Public relations

АЪМОЛИ НАҲЗАТИЁН ЗИДДИ ИСТИҚЛОЛИЯТИ МИЛЛИСТ

29 08 2018

Барои мардуми фурӯхташудаву хоин, ки асли арзиши онҳоро пул ташкил медиҳад, ҳеҷ гуна муқаддасот ва арзиш вуҷуд надорад. Онҳо ғуломи пулу сармоя гашта, фақат ба роҳи тавтеаву дурӯғпардозӣ бо мафҳумҳое, ки арзишҳои баланди инсониро ифодагаранд, бозӣ мекунанд. Ин нукта бевосита ба фирориёни дар хориҷ паноҳбурдаи ташкилоти террористӣ - экстремистии Ҳизби наҳзати исломӣ марбут аст. 
Ин гурӯҳи авомфиреб, ки бозичаи дасти бегонагонанд, барои таъсир расондан ба мафкураи мардум ва бесубот кардани вазъи иҷтимоӣ дар дохили кишвар аз хоҷагони берунаашон пулу сармоя меситонанд ва мехоҳанд ҳадафу мақсадҳои нопоки онҳоро бароварда кунанд. Ҳанӯз дар оғози Истиқлолияти давлатӣ саркардагони ин ҳизби террористӣ бо пулу сармояи хоҷагони хориҷиашон ба сари мардуми тоҷик бадбахтии азимеро оварданд, ки боиси ҳалокати беш аз 150 ҳазор одамон гардид. Кишварро харобу валангор намуда, давлатро дар садади нобудӣ қарор доданд. Барои ин гурӯҳ на истиқлолият, на давлат ва на миллат арзиш надоранд. Барои инҳо танҳо як арзиш - ба нархи ҷони дигарҳо ва ба нархи давлату миллат ба даст овардани сармоя ва иҷро кардани ҳадафҳои сармоягузор аст. Ҳарчанд дар расонаҳои хеш ин гурӯҳ даъво доранд, ки гӯё инсонҳои озода ва аз ҳеҷ кас вобаста нестанд  ва танҳо ба хотири дифоъ аз арзишҳои миллӣ корҳоеро анҷом медиҳанд, аммо ин танҳо сароб, дурӯғ ва тавтеа асту бас. Пушти даъвои ҳангомаҳои ин гурӯҳи шайёд пулу манфиатҳои бегона қарор мегирад. 

муфассал

 

НАҲЗАТ ВА "ДАВЛАТИ ИСЛОМӢ" - ДУ ҶОДАИ ЯК ПАЙМОН!

27 08 2018

Нимаи дуюми рӯзи 15 августи соли равон, шаҳри Кобул – пойтахти Ҷумҳурии Исломии Афғонистонро таркиши мудҳишу ҷонхароше такон дод. Ин таркиш дар маркази таълимии «Мавъуд» ба вуқӯъ пайваст, ки садҳо наврасу кӯдак машғули омӯзишу таълим буданд. Инфиҷор боис ба марги 65 нафар донишомӯз ва захмию маҷрӯҳ шудани зиёда аз 70 нафари дигар гардид. Дар он аксаран наврасону ҷавононе ба қатл расиданд, ки барои талаби илму ирфон, донишу маърифат ва хату савод омада буданд. Яъне, ин нафарон барои иҷрои яке аз фаризаҳои дини мубини ислом, ки талаби илм аст, аз манзилу кошонаҳои худ ба дар шуда, роҳи маркази «Мавъуд» - ро пеш гирифта, аснои иҷрои фарзи Илоҳӣ аз ҷониби нафароне, ки худро пайрави Худову Расул мешуморанд, ба таври ваҳшиёна қатл шуданд. 
Баъд аз ин ҳодиса, хонаву кошонаи волидони кушташудаҳо андуҳкада шуда, тарс дар тиннати зану мард ва наврасону кӯдакони афғон боз аланга гирифт. Ғолибан, ин амали даҳшатбор роҳҳоро барои омӯзишу таълим ва саводнок намудани наврасону ҷавонон боз ҳам масдуд хоҳад кард. Зеро дар шароити кунунии Афғонистон рафтан ба мактаб ва омӯзиши илму адаб ба маънои омодагӣ ба марг маҳсуб мешавад. Чунки ҳамасола дар мактабу дабистон ва донишгоҳҳо садҳо донишомӯзу донишҷӯ ба қатл мерасанд. 

