Home: Public relations
Tajik (CIS)Russian (CIS)English (United Kingdom)
VOTE
Аз кадом хизматрасонии сомонаи расмии Вазорати мудофиа қаноатмандед?
 
Statistics
Today29
Week1860
This month6371
Only245493
Video

Forum

Public relations

ШИНОСОӢ БО РАФТИ КОРҲОИ СОХТМОНӢ ДАР МАСҶИДИ МАРКАЗИИ ҶОМЕИ ШАҲРИ ДУШАНБЕ

04 12 2018

30 ноябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раиси шаҳри Душанбе Рустами Эмомалӣ бо рафти корҳои сохтмонӣ дар масҷиди марказии ҷомеи шаҳри Душанбе ва иншооти нави Донишкадаи исломии Тоҷикистон ба номи Имоми Аъзам - Абуҳанифа Нуъмон ибни Собит шинос шуданд.
Лоиҳаи бунёди масҷид бо дастгирии бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон амалӣ гардида, рафти корҳои сохтмонӣ дар он таҳти назорати доимии Пешвои миллат қарор дорад. Масҷиди бузург дар майдони 12 гектар замин ҷойгир шуда, аз биною мавзеъҳои намозхонӣ, китобхона, осорхона, толорҳои маҷлис ва қабули меҳмонон барои мулоқоту гуфтушунидҳо иборат хоҳад буд. Масоҳати зербинои масҷид 3 гектарро ташкил медиҳад ва корҳои сохтмонӣ дар ин иншоот аз ҷониби Сарвари давлат Эмомалӣ Раҳмон моҳи октябри соли 2009 дар рӯзҳои таҷлили 1310 - солагии Имоми Аъзам ва Соли бузургдошти асосгузор ва пешвои мазҳаби таҳаммулгарои ҳанафӣ гузошта шуда буд.
Лоиҳа аз ҷониби мутахассисони варзидаи Тоҷикистону Қатар омода гардидааст ва он бо назардошти унсурҳои бостонию муосири санъати меъмории мардуми тоҷик ва ҷаҳонӣ аз 4 манораи баландиаш 75  - метра ва гумбази 47 - метра иборат хоҳад буд.
Бо маслиҳатҳои мушаххас ва завқи баланди зебоипарастии Президенти мамлакат Эмомалӣ Раҳмон дар лоиҳаи сохтмони иншооти бузург тарҳу усулҳои меъмории бостонии тоҷикӣ, нақшу нигори деворҳо, гумбазҳо, сутунҳою даромадгоҳҳо ва тамоми дигар корҳои ороишии дохилу атрофи масҷид ба эътибор гирифта шудаанд. Дар вақти таҳияи лоиҳаи бунёди масҷид меъморону сохтмончиён пешниҳоду талабот ва тавсияҳои Сарвари давлат Эмомалӣ Раҳмонро ба инобат гирифтаанд.

муфассал

 

Ташаббуси вазири мудофиа

25 11 2018

Дар асоси иљрои дастуру супоришњои Асосгузори сулњу вањдати миллї, Пешвои миллат, Президенти Љумњурии Тољистон мўњтарам Эмомалї Рањмон оид ба омодагињо ба љашни 30-солагии Истиќлолияти давлатии Љумњурии Тољикистон, бо маќсади бењтар гардонидани зиндагонии ањолии дењот сохтумон ва ба истифода додани иншоотњои иљтимої бо маром идома дорад. Ба ин маќсад дар яке аз дењањои дурдасти ноњияи Балљувон дењаи Дошмандии љамоати Сари-Хосор бинои нави Маркази саломатї бунёд гардид.

Дар партави сиёсати пешгирифтаи Асосгузори сўлњу Вањдати миллї, Пешвои миллат мўњарам Эмомали Рањмон љињати дар сатњи зарурї љашн гирифтани 30-солагии Истиќлолияти давлатии Љумњурии Тољикистон аз љониби роњбарон ва шањрвандони кишвар бо иќдомњои созандаи ободкории худ сањми босазои хешро мегузоранд.Инаст, ки дар арафаи љашни Рўзи Парчами миллии ЉТ аз љониби вазири мудофиаи кишвар генерал-полковник Ш.Мирзо дар аке аз дењањои дурдасти ноњияи Балљувон дењаи Дошмандии љамоати Сари-Хосор бинои нави Маркази саломатї бунёд гардид.

