Public relations

ЗИРАКИИ СИЁСИРО АЗ ДАСТ НАМЕДИҲЕМ. ИН МАФҲУМ ДАР ШАРОИТИ КУНУНӢ БОЯД ШИОРИ ҲАР ЯК ШАҲРВАНД БОШАД

10 09 2019

 

Бо итминон метавон гуфт, ки маҳз дар давраи навини давлатдорӣ шаҳрвандони кишвар бо роҳбарии муҳтарам Эмомалӣ Раҳмон бори дигар аз имтиҳони ҷиддии таърих гузашта,  боз аз сари нав  баҳри пирӯзии Истиқлолияти давлатӣ Парчами Ватани азизамонро дар олам партавфишон намуданд, низоми давлатдориро дар кишвар устувор сохтанд, шохаҳои ҳокимиятро таҳким бахшиданд ва дар барпо намудани давлати соҳибихтиёр, демократӣ, ҳуқуқбунёд, дунявӣ ва ягона ба дастовардҳои беназир ноил гардида истодаанд. 
Табиист, ки дар ҷомаи амал пӯшидани аҳдофи созандаи Сарвари давлат, ки аз азми қавӣ ва нияти нек маншаъ гирифтаанд, кулли тоҷику тоҷикистониён, хоса масъулин саҳми муассир доранд. Масъулини вазорату идора ва ташкилоту муассисаҳо, сарфи назар аз шакли фаъолият, муваззафанд, ки ба василаи  хислатҳои неки инсонӣ  ба дили мардум роҳ ёфта, масъулиятшиносӣ, поквиҷдонӣ, инсондӯстӣ, қонунсолорӣ, ҳақшиносӣ, ҳақгӯӣ, ҳалолхӯриву ҳалолкорӣ,  боҷасоративу пешсафиро  меҳвари кору зиндагӣ қарор диҳанд
Тибқи муқаррароти қонунгузорӣ,  дастгоҳи давлатӣ  низоми мақомоти давлатӣ, ки фаъолияти он барои амалӣ намудани вазифа, функсия ва сиёсати давлат равона шудааст, маҳсуб шуда, мақоми давлатӣ  ҷузъи таркибии дастгоҳи давлатӣ, ки ваколати давлатию ҳокимиятиро дар шакли ташкилию ҳуқуқии ба худ хос амалӣ менамояд, мебошад.  

муфассал

 

28 ДАСТОВАРДИ БУЗУРГ

10 09 2019

 

Истиқлолияти давлатӣ барои ноил шудан ба дастовардҳои муҳим дар ҳаёти сиёсиву иқтисодӣ, иҷтимоиву фарҳангӣ ва маънавии мардуми тоҷик нақши босазо гузошта, ба ташаккули сиёсати давлатӣ дар соҳаҳои гуногуни хоҷагии халқ ва тадриҷан фароҳам овардани имкониятҳои васеи рушду такомули онҳо дар шароити мураккаби тағйирёбии сохториву ҷамъиятӣ мусоидат намуд.
Дастовардҳо зиёданд, вале 28 дастоварди бузургтаринеро, ки ба рушду инкишофи кишвар бештар замина гузоштанд, зикр мекунем.
1. 24 августи соли 1990 Эъломияи Истиқлолияти Ҷумҳурии Шӯравии Сотсиалистии Тоҷикистон қабул гардид, ки тибқи он 9 сентябри соли 1991 Тоҷикистон истиқлолияти комили худро ба даст овард ва ҳамасола ин сана ҳамчун Рӯзи Истиқлолияти давлатии Ҷумҳурии Тоҷикистон бо шукӯҳу шаҳомати хосса ва бо шукргузорӣ аз неъматҳои гаронбаҳои он таҷлил мегардад.
2. Ҷумҳурии Тоҷикистон 2 марти соли 1992 узви комилҳуқуқи Созмони Милали Муттаҳид гардид. 
3. 16 ноябри соли 1992 Иҷлосияи XVI Шӯрои Олии Ҷумҳурии Тоҷикистон дар Қасри Арбоб баргузор гардид, ки он унвони “Иҷлосияи тақдирсоз”- ро гирифт. Зеро ин иҷлосия фарзанди фарзонаи миллат Эмомалӣ Раҳмонро ба сари қудрат овард, ки аз аввалин рӯзҳои фаъолияти кориаш тамоми неруву тавоноиашро барои ободии ин диёр равона сохт.
4. 24 ноябри соли 1992 аз ҷониби Шӯрои Олии Ҷумҳурии Тоҷикистон Парчами давлатии Ҷумҳурии Тоҷикистон тасдиқ гардид, ки барои бақои давлату миллати тоҷик яке аз муқаддасоти миллӣ ба ҳисоб меравад. Бори нахуст Рӯзи Парчами давлатӣ ҳамчун ид дар кишвар 24 ноябри соли 2009 таҷлил карда шуд. 