муфассал

 

Омилҳои шомил шудан ба гурӯҳҳои ифротиро решакан бояд кард

23 08 2018

194Дар Паёмҳои ҳарсолаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва суханрониҳои ӯ дар мулоқот бо аҳли зиё ва ҷавонони кишвар дар бораи пешгирӣ намудани шомилшавии шаҳрвандон, бахусус ҷавонон, ба ҳаракатҳои ифротгарою террористӣ ва мазҳабу равияҳои бегона ба хотири ҳифзи суботу амнияти ҷомеа ва рушди давлати миллӣ дар фазои осоишта таъкид гардидааст. Яке аз чунин ҳаракатҳои ифротгароӣ дар заминаи эътиқодҳои динии амалкунанда, ки имрӯз аз ҷониби аксар давлатҳои хориҷӣ ба кишварҳои тозаистиқлоли Осиёи Марказӣ интиқол ёфта, имконияти дар оянда вайрон кардани мувозинати динию мазҳабӣ, вазъи сиёсию идеологӣ ва суботу амнияти ҷомеаро дорад, ин сепаратизм, радикализм, фундаментализм, экстремизм ва терроризми бо ном «Давлати исломӣ» (ИГИЛ) мебошад, ки дар ҷаҳони муосир имрӯз ҳамчун равияҳои тундрав шинохта шудаанд.

Аслан сепаратизм ба фаъолияти халқҳои алоҳида алоқаманд буда, тавассути ғояи содир кардани ҳаракатҳои озодихоҳӣ дар амал тадбиқ мегардад. Радикализм танҳо ба воситаи созмон додани иттиҳодияҳои сиёсӣ, ҳарбӣ ва ангезаҳои сиёсӣ ба мубориза бармехезад. Фундаментализм бошад, тавассути фаъолияти ташкилотҳои динӣ оид ба нигоҳ доштан ва тарғибу ташвиқи ҷараёнҳои гуногуни динҳои дунявӣ алоқаманд мебошанд. Мисоли оддӣ, ин фундаменталистҳои дини ислом ба ҳисоб рафта метавонанд, ки аксари ҷавонони имрӯзаи моро бо сабабҳои гуногуни иҷтимоӣ, иқтисодӣ ва паст будани маърифати ҳуқуқӣ, ҳамзамон бемаҳдуд машғул гардидани ҷавонон ба шабакаҳои интернетӣ ва аз тарбия дур гардидани волидон, оила ва ҷомеа ба ҳисоб меравад, ки бархе ҷавонони моро ба доми худ кашида, шомили ҳар гуна ҳаракату созмонҳои экстремистиву террористии зерин мегарданд:

муфассал

 

ИТТИЛОИЯ

23 08 2018

20 август дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд.
Дар маҷлис ҷараёни иҷрои дастуру супоришҳои Президент, татбиқу дар амал ҷорӣ кардани қарорҳои Ҳукумати Ҷумҳурии Тоҷикистон ва рафти корҳои ободонию созандагӣ баррасӣ гардиданд.
Президенти мамлакат Эмомалӣ Раҳмон нахустин сафари давлатии худро дар Ҷумҳурии Ӯзбекистон, ки бо натиҷаҳои неку назаррас ва бобарор барои рушду густариши муносибатҳои дӯстӣ, бародарӣ, ҳамкорӣ ва ҳамсоягӣ анҷом ёфт, натиҷагирӣ карданд.
Таъкид гашт, ки ин сафар бо натиҷаҳои пурсамар дар таърихи муносибатҳои ду кишвари ҳамсоя бо ҳарфҳои заррин навишта мешавад. Яке аз натиҷаҳои пурарзиш ба сатҳи шарикии стратегӣ баромадани Тоҷикистону Ӯзбекистон мебошад.
Сафарҳои давлатии ҷавобии сарони давлатҳо, имзои санадҳо, баргузории бизнес - форумҳо, намоишгоҳҳои маҳсулоти саноатии кишварҳо, барномаҳои фарҳангии «Шоми дӯстӣ» дар ҳар ду давлат, кушодани 16 гузаргоҳи сарҳадии байниҷумҳуриҳо, барқарор кардани алоқаи ҳавоӣ, роҳҳои мошингузар, фаъолияти назарраси комиссияҳои байниҳукуматии Тоҷикистону Ӯзбекистон оид ба ҳамкории тиҷоратию иқтисодӣ ва боз дигар омилҳо имкон фароҳам оварданд, ки халқи тоҷику ӯзбек боз ба ҳам оянд, рафтуомади хешутабориро мустаҳкам намоянд.