муфассал

 

ТТЭ ҲНИ. ДАЪВОҲОИ КУҲНА ДАР ҚОЛАБИ НАВ

22 11 2018

Дар яке аз сомонаҳои наҳзатӣ матлабе таҳти унвони «Таъсиси сомонаи расмии Кумитаи шаҳрвандии наҷоти гаравгонҳо ва зиндониёни сиёсии Тоҷикистон» интишор ёфт. Ин дафъа дар заминаи дастуроти роҳбарияти ташкилоти террористӣ - экстремистии Ҳизби наҳзати исломӣ кумитаи нав таъсис ёфта, наҷоти зиндониёнро бар уҳда гирифтааст. Аҷабо, ТТЭ ҲНИ, ки ба вартаи ҳалокат наздик аст, акнун наҷоти дигаронро ба зимма гирифта, дар ин самт барномаҳои навро дар симои «кумитаи шаҳрвандӣ» рӯйи даст гирифтанист (албатта, бо кумак ва мусоидати хоҷагони хориҷӣ). 
Гӯиё наҳзатиҳо ҳама корро анҷом доданд, ки навбат ба таъсиси созмони нав - «Кумитаи шаҳрвандии наҷоти гаравгонҳо ва зиндониёни сиёсии Тоҷикистон» расид. Кумитаи нав ҳам, «фаъолони сиёсӣ» - ро дар худ таҷассум мекунад ва гӯиё ҳуқуқи зиндониёни сиёсиро ҳимоят менамояд. Вале, суоли матраҳ ин ҷост, ки кадом зиндониёни сиёсиро? Ҷавоб хеле сода хоҳад буд: ҳамон зиндониёне, ки танҳо ба тими наҳзат тааллуқ мегиранд. Дигар зиндониён, аслан ба дарди наҳзат ва доираҳои ба он наздик намехӯранд. Ин аст, ки «кумитаи нав» талабот ва муқтазиёти худро дар доираи зиндониёни наҳзатӣ, ки барои содир кардани ҷиноятҳои вазнин паси панҷара қарор гирифтаанд, маҳдуд мекунад. Дигар ин ки муҷриёни кумитаи навтаъсис ҳам ба наҳзат ва афкори наҳзатӣ иртиботи бевосита ва бавосита доранд. Аз ин лиҳоз, ҳар чи дар ин замина гуфта ва ё интишор меёбад, ба афроди наздик ба доираҳои наҳзат тааллуқ дорад.

муфассал

 

ПАРЧАМ ШУКӮҲИ ОЗОДИИ МОСТ!

22 11 2018

Парчами миллии мо, парчами Тоҷикистони соҳибистиқлол дар канори Қасри миллат, дар баландии эътимоду эътиқод, дар замини меҳр ва зербуни муҳаббати мо сар ба осмонҳо афрохтааст.
Парчаме, ки рамзи муқаддаси озодӣ ва ҳувияти миллии халқи куҳанбунёд ва тамаддунпарвари тоҷик аст;
Парчаме, ки намои дурахшон ва оинаи мусаффои таърихи ҳазоронсолаи халқи маърифатофарин ва башардӯсти мост;
Парчаме, ки баланд аст ва сари моро ҳамеша баланд медорад;
Парчаме, ки ба мо неру, шукӯҳ ва ифтихори ватандорӣ  мебахшад;
Парчаме, ки ёдҳои мозӣ, таърихи миллати хуҷастахисолро дар худ ҷилвагар медорад;
Парчаме, ки аз пешбанди чармини Коваи оҳангар бунёд ёфта, раҳнамои мардум дар роҳи дарёфти  адлу инсоф гардидааст;
Парчаме, ки  Фаридуни фаррухпай бар алайҳи Заҳҳоки морон онро раҳнамои пирӯзиҳо гардондааст, яъне парчами некӣ бар муқобили бадӣ, парчами нишот бар муқобили ғаму андуҳ, парчами озодагон бар муқобили зулму истибдод, парчаме, ки шараф ва нангу ори ориёнро бардоштааст;
Ин парчам ба мо на фақат шукӯҳу сарбаландӣ мебахшад, балки эҳсоси ватандориро дар мо бедор ва поянда медорад, муҳаббати Ватанро дар вуҷудамон фурӯзон месозад;
Мо бисёрем, аммо парчами мо бо ҳама нусхаҳо яктост ва моро дар гирдогирди худ ҷамъ меорад, ба ягонагӣ дар канори худ мехонад. Дар ин парчам шараф ва нангу номус ва ҷавонмардиҳои миллати покизасиришти  мо ҷилвагар аст;