муфассал

 

9 СЕНТЯБР ОҒОЗИ МАРҲИЛАИ НАВИ ДАВЛАТДОРИИ МИЛЛӢ

10 09 2019

 

Воқеан, Истиқлолияти давлатӣ барои мардуми шарафманди тоҷик оғози марҳилаи навини давлатдории миллӣ, омили ваҳдати мустақил, воситаи ҳифзи асолату ҳувияти миллӣ ва, муҳимтар аз ҳама, нишонаи возеҳи пойдории миллат ба шумор меравад. Тӯли 28 соли соҳибистиқлолӣ дар Ҷумҳурии Тоҷикистон ислоҳоти комили сиёсӣ ва ҳуқуқӣ, инчунин, барои инкишофи иқтисоди устувор заминаи мусоид фароҳам оварда шудааст. 
Ин нуктаро Диловар Қодирзода, директори Маркази тадқиқоти стратегии назди Президенти Ҷумҳурии Тоҷикистон зимни баргузории мизи мудаввар таҳти унвони «Истиқлолияти давлатии Тоҷикистон ва марҳилаи нави рушди давлатдории миллӣ» иброз дошт. 
Ӯ афзуд, ки Истиқлолияти давлатӣ ба мо имкон дод, то дар як мудати кӯтоҳ амният ва суботро дар ҷомеа таъмин намуда, барои рушди соҳаҳои гуногун, аз ҷумла саноату энергетика, нақлиёту роҳсозӣ ва кишоварзӣ ба дастовардҳои назаррас ноил гардем. Дар соҳаҳои иҷтимоӣ, махсусан, илму маориф, фарҳанг ва тандурустӣ пешрафтҳои сифатан нав ба вуҷуд омадаанд.

муфассал

 

Машқҳои муштарак дар гарнизони Хоруғ

13 08 2019

Дар Вилояти Мухтори Кӯҳистони Бадахшон бо ҷалби сохтору мақомоти давлатии ин гарнизон ҷамъомади мудофиаи ҳудудӣ, машғулиятҳои омодагии сафарбарӣ ва маҷмӯи машқҳои муштараки амалиётӣ-стратегии зиддитеррористӣ тибқи нақшаи тасдиқнамудаи Асосгузори сулҳу Ваҳдати миллӣ-Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали артиш, Эмомалӣ Раҳмон ва дар доираи баргузории маҷмӯи чорабиниҳои асосии Қувваҳои Мусаллаҳ барои соли 2019 пешбинӣ гардидааст, дар 3 марҳила ташкилу ба роҳ монда мешавад.

Дар баробари иштироки сохтору мақомоти давлативу қудратии Тоҷикистон дар ин гарнизон, инчунин дар ин машқҳои муштарак ҷузъу томҳои Артиши Озодихоҳи Халқии Чин низ бо техникаву лавозимоти ҳарбӣ дар он ҷалб мегарданд. Илова бар ин, дар доираи баргузории машғулиятҳои омодагии сафарбарӣ ва мудофиаи ҳудудӣ дар гарнизони Хоруғ ситоди муштараки идории қӯшунҳо ташкил гардида, раисони шаҳру ноҳияҳои ин минтақа захираҳои эҳтиётии даъватшавандагон дар он ҷалб карда шуданд. Ҳамзамон, техникаҳои хоҷагии халқ ва умуман лавозимоте, ки барои чорабинии муҳими низомӣ заруранд, истифода мегарданд.

