Public relations

САЙЁҲӢ. АНДЕШАҲОЕ, КИ БОЯД ГУФТ

02 07 2020

Пандемияи коронавирус дар қатори соҳаҳои дигари муҳим ба туризм низ бетаъсир намонд.  Акнун эҳтимол аст, ки сайёҳон ба сафарҳои хориҷии дарозмуддат камтар таваҷҷуҳ намуда, ба сайёҳии дохилӣ бартарӣ хоҳанд дод.  Дар ин ҳол, албатта, намудҳои нави сайёҳӣ рушд карда, шаклҳои хизматрасонӣ низ дигар мешаванд. Аллакай, баъзе кишварҳо барои мувофиқ кардани хизматрасонӣ ва инфрасохтори соҳа тадбирҷӯӣ доранд, ки иддае аз онҳо қобили ибрату пайравист.

ТУНИС. ТАҶРИБАЕ, КИ БОЯД ИСТИФОДА КАРД
Аз 27 июн Тунис расман сарҳади худро боз намуда,  ҳамлу нақли байналмилалиро дубора оғоз мекунад. Ҳавопаймоҳо ба кишвар парвоз хоҳанд кард, хатсайрҳои баҳрӣ низ кушода мешаванд. Вазъи санитарии кишвар имкон медиҳад, ки сайёҳон бо риояи меъёрҳои бехатарӣ қабул карда шаванд. Дар ин бора ба васоити ахбори омма роҳбари дафтари сайёҳии Тунис дар Россия Нежи Гуидер хабар додааст.
Тибқи иттилои воситаҳои ахбори омма осоишгоҳҳои Тунис дар ҳолати хуб қарор доранд. Мисли дигар кишварҳои сайёҳӣ, мақомоти Тунис рӯйхати талаботро барои меҳмонхонаҳо таҳия кардаанд. Масъалаи ифтитоҳи иншооти гуногун аз омодагии онҳо ба татбиқи протоколҳои бехатарии санитарӣ вобаста аст. Дар марҳилаи аввал, меҳмонхонаҳо бояд  50 дарсади ҳуҷраҳоро ба меҳмонон пешниҳод намоянд. Ин кор ба он хотир анҷом дода мешавад, ки баъди рафтани меҳмон ҳуҷра пурра дезинфексия карда шавад.

муфассал

 

РАШТ. ИМКОНИЯТҲО БАРОИ РУШДИ САЙЁҲӢ ЗИЁДАНД

02 07 2020

 

Бо дастгирии Ҳукумати Ҷумҳурии Тоҷикистон, хусусан дар натиҷаи таваҷҷуҳи махсуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи сайёҳӣ дар ҷумҳурӣ сол аз сол рушд ёфта, сафи сайёҳони хориҷӣ  меафзояд.
Бо истифодаи шароит ва имкониятҳои мавҷуда баҳри  инкишофи инфрасохтори сайёҳӣ, инчунин беҳтар кардани сифати хизматрасонӣ дар соҳаи сайёҳӣ, аз тарафи мақомоти иҷроияи маҳаллии ҳокимияти давлатии ноҳияи Рашт тадбирҳои судманд андешида мешаванд.
Ноҳияи Рашт дар қатори дигар гӯшаву канори Ватани азизамон дорои захираҳои бой барои рушди сайёҳӣ, хусусан сайёҳии экологӣ мебошад. Дар ноҳия мавзеъҳои нодир хеле зиёданд. Дараҳои хушманзараи Камароб, Тагоба, Ҷафр, Ҳоит, Ясман, Қалъанак ва даҳҳо дигар манзараҳои дилфиреб ва обу  шаршараҳо  мавҷуданд, ки табъи ҳар бинандаро болида мегардонанд. 
Тавре  муовини раиси ноҳияи Рашт Зарина Идиева  ба хабарнигори рӯзнома иттилоъ дод, бо мақсади муаррифӣ ва таблиғи имкониятҳои соҳаи сайёҳӣ ду хатсайри нави сайёҳӣ вобаста ба самти агро-экосайёҳӣ таҳия гардида, ба ширкати сайёҳии “Рӯшноӣ” пешниҳод шуд.
Дар маҷмӯъ, то имрӯз дар ноҳия 8 хатсайри сайёҳӣ таҳия гардидааст, аз ҷумла хатсайрҳои Душанбе – Рашт - дараҳои Ҷафр – Камароб,  Душанбе – Рашт – дараҳои Ҷафр – Ҳоит,  Рашт – дараҳои Камароб – Тагоба, Рашт – дараи Ҷафр, Рашт – дараи Ҳоит ва Рашт – ҳавзи Шамар.
Хатсайрҳои таҳиягардида, хатсайрҳои экологӣ, фарҳангию таърихӣ, агро-экосайёҳӣ, кӯҳнавардӣ ва истироҳатӣ буда, аз моҳи апрел то моҳи октябр фаъол мебошанд. 

