста, чунин қайд кардаанд: «Табрикоти самимонаи хешро ба ҳамаи афсарон, прапоршикҳо ва сарбозони шуҷои Қувваҳои Мусаллаҳи Ҷумҳурии Тоҷикистон нисбати ба табъ расидани шумораи аввалини ҳафтавори Вазорати дифои Ҷумҳурии Тоҷикистон- «Ҳомии Ватан» иброз медорам. Умедворам, ки рӯзнома дар кори ба эътидол овардани вазъи кишвар, тарғибу ташвиқи ҳисси ватандӯстӣ, баланд намудани ҳисси масъулияти ҳар як шаҳрванд дар кори муқаддаси ҳимояи Ватани хеш саҳми арзанда мегирад.

Дар рӯзҳои солгарди барқарор гардидани Ҳукумати қонунии Тоҷикистон нашр гардидани рӯзнома худ як падидаи нек аст. Давлат ва Ҳукумати Ҷумҳурии Тоҷикистон ба масоили дифои кишвар, таъмини сулҳу осоиш, ҳифзи ҳуқуқ ва барқарор намудани адолати иҷтимоӣ аҳамияти аввалиндараҷа медиҳад. Боварӣ дорем, ки рӯзномаи шумо, ҳайати эҷодии он, тамоми дониш ва ғайрати хешро баҳри ободу зебо гардонидани кишвар равона хоҳад кард. Комёбиҳои шуморо хоҳонем».

Ҳамчунин, дар саҳифаи аввали рӯзнома табрикоти собиқ вазири мудофиа генерал-майор А. Шишлянников бо забони русӣ ба табъ расида буд. Номбурда ба ин маънӣ менигорад, ки рӯзномаро чунин дидан мехоҳад; якум, ҳақиқатнигорӣ, дуюм, оҷилӣ, сеюм, дастрас ва пурмазмун будани он, чорум, диққатҷалбкунанда будани рӯзнома ва панҷум, ҳақиқӣ инъикос намудани фаъолияти хизматии хизматчиёни ҳарбӣ дар нашрия.

муфассал

 

ШИНОСОӢ БО РАФТИ КОРҲОИ СОХТМОНӢ ДАР МАСҶИДИ МАРКАЗИИ ҶОМЕИ ШАҲРИ ДУШАНБЕ

04 12 2018

30 ноябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раиси шаҳри Душанбе Рустами Эмомалӣ бо рафти корҳои сохтмонӣ дар масҷиди марказии ҷомеи шаҳри Душанбе ва иншооти нави Донишкадаи исломии Тоҷикистон ба номи Имоми Аъзам - Абуҳанифа Нуъмон ибни Собит шинос шуданд.
Лоиҳаи бунёди масҷид бо дастгирии бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон амалӣ гардида, рафти корҳои сохтмонӣ дар он таҳти назорати доимии Пешвои миллат қарор дорад. Масҷиди бузург дар майдони 12 гектар замин ҷойгир шуда, аз биною мавзеъҳои намозхонӣ, китобхона, осорхона, толорҳои маҷлис ва қабули меҳмонон барои мулоқоту гуфтушунидҳо иборат хоҳад буд. Масоҳати зербинои масҷид 3 гектарро ташкил медиҳад ва корҳои сохтмонӣ дар ин иншоот аз ҷониби Сарвари давлат Эмомалӣ Раҳмон моҳи октябри соли 2009 дар рӯзҳои таҷлили 1310 - солагии Имоми Аъзам ва Соли бузургдошти асосгузор ва пешвои мазҳаби таҳаммулгарои ҳанафӣ гузошта шуда буд.
Лоиҳа аз ҷониби мутахассисони варзидаи Тоҷикистону Қатар омода гардидааст ва он бо назардошти унсурҳои бостонию муосири санъати меъмории мардуми тоҷик ва ҷаҳонӣ аз 4 манораи баландиаш 75  - метра ва гумбази 47 - метра иборат хоҳад буд.
Бо маслиҳатҳои мушаххас ва завқи баланди зебоипарастии Президенти мамлакат Эмомалӣ Раҳмон дар лоиҳаи сохтмони иншооти бузург тарҳу усулҳои меъмории бостонии тоҷикӣ, нақшу нигори деворҳо, гумбазҳо, сутунҳою даромадгоҳҳо ва тамоми дигар корҳои ороишии дохилу атрофи масҷид ба эътибор гирифта шудаанд. Дар вақти таҳияи лоиҳаи бунёди масҷид меъморону сохтмончиён пешниҳоду талабот ва тавсияҳои Сарвари давлат Эмомалӣ Раҳмонро ба инобат гирифтаанд.