муфассал

 

ТЕРРОРИ САЙЁҲОНИ ХОРИҶӢ КОРИ ДАСТИ ТТЭ ҲНИ БУД

19  11 2018

Роҳбарону фаъолони фирории ташкилоти террористӣ - экстремистии Ҳизби наҳзати исломӣ, ки айни ҳол аз ҷавобгарӣ дар назди қонун гурехта, дар Аврупо паноҳ бурдаанд, ба ҳар роҳ мекӯшанд худро аз қабзаи террорист будан раҳонанд ва нишон диҳанд, ки гӯё ҷинояте содир накардаанд. Онҳо мехоҳанд ТТЭ ҲНИ - ро ҳамчун ҳизби сиёсӣ ва худро ҷабрдида вонамуд кунанд, то аз дастгирии молиявию маънавии созмонҳои аврупоӣ ва сарпарастони хориҷиашон бархӯрдор бошанд. 
Ҳамин аст, ки онҳо ҳамеша худро ҷабрдида ва ҳуқуқҳояшонро  поймолшудаву ташкилоти террористии худро созмони  оромишписанд ба намоиш мегузоранд. Аммо воқеият ин аст, ки ин созмон ҳамеша аз бунёд хушунатгаро ва ифротию террористӣ буду ҳаст. Аъмоли солҳои 90-уми асри гузашта дар кишвар анҷомдодаи онҳо, аз ҷумла барҳам додани сохти конститутсионӣ, таблиғи идеологияи бегона дар байни аҳолӣ ва аланга додани ҷанги шаҳрвандӣ гуфтаҳои болоро сад дарсад исбот мекунанд. 
Пас аз имзои Созишномаи умумии истиқрори сулҳ ва ризоияти миллӣ низ, сарварони ТТЭ ҲНИ  аз ғояҳои бунёдии худ, яъне бо роҳи зуроварӣ ғасби ҳокимият ва бунёди сохти теократӣ даст накашиданд. Онҳо ҳарчанд худро таҳаммулпазир вонамуд мекунанд ва ҷор мезананд, ки гӯё танҳо бо роҳи демократӣ фаъолият мекарда бошанд, аммо ин ҳама фиребу найранг аст. 

муфассал

 

16 НОЯБР. РӮЗЕ, КИ БАХТ БА РӮИ МИЛЛАТИ ТОҶИК ХАНДИД

16 11 2018

 

Яке аз санаҳои бузурги таърихӣ барои мардуми мо - ин баргузории Иҷлосияи XVI Шӯрои Олии Ҷумҳурии Тоҷикистон мебошад. Онро метавон ҳамчун воқеаи наҷотбахши миллат ном бурд. 
Маҳз ба шарофати он мардуми шарифи Тоҷикистон ба ҳаёти осоиштаву созандагӣ расид. Бо баргузории он заминаи мусоиде барои барқарорсозии сохти конститутсионӣ дар кишвар ва, ҳамчунин,  эъмори давлати демократӣ, ҳуқуқбунёду дунявӣ, иҷтимоӣ ва ягона заминаҳои ҳуқуқӣ фароҳам овард. Иҷлосия барои миллати тоҷик, иҷлосияи тақдирсоз ва наҷотбахш буд, зеро он халқи тоҷикро аз оташи ҷанг наҷот бахшида, Истиқлолияти давлатии Ҷумҳурии Тоҷикистонро пойдор сохт ва барои пойдории ваҳдати миллию истиқрори сулҳ нақши созгоре гузошт.
Имрӯзҳо маҳз ба шарофати сулҳу суботи комил, ки аз он рӯзи таърихӣ сарчашма мегирад, пешравиҳо дар тамоми соҳаҳо ба назар мерасанд. Мардуми сарбаланди мо дар фазои сулҳу суботи комил кору зиндагӣ доранд ва барои ободию шукуфоии кишвари азизамон ҷаҳду талош мекунанд. Нуфузу эътибори Ҷумҳурии Тоҷикистон дар арсаи байналмилалӣ батадриҷ боло рафт. 
Пешвои муаззами мо новобаста аз вазъи мураккаби кишвар ҳанӯз дар солҳои аввали соҳибистиқлолӣ ба соҳаи фарҳанг ва рушду эҳёи он таваҷҷуҳи хосса зоҳир намуда, то ба имрӯз дар ин самт, як қатор қонуну қарор ва санадҳои меъёрию ҳуқуқӣ ба тасвиб расиданд. Онҳо зина ба зина амалӣ шуда истодаанд, ки мақсад аз он фароҳам овардани фазои хуби маънавӣ дар кишвар мебошад. 
Дар ҳама давру замонҳо ҷойгоҳи илму фарҳанг дар ҳаёти мардум бузург буд. Фарҳанг қудратеро дорост, ки инсонҳоро ба ҳам меорад, миллатҳоро бо ҳам мепайвандад, инсониятро аз ҷаҳолат дур сохта, ба бунёдкорию созандагӣ ҳидоят менамояд. Ин рисолат дар ҳеҷ давру замоне қимати худро гум накарда, баръакс, муҳимтару созандатар мегардад.
Пӯшида нест, ки бисёре аз бадбахтии инсонҳо аз бемаърифатию бефарҳангӣ сарчашма мегиранд. Мисоли инро мо дар вазъи ноҷӯри сиёсии ҷаҳон, алалхусус Афғонистони ҳамсоя, Яман ва Сурияву Ироқ мебинем. Ҷинояткорони ифротӣ дар ин минтақа баробари ишғоли дилхоҳ шаҳре, ибтидо ба нест кардани ёдгориҳои бостонӣ машғул мешаванд. Мактабу китобхонаҳоро оташ мезананд. 