муфассал

 

ТТЭ ҲНИ ВА ҚАТЛИ СОБИҚ ПРОКУРОРИ ГЕНЕРАЛӢ

23 08 2018

 

Дар замони даргириҳои таҳмилии Тоҷикистон куштори мардуми бегуноҳ, тарафдорони сохти конститутсионӣ, арбобони давлативу ҷамъиятӣ ба авҷи аъло расида буд. Намояндаи мардумии ҷумҳурӣ, ҷавонмарди асил, тимсоли ҳақиқату адолат, собиқ Прокурори генералии Ҷумҳурии Тоҷикистон Нурулло Ҳувайдуллоев низ аз ҷониби қотилону ноҷавонмардони ташкилоти террористӣ - экстремистии Ҳизби наҳзати исломӣ ваҳшиёна ба қатл расонда шуд. 
Рӯзи 24 августи соли 1992 тахминан соати 7:50 дақиқа гурӯҳи силоҳбадаст собиқ Прокурори генералӣ Нурулло Ҳувайдуллоевро дар роҳ ба сӯи коргоҳ боздошта, ӯ ва ронандаашро аз мошин берун бароварданд. Сипас, амр карданд, ки Ҳувайдуллоев ба зону нишинад. Вақте ки аз прокурор ҷавоби рад гарифтанд, ба зонуяш чанд тир заданд. Баъди ба замин афтидан ҳам ӯро тирборон намуданд. Ташхис нишон дод, ки ба тани Н. Ҳувайдуллоев беш аз 20 тир задаанд. Қотилон баъди чанд муддат дастгир шуданд, ки инҳо Раҳим Нуруллобеков ва Давлатбек Маҳмудов буданд. Санаи 26 ноябри соли 1993 ҳар ду сазовори ҳукми қатл дониста шуданд.
Вале, қотилони аслӣ, роҳнамо, маблағгузору сарпарастон аз назарҳо дур ва зери парда монданд. Чандин сол дар бораи сабабу омилҳои куштори Нурулло Ҳувайдуллоев дар воситаҳои ахбори оммаи дохиливу хориҷӣ андешаҳои гуногун пайдо шуданд. Гуфта мешуд, ки яке аз собиқ қумондонҳои саҳроии сатҳи миёнаи Иттиҳоди неруҳои мухолифони тоҷик Абдулвосит Латипов, маъруф ба «Қорӣ Восит» дар ин куштор даст дорад. Гурӯҳи «Қорӣ Восит» зери «чатр» - и ТТЭ ҲНИ дар содир кардани 25 амали террористӣ, ки боиси марги 40 нафар гардид, гумонбар дониста мешуд ва яке аз он қатли Прокурори генералии Тоҷикистон Нурулло Ҳувайдуллоев ба шумор мерафт.

муфассал

 

Хатари ҳизбҳои динӣ ба давлатдории миллӣ

16 08 2018

137Таҷрибаи чандин кишварҳое, ки дар онҳо ҳизбҳои динӣ бо номҳои гуногун амал мекунанд, исбот кардааст, ки ҳеҷ пешравие дар он мамолик ба «шарофати» он ҷунбишҳо ва ҳизбҳои дорои идеологияи динӣ ба вуҷуд наомадааст. Баръакс, миёни худи ин иттиҳодияҳои сиёсӣ гоҳо хушунату тазод барои ба даст овардани ҳокимияти сиёсӣ ба авҷи аъло расида, дар маҷмӯъ, монеаи рушди бомароми он давлатҳо гардидааст.