муфассал

 

Ташаббуси вазири мудофиа

25 11 2018

Дар асоси иљрои дастуру супоришњои Асосгузори сулњу вањдати миллї, Пешвои миллат, Президенти Љумњурии Тољистон мўњтарам Эмомалї Рањмон оид ба омодагињо ба љашни 30-солагии Истиќлолияти давлатии Љумњурии Тољикистон, бо маќсади бењтар гардонидани зиндагонии ањолии дењот сохтумон ва ба истифода додани иншоотњои иљтимої бо маром идома дорад. Ба ин маќсад дар яке аз дењањои дурдасти ноњияи Балљувон дењаи Дошмандии љамоати Сари-Хосор бинои нави Маркази саломатї бунёд гардид.

Дар партави сиёсати пешгирифтаи Асосгузори сўлњу Вањдати миллї, Пешвои миллат мўњарам Эмомали Рањмон љињати дар сатњи зарурї љашн гирифтани 30-солагии Истиќлолияти давлатии Љумњурии Тољикистон аз љониби роњбарон ва шањрвандони кишвар бо иќдомњои созандаи ободкории худ сањми босазои хешро мегузоранд.Инаст, ки дар арафаи љашни Рўзи Парчами миллии ЉТ аз љониби вазири мудофиаи кишвар генерал-полковник Ш.Мирзо дар аке аз дењањои дурдасти ноњияи Балљувон дењаи Дошмандии љамоати Сари-Хосор бинои нави Маркази саломатї бунёд гардид.

муфассал

 

ТТЭ ҲНИ. ДАЪВОҲОИ КУҲНА ДАР ҚОЛАБИ НАВ

22 11 2018

Дар яке аз сомонаҳои наҳзатӣ матлабе таҳти унвони «Таъсиси сомонаи расмии Кумитаи шаҳрвандии наҷоти гаравгонҳо ва зиндониёни сиёсии Тоҷикистон» интишор ёфт. Ин дафъа дар заминаи дастуроти роҳбарияти ташкилоти террористӣ - экстремистии Ҳизби наҳзати исломӣ кумитаи нав таъсис ёфта, наҷоти зиндониёнро бар уҳда гирифтааст. Аҷабо, ТТЭ ҲНИ, ки ба вартаи ҳалокат наздик аст, акнун наҷоти дигаронро ба зимма гирифта, дар ин самт барномаҳои навро дар симои «кумитаи шаҳрвандӣ» рӯйи даст гирифтанист (албатта, бо кумак ва мусоидати хоҷагони хориҷӣ). 
Гӯиё наҳзатиҳо ҳама корро анҷом доданд, ки навбат ба таъсиси созмони нав - «Кумитаи шаҳрвандии наҷоти гаравгонҳо ва зиндониёни сиёсии Тоҷикистон» расид. Кумитаи нав ҳам, «фаъолони сиёсӣ» - ро дар худ таҷассум мекунад ва гӯиё ҳуқуқи зиндониёни сиёсиро ҳимоят менамояд. Вале, суоли матраҳ ин ҷост, ки кадом зиндониёни сиёсиро? Ҷавоб хеле сода хоҳад буд: ҳамон зиндониёне, ки танҳо ба тими наҳзат тааллуқ мегиранд. Дигар зиндониён, аслан ба дарди наҳзат ва доираҳои ба он наздик намехӯранд. Ин аст, ки «кумитаи нав» талабот ва муқтазиёти худро дар доираи зиндониёни наҳзатӣ, ки барои содир кардани ҷиноятҳои вазнин паси панҷара қарор гирифтаанд, маҳдуд мекунад. Дигар ин ки муҷриёни кумитаи навтаъсис ҳам ба наҳзат ва афкори наҳзатӣ иртиботи бевосита ва бавосита доранд. Аз ин лиҳоз, ҳар чи дар ин замина гуфта ва ё интишор меёбад, ба афроди наздик ба доираҳои наҳзат тааллуқ дорад.