муфассал

 

РӮЗИ ПРЕЗИДЕНТ - РӮЗИ ИФТИХОРИ МИЛЛӢ

13 11 2018

Мувофиқи Қонуни Ҷумҳурии Тоҷикистон «Дар бораи рӯзҳои ид» дар мамлакат ҳамасола 16 - уми ноябр ҳамчун Рӯзи Президенти Ҷумҳурии Тоҷикистон ҷашн гирифта мешавад.
Тибқи моддаи 64-уми Конститутсияи Ҷумҳурии Тоҷикистон, Президент ҳомии Конститутсия ва қонунҳо, ҳуқуқу озодиҳои инсон ва шаҳрванд, кафили истиқлолияти миллӣ, ягонагӣ ва тамомияти арзӣ, пойдориву бардавомии давлат, мураттабии фаъолияти мақомоти давлатӣ ва ҳамкории онҳо, риояи шартномаҳои байналмилалии Тоҷикистон мебошад.
Бояд зикр намуд, ки ҳанӯз 20-уми июли соли 1994, таҳти № 974 Қонуни Ҷумҳурии Тоҷикистон «Дар бораи ислоҳоти конститутсионӣ дар Ҷумҳурии Тоҷикистон, тартиби қабул намудан ва мавриди амал қарор додани Конститутсияи (Сарқонуни) Ҷумҳурии Тоҷикистон» қабул шуда буд. Моҳҳои апрел ва июни соли 1994 баррасии умумихалқӣ оид ба лоиҳаи нави Конститутсияи Тоҷикистони соҳибистиқлол гузаронда шуда, дар рафти он лоиҳаи Конститутсия мавриди дастгирии васеи шаҳрвандони Ҷумҳурии Тоҷикистон қарор гирифт, ки ин зарурати ҳар чи зудтар амалӣ сохтани ислоҳоти конститутсиониро дар мамлакат ба вуҷуд овард ва дар кӯтоҳтарин вақт бо роҳи раъйпурсии умумихалқӣ қабул намудани Конститутсияи Ҷумҳурии Тоҷикистонро тақозо намуд.
Шакли идораи президентӣ ва таъсиси мансаби Президенти Ҷумҳурии Тоҷикистон, ки дар лоиҳаи Конститутсияи Ҷумҳурии Тоҷикистон пешбинӣ гардида буд, аз тарафи аксарияти иштирокчиёни баррасии он маъқул дониста шуд ва ин имкон дод, ки барои тайёрӣ ва гузарондани интихоботи Президенти Ҷумҳурии Тоҷикистон кор ҷоннок карда шавад. Аз ин рӯ, 21-уми июли соли 1994, таҳти № 1042 Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» қабул гардид, ки он принсипҳои гузарондани интихобот, таъйин, ташкил ва ҷамъбасти интихобот, инчунин, дигар масъалаҳои вобаста ба онро танзим намуд.