муфассал

 

ЛАХШ МАКОНИ САЁҲАТИ КӮҲНАВАРДӢ, ШИКОР, ЛИЖА ВА ВЕЛОСИПЕДРОНИСТ

02 07 2020

 

Дар доираи эълон гардидани Солҳои рушди деҳот, сайёҳӣ ва ҳунарҳои мардумӣ (солҳои 2019 – 2021) барои таъмини рушди сайёҳӣ мақомоти иҷроияи маҳаллии ҳокимияти давлатии ноҳияи Лахш тадбирҳои муҳим андешидааст. Бояд зикр намуд, ки барои рушди соҳаи сайёҳӣ, махсусан туризми экологӣ ва кӯҳию варзишӣ, табиати ноҳия хеле мусоид мебошад. Иқлими хуб, боду ҳавои форам, манзараҳои зебою дилкаш имконият медиҳанд, ки соҳаи сайёҳӣ тараққӣ намояд.
Лахш яке аз ноҳияҳои назаррабои кишвар буда, дар баландии зиёда аз 1700 метр аз сатҳи баҳр қарор дорад ва беш аз 95 дарсади ҳудуди онро қаторкӯҳҳо ташкил медиҳанд.
Тибқи иттилои роҳбари дастгоҳи раиси ноҳияи Лахш Хуршед Икромов, бо мақсади таъмини иҷрои Амри Президенти Ҷумҳурии Тоҷикистон, аз 6 марти соли 2019, № АП – 1176 «Дар бораи нақша – чорабиниҳо бахшида ба «Солҳои рушди деҳот, сайёҳӣ ва ҳунарҳои мардумӣ» бо қарори раиси ноҳия нақша – чорабиниҳо қабул гардид, ки баҳри таъмини рушди соҳаи сайёҳӣ мусоидат менамояд.
Пеш аз ҳама, ҷиҳати муйян намудани имкониятҳои мавҷуда барои ташкил ва рушди сайёҳӣ таҳия намудани маводи иттилоотию сайёҳии ноҳия, тарғиби васеи манзараҳои зебо корҳои муайяне ба анҷом расиданд.

муфассал

 

Истиқлолияти давлатӣ барои дарки худшиносии миллӣ тамоми шароитҳоро ба вуҷуд овард

25 06 2020

1004 Рисолати таърихии дин ваҳдат ва суботи ҷомеа мебошад, на тафриқаандозӣ байни уммати исломӣ. Пас ҳар шахси бедордил ва ватандӯст ба саволе рӯ ба рӯ мегардад, ки ӯро ором гузошта наметавонад.
Чаро гурӯҳҳои экстремистию террористӣ ба хотири тафриқаандозии миллату дин аз номи шариат сухан мегӯянд ва боз баъзе ҷавонон ба хотири ислом ба онҳо мепайванданд? Мехоҳанд сабаб ва иллати онро бифаҳманд, ки чаро ҷавонони тоҷик фирефтаи бадхоҳони миллат гардида, ба оромиву осоиш, суботу амнияти ҷомеа халал ворид кардан мехоҳанд? Ҳол он, ки дини мубини ислом ҳамагуна тундравӣ, бадбиниву хушунат ва ҷангу ҷидолро, ки ин гурӯҳҳо таблиғ месозанд, шадидан маҳкум менамоянд. Истиқлолияти давлатӣ бошад, барои дарк ва решадор гардидани худшиносии миллию динӣ тамоми шароитҳоро ба вуҷуд овард.Тамоми мутафаккирону донишмандон, шоирону нависандагони классику муосири тоҷик бошанд, тарғибкунандаи суҳу дӯстӣ буданд, чунонки Ҳофизи Шерозӣ мефармояд:

Дарахти дӯсти биншон, ки коми дил ба бор орад,
Ниҳоли думанӣ баркан, ки ранҷи бешумор орад.