муфассал

 

ТЕРРОРИЗМ ВА ЭКСТРЕМИЗМ. ТОҶИКИСТОН ДАР МУБОРИЗА БАР ЗИДДИ ИН ЗУҲУРОТ ПЕШСАФ АСТ

09 08 2019

 

Бешубҳа, имрӯз як қатор гурӯҳҳои ифротгарову террористӣ бо истифода аз номи поки дини ислом ба ҳар гуна амалҳои даҳшатноку зишт даст мезананд, ки ба паҳншавии афкори исломситезӣ ва бадбинии мусулмонон оварда мерасонад. Амалҳои онҳо дар минтақаҳои гуногуни олам миллионҳо нафарро гирифтори хавфу хатар карда, зиёда аз 100 кишвари дунёро зери ҳадаф қарор додааст, ки аз ин садҳо ҳазор аҳолии осоишта ба ҳалокат расида, миллионҳо нафар макони зисташонро тарк кардаанд.
Дар шаҳри Душанбе баргузор кардани Конфронси сатҳи баланд таҳти унвони “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузори он, аз ҷумла гардиши ғайриқонунии маводи мухаддир ва ҷинояткории муташаккил» (рӯзҳои 16 - 17 майи соли 2019) бо ҳамкорӣ ва ҳамдастии Созмони Милали Муттаҳид, Иттиҳоди Аврупо ва Созмони Амният ва Ҳамкорӣ дар Аврупо, барои ҷомеаи башар дорои аҳамияти хеле муҳиму саривақтист.
Имрӯз амалҳои террористиву экстремистӣ ва роҳҳои маблағгузории он аз ҳисоби даромади гардиши ғайриқонунии маводи мухаддир, ҷинояткории муташаккил, харидуфурӯши одамон, силоҳ ва фасод таҳдиду хатарҳои ҷиддӣ ба сулҳу амнияти байналмилалӣ ва минтақавӣ ба шумор мераванд. Амалҳои террористиву экстремистӣ ба оромӣ, рушди иқтисодиву иҷтимоӣ ва озодии инсонҳо таъсир расонда, намегузорад, ки онҳо дар рӯҳияи сулҳу субот таҳкиму тақвият ёбанд.

муфассал

 

ТОҶИКИСТОН ВА ЧИН. ТАМРИНҲОИ МУШТАРАКИ НИЗОМӢ БАРОИ МАҲВИ ТЕРРОРИЗМ

09 08 2019

 

Дар заминаи ҳамкориҳои ҳарбӣ ва ҳарбӣ – техникӣ миёни Вазорати мудофиаи Ҷумҳурии Тоҷикистон ва Вазорати мудофиаи Ҷумҳурии Мардумии Чин охири моҳи июли соли равон дар дар яке аз гарнизонҳои Вилояти Мухтори Кӯҳистони Бадахшон машқҳои муштараки зиддитеррористӣ миёни низомиёни ҳар ду кишвар ташкил ва баргузор мегардад.

Дар ин бора Ориф Нозимиён, сардори маркази матбуоти Вазорати мудофиаи Ҷумҳурии Тоҷикистон, ба рӯзномаи «Ҷумҳурият» иттилоъ дод. Бино ба маълумоти манбаъ, дар ин машқҳо ҳайати шахсии Қӯшунҳои хушкигард, Қувваҳои ҳарбӣ - ҳавоӣ ва мудофиаи зиддиҳавоӣ, ҳайати шахсии Қӯшунҳои зудамали Артиши миллӣ, Қӯшунҳои дохилии Вазорати корҳои дохилӣ, Гвардияи миллӣ, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иштирок менамоянд. Дар ин размоиш чархболу ҳавопаймо, парашутистҳо ва дигар силоҳу муҳимоти ҷангӣ истифода мешавад.