муфассал

 

Тоҷикистон муқобили ғаразҳои низоъафканист

13 11 2018

Имрӯз мардуми шарифи Тоҷикистон, шукргузори онанд, ки дар фазои сулҳу субот умр ба сар мебаранд, ки ин ҳама аз шарофати Истиқлолияти давлатии Ҷумҳурии Тоҷикистон ва талошу заҳматҳои чандинсолаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дарак медиҳад.

Дар тӯли 27- соли соҳибистиқлолӣ Тоҷикистон ба яке аз кишварҳои пешрафта табдил ёфта, 3 стратегияи асоси кишвар амалӣ гардид. Яъне раҳоӣ аз бумбасти коммуникатсионӣ, истилолияти энергетикӣ ва кушодашавии роҳҳои аҳамияти ҷумҳуриявӣ ва байналмилалӣ дошта мебошад, ки Тоҷикистон тавонист дар як муддати кӯтоҳ аз кишвари аграрӣ ба кишвари саноатӣ гузарад. Имрӯз Тоҷикистонро зиёда аз 178 давлати дунё мешиносад ва узви Созмони Милали Муттаҳид ва чандин созмонҳои байналмилалӣ буда, ҳамкориҳояшро дар самтҳои гуногун хуб ба роҳ мондааст. Сиёсати дарҳои кушод аз он дарак медиҳад, ки робитаҳои дӯстонаи мо бо дигар давлатҳо ва робитаи кишварҳои хориҷӣ ба Тоҷикистон вусъат ёбад.
Масъалаи муҳиме, ки имрӯз ҷомеаи ҷаҳонро ба таҳлука овардааст, ин авҷ гирифтани экстремизм ва террроризми байналмилалӣ мебошад. Ин вабои аср Тоҷикистонро низ бетараф нагузоштааст. Дар масъалаи экстремизм ва терроризм, Пешвои миллат борҳо аз минбарҳои баланди сиёсӣ оиди решакан намудани ин вабои аср баромадҳо намудааст. Дар вохӯрию мулоқотҳояшон бо аҳли зиё ва аҳли ҷамоатчигӣ борҳо таъкид менамояд, ки фирефтаи ақида ва афкорӣ гурӯҳҳои моҷароҷӯ ва ифротӣ нагардед.

муфассал

 

Бодовардаро бод мебарад...

13 11 2018

Чандин маротиб аст, ки перомуни даст ба террору ифротгароӣ задани ТТЭ ҲНИ, тавассути ВАО-и кишвар матолиби гуногун ба нашр мерасад. Ҳарчанд роҳбарияти ТТЭ ҲНИ аз худ мусичаи бегуноҳ метарошанд ва айбу гуноҳи содиркардаашонро ба зимма намегиранд, аммо собиқ аъзои ин ҳизби террористӣ (аз ҷумлаи Домулло Айёмиддини ихтиёран тарки ҳизб кардаву Эшони Қиёмиддини боздоштшуда ва дигарон) иқроранд, ки бо мададу ҳамдастӣ бо хадамоти махсуси Эрон ҳар гуна ҷурму ҷиноётро дар Тоҷикистон маҳз наҳзатиҳо рӯйи кор овардаанд.