муфассал

 

КӮРДИЛРО ТИНАТИ АҲРИМАНИСТ. Мулоҳизаҳои узви Иттифоқи журналистон Комрон Сафаров доир ба шахсони дорои тинати сиёҳ, ки таҳаммули равшаниро надоранд

24 06 2020

863

Мегӯянд, ки ҳар касе дар торикӣ одат кардааст, аз рӯшноӣ сахт метарсад. Ин суханро ҳоҷати шарҳ додан нест, вале агар аз ҳар нуқтаи назар ҳам сари маъною мақсади он ҳарф занем, хулоса як аст: Шахсе, ки тинати сиёҳу торик дорад, ҳеҷ гоҳ таҳаммули равшанию равшанзамиронро нахоҳад дошт, — чунин нигоштааст узви Иттифоқи журналистони Тоҷикистон Комрон САФАРОВ дар матлабе, ки ба АМИТ «Ховар» ворид гардид. Дар идома ӯ чунин ибрози андеша менамояд:

— Аз он, ки равшанзамирон бо ақлу идрок ва амалу рафтору кирдорашон рисолати зиндагисоз доранд, нафарони худхоҳ ва бефитрату нотавонбин ба онҳо душманӣ меварзанду бадгӯӣ мекунанд. Шефтаи ҳадафҳои нопок ва ғарқи хаёлоти зишт дигар ҳама одаму оламро фаромӯш карда, танҳо ба хотири ҷалби таваҷҷуҳи атрофиёну афзудани ҳаммаслакони хеш аз разолату ҳасодат ва бешарафию бевиҷдониҳояшон натарсидаю нашармида, туҳмату буҳтонро силоҳ карда, барои амалӣ кардани ғаразҳои шахсӣ ва ё гурӯҳии хеш сафедро сиёҳ гӯён худро нафратзадаю расво мекунанд. Чунин шахсон мутаассифона дар рӯзгори мо низ ҳастанд. Яке аз онҳо ва пештозу думликконашон раиси ТТЭ ҲНИ Муҳиддин Кабирист. Ин худбохтаю раҳгумзадаи замони мо то ба ҳадде гумроҳу зулматнишин шудааст, ки дигар ба шуълаҳои дурахшону мунаввари зиндагӣ нафрат дорад, дида наметавонад, қалби касифу тинати ношарифаш аз равшанию равшангароӣ ҳарос дорад.

муфассал

 

ВАҲДАТИ МИЛЛӢ. ДАСТОВАРДЕ, КИ ВОЛОИЯТИ ҚОНУН ВА АДОЛАТИ СУДИРО ТАЪМИН КАРД

23 06 2020

 

Баъди ба даст овардани Истиқлолияти давлатӣ дар Ҷумҳурии Тоҷикистон бо дахолати душманони миллат ҷанги таҳмилии шаҳрвандӣ сар зад. Дар натиҷаи нооромиҳо зиндагии осоиштаи мардум халалдор гардида, ба соҳаҳои гуногуни хоҷагии халқи мамлакат зарари ҷиддӣ расонда шуд. Ҷанги шаҳрвандӣ ба рушди иқтисоди кишварамон латмаи муҳлик зад.  Садҳо нафар мутахассисони варзидаи касбу кори гуногун тарки Ватан карданд. Бештар аз 150 ҳазор нафар ҳалок ва шумораи зиёди мардуми осоишта хонаву манзили худро тарк намуда, дар кишварҳои ҳамсоя паноҳ бурданд.
Хушбахтона, аз кирдори пасипардагии гурӯҳҳои манфиатҷӯ гурӯҳҳои солимфикри кишвари азизамон огаҳӣ ёфта, аз пайи пешгирии ин фоҷиаи нохуш  шуданд. Дар чунин як шароити ниҳоят вазнин барои халқи тоҷик як шахси далеру шуҷоъ лозим буд, ки то чунин фоҷиаи мудҳишро бартараф ва мардуми парешони тоҷикро муттаҳид созад.
Баъди талошҳои зиёд, дар ҳамин шароити ниҳоят вазнин дар Иҷлосияи тақдирсози 16 - уми Шӯрои Олии Ҷумҳурии Тоҷикистон аз ҷониби 197 вакил Эмомалӣ Раҳмон Раиси Шӯрои Олӣ интихоб гардида, масъулияти роҳбарии давлат ва ҳаёти ояндаи кишварамон ба зиммаи Сарвари нави ҷавон вогузор гардид, ки ин қадами нахустини мамлакат барои таъмини сулҳу субот дар кишвар буд.
Савганди нахустини Роҳбари ҷавони кишвар муҳтарам Эмомалӣ Раҳмон ба мардум як рӯҳияи наву умедбахш дар оғози обод кардани кишварамон бахшид. Дар он вазъи ниҳоят ҳассос кори худро аз сарҷамъ намудани тамоми гурӯҳҳои солимфикр шурӯъ карда, ваъда доданд, ки барои халқи Тоҷикистон сулҳ меоранд. Инчунин, пайваста таъкид менамуданд, ки танҳо якдигарфаҳмӣ ва боварӣ ба ҳамдигар метавонад Тоҷикистонро ба масири сулҳу ваҳдат раҳнамун созад.