муфассал

 

КОРРУПСИЯ. ДАР СОҲАҲОИ МАОРИФ ВА ТАНДУРУСТӢ БЕШТАР БА ОН ДАСТ ЗАДААНД

09 08 2019

 

Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар самти муқовимат бо коррупсия, назорати истифодаи мақсадноки маблағҳои буҷетӣ, пешгирӣ ва ошкор намудани ҷинояту ҳуқуқвайронкуниҳои коррупсионӣ, риояи ҳуқуқу озодиҳои инсон ва шаҳрванд дар нимсолаи аввали соли ҷорӣ як қатор корҳои муҳимро ба сомон расондааст.
Бино ба иттилои Сулаймон Султонзода, директори агентӣ, воҳидҳои ҳифзи ҳуқуқи ин ниҳод дар шаш моҳи аввали соли равон 1370 ҷинояти коррупсионӣ, иқтисодии хусусияти коррупсионидошта ва ҷиноятҳои ба андоз алоқамандро ошкор намудаанд, ки 375 адади он ба гурӯҳи ҷиноятҳои вазнин шомиланд. Муфаттишони агентӣ дар ин давра 525 парвандаи ҷиноятиро ба пешбурд қабул намуда, тафтиши пешакии 373 адади онро нисбат ба 466 нафар ба анҷом расонданд. Аз шумораи умумии парвандаҳои ҷиноятии ба анҷом расондашуда 306 парванда нисбат ба 383 айбдоршаванда бо тасдиқи фикри айбдорӣ барои баррасӣ ба судҳо ирсол карда шуд.
Дар нимсолаи аввали соли равон ҷиҳати пешгирии ҷиноятҳо ва ҳуқуқвайронкунии коррупсионӣ аз ҷониби кормандони агентӣ 823 ҳуқуқвайронкунии маъмурии хусусияти коррупсионидошта ошкор ва нисбат ба шахсони ба қонуншиканиҳо роҳдода ба маблағи 867 ҳазор сомонӣ ҷарима татбиқ гардид. Ҳамзамон, ҷиҳати бартараф намудани омилҳои коррупсионӣ ва шароитҳои ба онҳо мусоидаткунанда аз ҷониби кормандони агентӣ 952 пешниҳод ирсол гардида, бо натиҷаи баррасии онҳо нисбат ба 257 нафар огоҳӣ, 244 сарзаниш, 287 танбеҳ татбиқ гардида, 111 нафари дигар аз вазифаҳои ишғолнамуда озод карда шуд.

муфассал

 

Дарунмояи андешаи миллӣ

02 08 2019

240Ҳар қадар ки аз соли 1997 - соли мубораки имзо шудани Созишномаи умумии истиқрори сулҳ ва ризоияти миллӣ бо ҳукми таърих дуртар биравем, ҳамон андоза арзиши таърихии он барои миллат ва давлати Тоҷикистон бештар ва амиқтар дарк мешавад. Инак, тӯли 22 сол аст, ки дар мамлакат ваҳдати миллӣ ва ҳамбастагии мардум ба маънои томаш татбиқ шудааст.

Бо даргузашти вақт ваҳдат ҳамчун идеяи муттаҳид намудани миллат ба яке аз рукнҳои асосии андешаи миллӣ ва идеологияи миллӣ табдил ёфт ва ин раванд комилан табиист. Зеро ба ҷуз ваҳдати миллӣ ғояи фарогиртаре, ки тамоми қишрҳои ҷомеаро ба ҳам оварда ва барои расидан ба зиндагии шоиста дар ҷомеаи қонунсолорӣ мусоидат мекарда бошад, вуҷуд надорад. Нақши дин, бахусус мазҳаби ҳанафии он, ки кулли мардуми тоҷик шарафи пайравии онро доранд, дар ташаккул ва устувории ваҳдат хеле бузург аст, балки метавон гуфт, ки бидуни эътирофи арзишҳои динӣ дар ин масъала худи ғояи миллӣ ё андешаи миллӣ побарҷо буда наметавонад. Ин аст, ки ваҳдатро бе арзишҳои дин ва ҳам бе арзишҳои давлатдории миллӣ тасаввур кардан номумкин аст.