Ҳар вақте чунин матолиб ба нашр мерасад, “обсофкунакҳои наҳзатӣ” зуд болои об гашта, бидуни далел айбу гуноҳи ҳамсафони худ мешуянд... Аммо магар метавон шуоъҳои сузони офтобро бо доман пӯшонд? Асло не!
Боварам кунед, ҳар чи дар ҳаққи наҳзатиҳо мегӯянд, ба Худо қасам мехурам, ки ин ҳама қатрае аз баҳр аст. ТТЭ ҲНИ саропо ғутавари ҷурму гуноҳ аст ва ростӣ ки намедонам дар он дунё ин разилон чӣ посухе назди Худованд медода мебошанд.
Ман низ замоне узви ҲНИ будам ва ҳар гуна корҳои техникиро дар дастгоҳи марказии ҲНИ амалӣ месохтам. Дар ҷаласаҳову ҷамъомадҳои ҳизб низ иштироки фаъол доштам. Дастмузди хуб мегирифтам – 3 ҳазор сомонӣ, аммо вақти дар ведемост имзо мондан, ҳақулмузд 560 сомонӣ нишон дода шуда буд, ки рӯ ба рӯи он имзои муборакам мегузоштам. Хазинадори наҳзат Ҳоҷӣ Холмаҳмад, ҳар вақти пулгирӣ таъкидам мекарданд: “Мабодо агар мақомот аз маош пурсанд, ҳамин рақами дар ведемост нишондодашударо бигӯй”. 
Воқеан ҳам шигифтангез он нукта буд, ки танҳо дар як қароргоҳи марказии ҳизб беш аз 100 нафар машғул бо корҳои ҳизбӣ буданд ва ҳар кадоме аз 3 то 7 ҳазорӣ маош мегирифтанд. Ҳизб дар ихтиёр корхонаву истеҳсолоте надошт, пас ин миқдор маблағ аз куҷо дастраси онҳо мегашт? Ба замми ин, ҳар моҳ собиқадорони наҳзат ва собиқ размандагони маъюбу маҷруҳ ба маблағи то 1,5 ҳазорӣ нафақа мегирифтанд. 
Рӯзҳои ҷумъа бошад, собиқ размандагони наҳзатӣ, ки ҷое кор намекарданд, дар қароргоҳи ҳизб ҷамъ гашта, аз Кабирӣ дархости кӯмак мекарданд, ки барои ҳар яки онҳо низ худи ҳамон лаҳза маблағ пайдо мегашт. Ва аз кадом ҳисоб? Ба ин суолам собиқ узви ҲНИТ Қорӣ Иброҳим хуб посух дода буд: “Бародарони эрониву ихвониҳо зинда бошанд, наҳзат асло хор нахоҳад шуд!”

муфассал

 

Босмачӣ шояд то Аврупо равад, аммо аврупоӣ намешавад (Чанд мулоҳиза дар атрофи шармандагии намояндагони ТЭТ ҲНИ дар ҷаласаи солонаи САҲА дар Варшава)

10 11 2018

197Имрӯзҳо дар шаҳри Варшава ҷаласаи солонаи САҲА «Оид ба иҷрои ӯҳдадориҳо дар соҳаи ченаки инсонӣ» кори худро идома медиҳад. Дар он ҳудуди 1200 вакил аз 57 кишвар ширкат дошта, ҷанбаҳои гуногуни таъмини ҳуқуқи инсон дар ҳудуди кишварҳои узви созмонро баррасӣ менамоянд. Роҳбарияти фирории ТЭТ ҲНИ бо маслиҳати хоҷагони худ талош карданд, ки ҳамроҳ бо намояндагони ташкилотҳои сунъии худсохтаи ҲНИ аз ин фурсат истифода намуда, баъзе ҳадафҳои нопоки худро оид ба бадномсозии давлату мардуми Тоҷикистон дар доираи ин ҷаласа амалӣ намоянд. Аммо, дар асл, ин ҷаласа ба саҳнаи шармандагии ин гурӯҳи экстремистию террористӣ ва ҳаммаслакони он табдил шуд.

Дар рӯзи пеш аз оғози ҷаласа, яъне 9-уми сентябр, наҳзатиён ҳамон ҳиллаи қадимии худро ба кор бурданӣ шуда, худашон бо худашон қарордод баста, ташкилоти сунъиеро бо номи «Паймони миллии Тоҷикистон» эълон намуданд. Вақте бо огоҳӣ аз моҳияти террористӣ ва собиқаи паймоншикании ТЭТ ҲНИ, ягон ташкилоти мухолифи ҳукумат дар хориҷа ба эътилоф бо ин ҳизб розӣ нашуд, мувофиқи нақшаи хоҷагони худ роҳбарияти ҲНИ худашон аз ҳисоби аъзо ва муздурони худашон чанд «ташкилот»-и нав сохта, сипас худашон бо худашон «эътилоф» ташкил карданд. Бинобар ин, огоҳон медонанд, ки «Паймони миллии Тоҷикистон» дар асл ҳамон ТЭТ ҲНИ буда, ин ном бо мақсади пӯшонидани ниқоби нав ба ин ташкилоти экстремистию террористӣ эҷод шудааст.