Аз ҳама мисоли рӯшан Афғонистон аст, ки тӯли беш аз 40 сол мардумаш аз гирудорҳои сиёсатмадорони дорои платформаҳои мухталифи динӣ ранҷи бениҳоят мекашанд. Либия, Судону Ироқ, Сурияву Филиппин, Тунис ва бисёре аз мамолики Африқои Шимолӣ тӯли солҳои зиёдест, ки ноором буда, равиши муътадили пешрафтҳои худро аз даст додаанд. Омили асосии ин навъ носозгорӣ дар муборизаи ҳизбҳои динист, ба ин маъно, ки ақаллияте бо идеологияи динӣ мехоҳад мафкураи худро ба аксарият бор кунад, азбаски дар муборизаи табиӣ тавассути интихобот дасти қудрат намеёбанд, ночор роҳи муборизаи ғайриқонунӣ – бо ташкили табаддулоту шӯришҳо кӯшиши сари ҳокимият омадан мекунанд.
Таҷрибаи Тоҷикистон мисоли равшани ин гуна шакл гирифтани ҳодисаҳост. Ташкилоти экстремистию террористии ҲНИТ беш аз 40 сол дар саҳнаи сиёсати Тоҷикистон амал кард. Ҳанӯз аз солҳои 70-уми асри гузашта, ба эътибори иқрори худи масъулини ин ҳизби манъшуда, наҳзатиён мавзӯи сари ҳокимият омадан ва табдили давлати дунявиро ба давлати сирф динӣ дар ҷомеа матраҳ мекарданд. Баъди анҷоми муноқишаҳои дохилӣ ин ҳизб парлумонӣ гардид, аммо набудани имконоти сари қудрат омадан тавассути интихобот оқибат ниқоб аз чеҳраи аслии мақсуди онҳоро кушод. Охирин шонси наҳзатиён табаддулот буд, ки билохира дар он шикаст хӯрданд. Чунин хулоса мешавад, ки сенарияи баъзе кишварҳои хориҷӣ оид ба ташкили табаддулот тавассути неруҳои харобкори ифротӣ дар Тоҷикистон амалан татбиқ нагардид.

муфассал

 

Иди касбии десантчиёни тоҷик муборак!

10 08 2018

Қабл аз оғози чорабинии бошукӯҳи идона ба ифтихори иди касбии десантчиён ё худ 21-умин солгарди таъсисёбии Бригадаи ҳамлаовари десантӣ-зарбавии Қӯшунҳои зудамали Қувваҳои Мусаллаҳи Ҷумҳурии Тоҷикистон нахуст аз ҷониби масъулини Вазорати Мудофиа, Раёсати Қӯшунҳои зудамал, собиқадорон ва дигар меҳмонони чорабинӣ ба пояи лавҳаи хотиравии шаҳидон ё худ хизматчиёни ҳарбии ҳангоми адои хизмат фавтида, гулчамбар гузошта шуд.

Дар оғоз ҳамчун рамзи соҳибдавлатӣ, мустақилияту ягонагӣ, арҷгузорӣ ба муқаддасоти милливу давлатӣ ва дар ин замина ҳамеша омода будан ба ҳимояи марзу буми сарзамини аҷдодӣ дар баробари родмардони десантчии ватан дигар иштирокчиёни ҷамъомад низ Суруди миллии Ҷумҳурии Тоҷикистон-ро қироат намуданд.