муфассал

 

ПАРЧАМ ШУКӮҲИ ОЗОДИИ МОСТ!

22 11 2018

Парчами миллии мо, парчами Тоҷикистони соҳибистиқлол дар канори Қасри миллат, дар баландии эътимоду эътиқод, дар замини меҳр ва зербуни муҳаббати мо сар ба осмонҳо афрохтааст.
Парчаме, ки рамзи муқаддаси озодӣ ва ҳувияти миллии халқи куҳанбунёд ва тамаддунпарвари тоҷик аст;
Парчаме, ки намои дурахшон ва оинаи мусаффои таърихи ҳазоронсолаи халқи маърифатофарин ва башардӯсти мост;
Парчаме, ки баланд аст ва сари моро ҳамеша баланд медорад;
Парчаме, ки ба мо неру, шукӯҳ ва ифтихори ватандорӣ  мебахшад;
Парчаме, ки ёдҳои мозӣ, таърихи миллати хуҷастахисолро дар худ ҷилвагар медорад;
Парчаме, ки аз пешбанди чармини Коваи оҳангар бунёд ёфта, раҳнамои мардум дар роҳи дарёфти  адлу инсоф гардидааст;
Парчаме, ки  Фаридуни фаррухпай бар алайҳи Заҳҳоки морон онро раҳнамои пирӯзиҳо гардондааст, яъне парчами некӣ бар муқобили бадӣ, парчами нишот бар муқобили ғаму андуҳ, парчами озодагон бар муқобили зулму истибдод, парчаме, ки шараф ва нангу ори ориёнро бардоштааст;
Ин парчам ба мо на фақат шукӯҳу сарбаландӣ мебахшад, балки эҳсоси ватандориро дар мо бедор ва поянда медорад, муҳаббати Ватанро дар вуҷудамон фурӯзон месозад;
Мо бисёрем, аммо парчами мо бо ҳама нусхаҳо яктост ва моро дар гирдогирди худ ҷамъ меорад, ба ягонагӣ дар канори худ мехонад. Дар ин парчам шараф ва нангу номус ва ҷавонмардиҳои миллати покизасиришти  мо ҷилвагар аст;

муфассал

 

ТЕРРОРИ САЙЁҲОНИ ХОРИҶӢ КОРИ ДАСТИ ТТЭ ҲНИ БУД

19  11 2018

Роҳбарону фаъолони фирории ташкилоти террористӣ - экстремистии Ҳизби наҳзати исломӣ, ки айни ҳол аз ҷавобгарӣ дар назди қонун гурехта, дар Аврупо паноҳ бурдаанд, ба ҳар роҳ мекӯшанд худро аз қабзаи террорист будан раҳонанд ва нишон диҳанд, ки гӯё ҷинояте содир накардаанд. Онҳо мехоҳанд ТТЭ ҲНИ - ро ҳамчун ҳизби сиёсӣ ва худро ҷабрдида вонамуд кунанд, то аз дастгирии молиявию маънавии созмонҳои аврупоӣ ва сарпарастони хориҷиашон бархӯрдор бошанд. 
Ҳамин аст, ки онҳо ҳамеша худро ҷабрдида ва ҳуқуқҳояшонро  поймолшудаву ташкилоти террористии худро созмони  оромишписанд ба намоиш мегузоранд. Аммо воқеият ин аст, ки ин созмон ҳамеша аз бунёд хушунатгаро ва ифротию террористӣ буду ҳаст. Аъмоли солҳои 90-уми асри гузашта дар кишвар анҷомдодаи онҳо, аз ҷумла барҳам додани сохти конститутсионӣ, таблиғи идеологияи бегона дар байни аҳолӣ ва аланга додани ҷанги шаҳрвандӣ гуфтаҳои болоро сад дарсад исбот мекунанд. 
Пас аз имзои Созишномаи умумии истиқрори сулҳ ва ризоияти миллӣ низ, сарварони ТТЭ ҲНИ  аз ғояҳои бунёдии худ, яъне бо роҳи зуроварӣ ғасби ҳокимият ва бунёди сохти теократӣ даст накашиданд. Онҳо ҳарчанд худро таҳаммулпазир вонамуд мекунанд ва ҷор мезананд, ки гӯё танҳо бо роҳи демократӣ фаъолият мекарда бошанд, аммо ин ҳама фиребу найранг аст. 