муфассал

 

ЭЪТИРОФ. ТОҶИКИСТОН ДАР МУБОРИЗА БО ТЕРРОРИЗМ ПЕШОҲАНГ АСТ

02 08 2019

 

Дар пасманзари иқдомҳои ахири давлати соҳибистиқлоли мо вобаста ба тақвияти муборизаи муштараки ҷомеаи ҷаҳонӣ алайҳи терроризму экстремизм мешавад ба ин  натиҷа  расид,  ки  Ҷумҳурии  Тоҷикистон дар  шахси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як кишвари пешоҳанг дар ҳалли муҳимтарин масоили байналмилалист.

Конфронси байналмилалии сатҳи баланд таҳти унвони «Муқовимат бо терроризм ва ифротгароии хушунатомез», ки моҳи майи соли ҷорӣ бо ташаббуси Ҳукумати Ҷумҳурии Тоҷикистон ва мушорикати Созмони Милали Муттаҳид, Созмони Амният ва Ҳамкорӣ дар Аврупо ва Иттиҳоди Аврупо дар шаҳри Душанбе баргузор гардид, далели ин гуфтаҳост. Ин ҳамоиши сатҳи баланд, ки беш аз 400 намоянда аз 48 кишвари ҷаҳон ва 31 созмони байналмилаливу минтақавиро гирди ҳам овард, муҳимтарин масъалаҳои вобаста ба таҳкими мубориза бо ин зуҳуроти номатлуби ҷаҳони муосирро мавриди баҳсу баррасӣ қарор дод. Ҷумҳурии Тоҷикистон бо мизбонии ин конфронси байналмилалӣ бори дигар аз худ ҳамчун мамлакати ҷонибдори сулҳу субот дар саросари олам мужда дод, ки ин амр эътирофи намояндагони воломақоми идораҳои сиёсати хориҷӣ ва дигар сохторҳои соҳавӣ баъд аз иштирокашон дар ин нишаст аст.
Воқеан зуҳури гурӯҳҳои террористиву ифротгаро дар чанд соли охир вазъи ҷаҳони муосирро печида намуда, ҳатто ба рӯи муносибати қудратҳои ҷаҳониву кишварҳои алоҳида соя афкандааст. Мо шоҳиди танишҳои бесобиқае дар Ховари Миёна ҳастем, ки бар асари тавсеаи фаъолияти гурӯҳҳои террористӣ ба зуҳур омада, рӯзгори мардуми замоне осоиштаро ба куллӣ хароб кардаанд. 

муфассал

 

ИФРОТГАРОӢ. ТО КУҶО ДАР МУБОРИЗА БО ОН МУВАФФАҚ ШУДЕМ?