Дар ҷараёни баругузории ин чорабинии идона афсарони олирутбаи Вазорати мудофиа, ҳайати фармондеҳии Қӯшунҳои зудамали Қувваҳои Мусаллаҳи Ҷумҳурии Тоҷикистон, собиқадорони соҳа, ҷанговарони башардӯст, падару модарони сарбозон ва он ҷавононе, ки ҳангоми даъват ба сафи Артиши миллӣ дар сафи ҷузъу томҳои десантӣ хизмат намудаанд, ширкат доштанд. Ин гурӯҳи ҷавонони соҳибҷашн ва тамоми ҳайати шахсии десантчиёнро меҳмонон ва дигар иштирокчиёни чорабинӣ ҳар яке зимни баромади худ ба муносибати иди касбиашон самимона табрик гуфта, ба онҳо дар пешбурди фаъолияти пурмасъули хизматиашон дар самти ҳифзи ватан, ҳимояи дастовардҳои миллӣ ва таҳкими истиқлолияти давлатӣ муваффақиятҳо таманно намуданд. Ҳамзамон бо ба ёд овардани воқеаву рӯйдодҳои сиёсии солҳои аввали соҳибистиқлолӣ, баромадкунандагон саҳми ин қувваи бузурги ҳарбиро дар таъмини амнияти давлату миллат муҳим ва басо самарабахш арзёбӣ намуданд.

Афсарону сарбозони Бригадаи ҳарбии десанчиёни Вазорати мудофиа, ки дар навбати аввал захираи эҳтиётии Сарфармондеҳи Олии Қувваҳои Мусаллаҳро ташкил медиҳанд, дар пуштибони ба сиёсати давлату ҳукумат ва дар самти дастгирии Пешвои миллат, муҳтарам Эмомалӣ Раҳмон нисбат ба хизматчиёни ҳарбӣ баромад намуда, таъкид карданд, ки то охирин нафас ба халқу Ватан ва Президент содиқ мемонанд.

муфассал

 

МИСР ВА ТОҶИКИСТОН ДАР МУБОРИЗА БО СОЗМОНҲОИ ТЕРРОРИСТӢ

08 08 2018

Конфронси илмӣ-тадқиқотӣ оид ба фаъолияти  Ҳизби наҳзати исломӣ ва «Ихвон-ул-муслимин»  1-уми август дар  шаҳри Қоҳира зери сарпарастии пажӯҳишгоҳҳои давлатии илмӣ - тадқиқотии Ҷумҳурии Арабии Миср – Шӯрои Миср оид ба корҳои хориҷӣ, Форуми мисрӣ дар масъалаҳои ВАО, Маркази тадқиқоти сиёсӣ ва хабарии «Ҳивор» ва Намоишгоҳи баҳрӣ доир гардид.

Конфронс зери унвони «Миср ва Тоҷикистон дар мубориза бар зидди созмонҳои террористӣ. Омӯзиши тафсилии фаъолияти «Ихвон – ул - муслимин» ва ташкилоти террористию экстремистии Ҳизби наҳзати ислом» сурат гирифт. Дар рафти он таърихи созмонҳои террористии «Ихвон – ул - муслимин» ва ҲНИ, шабоҳати вазъи ду кишвар, муштаракот ва ягонагии ин созмонҳои террористӣ, ки кӯшиши ноором сохтани суботи ҳам Миср ва ҳам Ҷумҳурии Тоҷикистонро доранд, дастгирӣ ёфтани ин ташкилотҳо аз ҷониби Ҷумҳурии Исломии Эрон, масъалаҳои мубориза ва ҳамкорӣ бар зидди терроризм дар Миср ва Тоҷикистон баррасӣ гаштанд.
Дар ҷараёни конфронс аксҳои воқеии амалҳои террорис-тии ҲНИ, аз ҷумла ҷиноятҳои сангини содиркардаи он дар давраи ҷанги шаҳрвандӣ, ошӯби гурӯҳи Ҳоҷӣ Ҳалим ва кушта шудани сайёҳони хориҷӣ дар ноҳияи Данғара, инчунин, филми мустанади «Решаҳои ноаён» дар бораи фаъолияти тахрибкории Ҷумҳурии Исломии Эрон дар Тоҷикистон намоиш дода шуданд.

муфассал

 

МУҲОФИЗОНИ ОСМОНИ СОФ

06 08 2018

Ҳамасола чун анъана якшанбеи савуми моҳи август ҳамчун рӯзи Қувваҳои ҳарбӣ-ҳавоӣ ҷашн гирифта мешавад. Имсол ҳайати шахсии он ҷашни касбиашонро дар доираи чорабиниҳои андешида ва татбиқ намудани таъкиду нишондодҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соли 25-солагии ташкилёбии Қувваҳои Мусаллаҳи Ҷумҳурии Тоҷикистон, 25-солагии ташкилёбии Қувваҳои ҳарбӣ-ҳ авоӣ ва омодагиҳо ба 27- солагии Истиқлолияти давлатии кишвар истиқбол гирифта истодаанд.