муфассал

 

16 НОЯБР. РӮЗЕ, КИ БАХТ БА РӮИ МИЛЛАТИ ТОҶИК ХАНДИД

16 11 2018

 

Яке аз санаҳои бузурги таърихӣ барои мардуми мо - ин баргузории Иҷлосияи XVI Шӯрои Олии Ҷумҳурии Тоҷикистон мебошад. Онро метавон ҳамчун воқеаи наҷотбахши миллат ном бурд. 
Маҳз ба шарофати он мардуми шарифи Тоҷикистон ба ҳаёти осоиштаву созандагӣ расид. Бо баргузории он заминаи мусоиде барои барқарорсозии сохти конститутсионӣ дар кишвар ва, ҳамчунин,  эъмори давлати демократӣ, ҳуқуқбунёду дунявӣ, иҷтимоӣ ва ягона заминаҳои ҳуқуқӣ фароҳам овард. Иҷлосия барои миллати тоҷик, иҷлосияи тақдирсоз ва наҷотбахш буд, зеро он халқи тоҷикро аз оташи ҷанг наҷот бахшида, Истиқлолияти давлатии Ҷумҳурии Тоҷикистонро пойдор сохт ва барои пойдории ваҳдати миллию истиқрори сулҳ нақши созгоре гузошт.
Имрӯзҳо маҳз ба шарофати сулҳу суботи комил, ки аз он рӯзи таърихӣ сарчашма мегирад, пешравиҳо дар тамоми соҳаҳо ба назар мерасанд. Мардуми сарбаланди мо дар фазои сулҳу суботи комил кору зиндагӣ доранд ва барои ободию шукуфоии кишвари азизамон ҷаҳду талош мекунанд. Нуфузу эътибори Ҷумҳурии Тоҷикистон дар арсаи байналмилалӣ батадриҷ боло рафт. 
Пешвои муаззами мо новобаста аз вазъи мураккаби кишвар ҳанӯз дар солҳои аввали соҳибистиқлолӣ ба соҳаи фарҳанг ва рушду эҳёи он таваҷҷуҳи хосса зоҳир намуда, то ба имрӯз дар ин самт, як қатор қонуну қарор ва санадҳои меъёрию ҳуқуқӣ ба тасвиб расиданд. Онҳо зина ба зина амалӣ шуда истодаанд, ки мақсад аз он фароҳам овардани фазои хуби маънавӣ дар кишвар мебошад. 
Дар ҳама давру замонҳо ҷойгоҳи илму фарҳанг дар ҳаёти мардум бузург буд. Фарҳанг қудратеро дорост, ки инсонҳоро ба ҳам меорад, миллатҳоро бо ҳам мепайвандад, инсониятро аз ҷаҳолат дур сохта, ба бунёдкорию созандагӣ ҳидоят менамояд. Ин рисолат дар ҳеҷ давру замоне қимати худро гум накарда, баръакс, муҳимтару созандатар мегардад.
Пӯшида нест, ки бисёре аз бадбахтии инсонҳо аз бемаърифатию бефарҳангӣ сарчашма мегиранд. Мисоли инро мо дар вазъи ноҷӯри сиёсии ҷаҳон, алалхусус Афғонистони ҳамсоя, Яман ва Сурияву Ироқ мебинем. Ҷинояткорони ифротӣ дар ин минтақа баробари ишғоли дилхоҳ шаҳре, ибтидо ба нест кардани ёдгориҳои бостонӣ машғул мешаванд. Мактабу китобхонаҳоро оташ мезананд. 

муфассал

 
<< Якум < Пешина 1 2 3 4 5 6 7 8 9 10 Дигар > Охирин >>

Саҳифаи 1 аз 11
Обуна шудан!

ЭМОМАЛӢ РАҲМОН

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...

ВАЗИРИ МУДОФИАИ
ҶУМҲУРИИ ТОҶИКИСТОН

ГЕНЕРАЛ-ПОЛКОВНИК 
ШЕРАЛӢ МИРЗО
Варзиш

Майдончаи савдо