23 07 2019

- Адабиёти классикии мо дар ҳама даврони таърихӣ, ҳатто дар вазъҳои басо мураккабу душвор низ алайҳи зулм, истисмор, қатл, ғорат, озор, даҳшатафканӣ вазифаву рисолаташро бисёр олӣ ба ҷо овардааст. Бешак, аз ин мавқеъ ё худ башардӯстии он, дигар адибони ҷаҳон дар баробари истифодаву интихоб, инчунин, онро бо як муҳаббати хос тавсиф намудаанд. Мутаассифона, адабиёти муосир, на танҳо адабиёти миллии мо, балки дигар адабиёти миллатҳои ҷаҳон, дар ҳоле ки башар аз терроризму экстремизм хавфи зиёд дорад, вазифаву рисолати худро дар ин маврид он гуна, ки бояд, ба андешаи инҷониб, пурра ва дуруст ба ҷо наовардааст. Чаро? Чӣ монеаҳо: табииву сунъӣ сабаб гардидаанд? Адабиёти муосири тоҷик, дар ҳама намуди навъҳои адабӣ, чӣ корҳоеро ба анҷом расонда ва мерасонад? Чӣ бояд кард, то адибони тоҷик дар ин мавзӯъҳои муҳимтарини давр асар эҷод бикунанд, ки дар коҳиш ёфтани падидаҳои номатлуби даҳшатзо мусоидат бинамоянд? Вобаста ба ҳалли ин масъала ва мушкилоти мазкур баргузории ҳамоишҳо бо адибони ҷаҳон метавонад таъсири нек бигузорад? Дар сурате, ки бо истифода аз имконоти техника ва технологияҳои муосир ин вабои аср ба ҳар як хонадони сайёра роҳ меёбад, адабиёт, мурод, албатта, адибон аст, дар муқобили он чӣ корҳоеро бояд ба фарҷом бирасонанд? Бо таъкиди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазъи сиёсии ҷаҳон дар ду - се соли оянда мураккаб ё худ бад мегардад. Адабиёти дунё, хосса адабиёти миллии мо, дар ин ҳол то куҷо метавонад вазифаву рисолаташро иҷро бинамояд? Ва, албатта, чӣ тавр?
Хабарнигори рӯзномаи «Ҷумҳурият» Абдулқодири Раҳим барои посух гирифтан ба ин пурсишҳо ба чанд тан аз аҳли адаб ва муҳаққиқони соҳа муроҷиат намуд.

муфассал

 

Ҷалби фарзандони афсарон ба фароғатгоҳи “Баҳор”

23 07 2019

Дар доираи иҷрои дастуру супоришҳои сарвари давлат, дар самти фароҳам овардани ҳама шароитҳо барои истироҳату фароғати кӯдакону наврасон дар давраи таътили тобистона масъулини Вазорати мудофиаи кишвар тадбирҳои зарӯриро роҳандозӣ менамоянд.

Вазорати мудофиаи Ҷумҳурии Тоҷикистон бо назардошти хизматҳои содиқонаи афсарон, фарзандони онҳоро ҳамасола дар айёми таътили тобистона ба фароғатгоҳи “Баҳор”, ки дар тобеяти ин ниҳоди қудратӣ амал мекунад ва дар он ҷо тамоми шароитҳои зарурӣ баҳри истироҳату фароғат муҳайё гардонида шудааст, ҷалб менамояд.

муфассал

 

Дар пойгоҳи Вазорати мудофиаи Ҷумҳурии Тоҷикистон ҷамъомади таълимӣ-методӣ гузаронида шуд

09 07 2019

Дар доираи иҷрои дастуру супоришҳои Асосгузори сулҳу ваҳдати миллӣ, Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон  муҳтарам Эмомалӣ Раҳмон ва дар асоси нақшаи чорабиниҳои  Вазорати мудофиаи  мамлакат  5-6 июл дар пойгоҳи Вазорати мудофиаи Ҷумҳурии Тоҷикистон бо иштироки роҳбарони мақомоти марказии ҳокимияти давлатии Ҷумҳурии Тоҷикистон ҷамъомади таълимӣ-методӣ доир гардид. Дар ин бора ба  АМИТ  «Ховар» сардори Маркази матбуоти Вазорати мудофиаи Ҷумҳурии Тоҷикистон  подполковник Ориф Нозимиён иттилоъ дод.

Тибқи иттилои сарчашма, котиби Шӯрои амнияти ҷумҳурӣ Маҳмадалӣ Ватанзода   доир ба самтҳои афзалиятноки  ҳамкорию  ҳамоҳангсозии  мақомоти  давлатии Ҷумҳурии Тоҷикистон сухан карда, баргузории ҷамъомади таълимӣ-методӣ ва  дигар масъалаҳои амниятиро, ки дар замони осоишта ва ҳолати ҷанг муайян ва танзим мешаванд, бисёр муҳиму  саривақтӣ арзёбӣ намуд.

муфассал

 
<< Start < Prev 1 2 3 4 5 6 7 8 9 10 Next > End >>

Page 2 of 13