Таъсисёбии ҚҲҲ ба таърихи Истиқлолияти давлатӣ ва Қувваҳои Мусаллаҳи Тоҷикистон алоқаи зич дорад. Қувваҳои ҳарбӣ-ҳавоӣ соли 1993 қариб, ки аз сифр-дар асоси қисмҳои ҳарбии харобу фалаҷгаштаи собиқ артиши Шӯравӣ, ки дар кишварамон мустақар буданд, таъсис дода шуда, ҳамагӣ бо якчанд чархболи ҷангию шумораи камтарини ҳайати шахсӣ ба иҷрои вазифаҳои хизматии худ шуруъ карда буданд. Парвози аввалини авиатсияи ҳарбии тоҷик дар фазои кишвар таҳти сарпарастии генерал-майори авиатсия В.М.Грудына моҳи марти соли 1993 амалӣ гардида бу.

муфассал

 

ИФРОТГАРОИИ ДИНӢ. ҲАДАФИ ОН ТАФРИҚААНДОЗӢ МИЁНИ МАРДУМ АСТ

03 08 2018

Ифротгароӣ яке аз зуҳуроти номатлуби замони муосир ба шумор меравад. Зуҳуроти мазкур боиси ба миён омадани оқибатҳои нохуш - таҳдид ё истифодаи зӯроварӣ, расондани зарар, таҷовуз, бенизомӣ, тағйири сохти конститутсионӣ дар ин ё он мамлакат, ғасби ҳокимият ва аз худ кардани ваколатҳои он, барангехтани низои миллӣ, иҷтимоӣ ва динӣ мебошад.

Терроризм бошад, ин содир намудани амалҳое мебошад, ки таҳдид ба марг намуда, истифодаи он мақсади ҷисман бартараф кардани рақибони сиёсӣ, вайрон кардани бехатарии ҷамъиятӣ, тарсондани аҳолӣ ё расондани таъсир барои аз тарафи ҳокимият қабул кардани қарорҳо мебошад. Зӯроварӣ, зулм, фишор, таҳқир ва паст задани шаъну шарафи инсон, хусусан гурӯҳҳои дигари этникӣ аз ҷониби ҷомеа ва давлат мумкин аст, эътирозро ба вуҷуд оварад, ки он ба ифротгароӣ сабзида расад. 
Таъкид кардан зурур аст, ки дар шароити кунунӣ намудҳои гуногуни ифротгароӣ аз худ дарак додаанд, ки дар байни онҳо ифротгароии динӣ мақоми махсусро ишғол менамояд. Ифротгароии динӣ дар худ динро ниқоб интихоб менамояд. Мақсади онҳо зӯран ғасб намудани ҳокимият, халалдор кардани истиқлолият ва якпорчагии давлат, бо ин мақсад барангехтани душманӣ ва бадбинии динӣ дар ҷомеа равона шудааст.

муфассал

 