муфассал

 

ТТЭ ҲНИ ВАЗЪИ ВМКБ - РО МУҒРИЗОНА ТАСВИР МЕСОЗАД

10 11  2018

 

Ҷумҳурии Тоҷикистон ба сифати давлати миллӣ ва ҳамчун ҷузъи ҷудонопазири ҷомеаи ҷаҳонӣ рушду инкишоф ёфта, мақом ва манзалати назаррасеро дар фазои геополитикии олам соҳиб шудааст. Дар муддати начандон тӯлонӣ, кишвари мо тавонист ҳамчун давлати соҳибистиқлол ва демократӣ масоили сиёсиву иқтисодӣ ва иҷтимоии дохилидавлатии худро ҳал намуда, марҳала ба марҳала дар фазои сулҳу оромӣ рушд кунад. Имрӯз барои кулли ҷомеаи ҷаҳонӣ ваҳдати миллии тоҷикон ҳамчун дарси ибрат ба шумор рафта, аз ҷониби сиёсатмадорону сиёсатшиносони ҷаҳонӣ мавриди омӯзиш қарор гирифтааст.
Аммо, бо гузашти замон чунин тарзи ҳаёт, яъне дар фазои сулҳу оромӣ зистани миллати тоҷик барои афроди алоҳида писанд нест. Онҳо ба ҳар роҳу восита мехоҳанд суботи ҷомеаро халалдор намоянд, ҷавононро ба доми фиреб кашанд ва бори дигар миллати тоҷикро ба бадбахтӣ оваранд. Ин афрод вақтҳои охир ба воситаи сомонаҳои интернетӣ аз хориҷи кишвар вазъияти имрӯзаи Тоҷикистонро ба фикру ақидаҳои барғалати хеш шарҳ дода, мардумро ба бесуботӣ ва бетартибиҳо, ки бар хилофи қонун аст, даъват мекунанд. Чанде қабл дар сомонаи мутааллиқ ба Ташкилоти террористӣ - экстремистии ҲНИ баёнияе доир ба вазъи ВМКБ аз тарафи аъзои созмони ба ном «Паймони миллии Тоҷикистон», аммо дар асл ТТЭ ҲНИ чоп шудааст, ки далели гуфтаҳои болост. Мақсадашон аз бозтоби вазъи Бадахшон афкори нопоки хешро бар сари мардум бор кардан аст.  Мо тасмим гирифтем, ки чанд нуктаро доир ба ботил будани андешаҳо дар ин баёния ва нияти барангехтани бадбиниву ноором сохтани фазои кишвар аз тарафи муаллифони ин баёния нишон диҳем:

муфассал

 

СУЛҲ, СУБОТ, ВАҲДАТ. БУЗУРГТАРИН ОМИЛҲОИ РУШДИ УСТУВОР ВА ШУКУФОӢ

02 10 2018

Чанде пеш мардуми шарифи кишвари соҳибистиқлоламон таҳти сарварии Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон Ҷашни фархундаи 27-умин солгарди Истиқлолияти давлатиро бо дастовардҳои шоиста таҷлил намуд. Бо шукӯҳу шаҳомати беназир ҷашн гирифтани ин санаи таърихӣ ва пешрафти бесобиқаи иқтисодию иҷтимоӣ маҳз бо шарофати сиёсати хирадмандонаю талошҳои пайвастаи Пешвои муаззами миллат, дар натиҷаи таъмини сулҳу оштӣ, суботу оромӣ  ва ваҳдати миллӣ барои халқи азияткашидаи тоҷик муяссар гардид. 
Сарвари давлат дар Паёми навбатӣ ба Маҷлиси Олии Ҷумҳурии Тоҷикистон таъкид карданд: «Сулҳу оромӣ, суботи сиёсӣ ва ваҳдату якпорчагии мардуми шарафманди тоҷик имкон дод, ки мо маҷрои рушди иқтисоди миллиамонро ба куллӣ тағйир диҳем, барномаҳои нави давлатиро қабул кунем, сохтори давлатдориамонро, ки асоси онро принсипи адолати иҷтимоӣ ташкил медиҳад, таҳким бахшем, иқтидорҳои нави иқтисодиро ба кор андозем, сокинони мамлакатро дар тамоми фаслҳои сол бо неруи барқ таъмин кунем ва барои рушди минбаъдаи соҳаҳои ҳаётан муҳими кишвар шароит ва заминаи мусоид фароҳам оварем».

муфассал

 
<< Start < Prev 1 2 3 4 5 6 7 Next > End >>

Page 2 of 7
Subscribe to us!

EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...

Minister of Defense
of the Republic of Tajikistan

Colonel-General Sherali Mirzo
Sport

Trading platform