ВАТАН ВА САДОҚАТИ РОСТИНИ ФАРЗОНАФАРЗАНДОНИ МИЛЛАТ

03 08 2018

Дар муассисаҳои таҳсилоти олии касбӣ ба ҷараёни корҳои тарбиявӣ  эътибори хосса дода мешавад. Чунки тарбия падидаи иҷтимоӣ, фарҳангӣ, психологӣ ва педагогӣ буда, барои танзими ҳаёти инсон ва пешрафти ҷамъият хизмат менамояд. Махсусан, эътимод ба Ватан ва дар ин замина ободу шукуфон гардондани он бояд таълим дода шавад. Адиби маъруфи тоҷик Саттор Турсун дар ин маврид навиштааст: “Ватанро дӯст доштан кам аст, ба вай эътибор додан ҳам хидмати чандон кироӣ нест. Маҳаки ростини садоқат ба Ватанро танҳо аз мағзи эътимод меёбем”.
Даргириҳои сиёсии кишвар дар солҳои 90 - уми асри гузашта бори дигар аҳамияти эътимод ба Ватанро собит сохт. Маҳз пойдории  ваҳдат дар охири ҳамон солҳо ба халқи мо бахту саодат овард, мамлакатро орому осуда, мардумро хурраму хушрӯзгор сохт. Камоли ифтихор аст, ки Асосгузори сулҳу ваҳдати миллӣ - Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон дар он замони ноором пурра ба ояндаи кишвари ҷангзада бовар кард. Бисёриҳо бовару эътимодро ба Ватан тамоман фаромӯш карда, ҳатто вазифаҳои давлатию ҷамъиятиро бар дӯш нагирифтанд. Аммо дили рӯшану хушбовари Пешвои миллат ба некӣ метапид, медонист, ки Тоҷикистон ба зудӣ аз гирдоби ҷанг раҳоӣ меёбад.
Боз ҳам бо бовар ҳангоми сухарони-ҳояшон чандин маротиба аз минбарҳои баланди СММ ва дигар созмонҳои бонуфузи байналмилалӣ таъкид намуданд, ки Тоҷикистон ва тоҷикистониён дар ҳама давру замони давлатдориашон зидди зуҳуроти терроризм ва экстремизм буданд ва ҳастанд. Ҷангу пархош ба сиришти тоҷикон бегона аст. Аз ин рӯ, ҳоло, Тоҷикистонро дар арсаи байналмилалӣ дар самти мубориза бар зидди зуҳуроти терроризм ва экстремизм чун як иштирокчии фаъол мешиносанд ва арзёбӣ мекунанд.

муфассал

 

ҲНИ - РЕШАПАЙВАНДЕ БО ТЕРРОРИЗМ

03 08 2018

Тайи чанд соли охир дар бархе аз кишварҳои ҷаҳони ислом, хусусан давлатҳои арабӣ - Сурия, Ироқ, Яман ва Афғонистон, амалҳои террористӣ содир шуда истодаанд. Бар асари ин вазъи сиёсӣ дар ин кишварҳо ҳанӯз ҳам ноором буда, мардуми осоишта қурбони амалҳои гурӯҳҳои террористӣ ва ифротӣ мегарданд. Хусусан зуҳури гурӯҳи «давлати исломӣ» барои амнияти минтақа ва ҷаҳон  таҳдидҳои навро эҷод кардааст.Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикис- тон муҳтарам Эмомалӣ Раҳмон дар маросими ифтитоҳи Конфронси байналмилалии сатҳи баланд дар мавзӯи “Муқовимат бо терроризм ва ифротгароии  хушунатомез”, ки  4  майи соли ҷорӣ дар шаҳри Душанбе баргузор гардид, иброз доштанд, ки Ҷумҳурии Тоҷикистон аввали солҳои 90 -уми асри XX - ҳанӯз дар оғози бунёди давлати соҳибихтиёрӣ худ ҳадафи амалҳои тахрибкоронаи террористону ифротгароён бо дастгирии хоҷагони хориҷии онҳо қарор гирифт. Дар он айём ниҳодҳои терроризми байналмилалӣ ва ифротгароён кишвари моро ба саҳнаи озмоиши қудрати маргбори худ ва ҳадафи ғаразҳои зиддиинсонӣ табдил дода буданд. Он замон Тоҷикистон ба ҳамаи он ҳодисаҳои фоҷиаборе, ки имрӯзҳо дар Ироқу Сурия, Яману Афғонистон мушоҳида мешаванд, рӯ ба рӯ шуда буд. Ҳадаф ва нақшаҳои пасипардагиву ғаразноки саркардаҳои аслии он ки аз ғояҳои ифротгароӣ ва террористӣ сарчашма мегирифтанд, бо роҳи зӯрӣ ва қатлу куштор ба сари мардум таҳмил кардани фарҳанги бегонаву тафаккури асримиёнагӣ ва дар Тоҷикистон таъсис додани давлати исломӣ буд.

муфассал

 
<< Start < Prev 1 2 3 4 5 6 7 8 9 10 Next > End >>

Page 10 of 13