муфассал

 

Заминҳои хоҷагидории Вазорати Мудофиа

04 05 2020

Вобаста ба иџрои дастуру супоришҳои Асосгузори Сулҳу Ваҳдати миллӣ, Пешвои миллат, сарфармондеҳи Олии Қувваҳои Мусаллаҳ муҳтарам ЭмомалӣРаҳмон ҷиҳати самарнок истифода бурдани ҳар қитъа замини назди хоџагиҳои ёрирасони қисмҳои низомӣ масъулини Вазорати мудофиа оид ба ақибгоҳ тадбирҳои заруриро роҳандозӣ менамоянд.

Ҷумҳурии Тоҷикистон кишвари аграри буда, новобаста аз он ки 7%-и онро ҳамворӣ ташкил медиҳад, мардуми шарафманди ин диёр бо дили нарму қалби боки хеш дар ҳама минтакаҳои кишвари мо кишти тамоми зироатро роҳандозӣ намудаанд. Дар ин роста низомиёни кишвар низ чун як ҷузъи мӯҳими ин марзу бум, ҷиҳати иҷрои дастуру супоришҳои Асосгузори Сулҳу Ваҳдати миллӣ, Пешвои миллат, сарфармондеҳи Олии Қувваҳои Мусаллаҳ муҳтарам Эмомалӣ Раҳмон ҳар қитъа заминҳои назди қисмҳои низомӣ ва хоҷагиҳои ёррирасони қисму воҳидҳои низомиро самаранок истифода мебаранд. Гурӯҳи эҷодии барнома бо мақсади сабт намудан аз ҷараёни кишти такрорӣ ва ҷамоварии ҳосили мавсимӣ ба гарнизони Хатлон сафар намуд. Зимни наворбардорӣ дар ҳама қисмҳои низомии гарнизони Хатлон ҳар қитъа замини назди хоҷагиҳои ёррирасон самаранок истифода карда мешуд

. Дар баробари ҷамъоварии ҳосили гуногун аз заминҳо инчунин тадбири наверо дар соҳаи ақибгоҳии гарнизони Хатлон мушоҳида намудем. Масъулини соҳаи ақибгоҳӣ бомақсади самаранок ва мақсаднок истифода намудани маҳсулоти сабзии қаблан ҷамоваргардида бо тарҳи нав онро хушк менамуданд. Масъулини соҳаи ақибгоҳӣ иброз доштанд, ки хушк намудани сабзӣ ин танҳо ба он мақсад роҳандозӣ гардидааст, ки дар ҳолати зарӯрӣ онро истифода баранд.

муфассал

 

Ковид-19

04 05 2020

Ҷиҳати иҷрои дастуру супоришҳои Асосгузори Сулҳу Ваҳдати миллӣ, Пешвои миллат, сарфармондеҳи Олии Қувваҳои Мусаллаҳ муҳтарам Э.Раҳмон дар самти бурдани корҳои фаҳмондадиҳӣ дар миёни аҳолӣ бомақсади пешгирӣ ва сироят наёфтан аз бемории карона вирус ё худ Ковид -19 ва тадбирҳои безараргардонии кучаву хиёбонҳо масъулини Вазорати мудофиаи кишвар низ чораҳои заруриро амалӣ менамоянд.

Масъулини Вазорати мудофиаи Ҷумҳурии Тоҷикистон бо мақсади иҷрои саривақтии дастуру супоришҳои Сарфармондеҳи Олии Қувваҳои Мусаллаҳ генерали Артиш Эмомалӣ Раҳмон оид ба пешгирӣ ва сироят наёфтан аз бемории сироятии нави коронавирус яъне Ковид-19 ҳама тадбирҳои заруриро роҳандзоӣ менамоянд. Аз ҷумла дар доираи фаъолияти Ситоди Вазорати Мудофиа оид ба пешгирии сироятии Каронавирус аз Дастгоҳи марказиву Ситоди генераӣ шурӯъ гардида, дар ҳудуди ҳама қисмҳои низомии навъҳои қӯшун ва ҳатто машгоҳҳои дурдасттарин чорабиниҳои санитариву гигинӣ дар ҳама бинову иншооти аҳамияти ҳарби дошта пурзур гардонида мешаванд.

муфассал

 

ТОҶИКИСТОН, БА ПЕШ! БАРДОШТ АЗ ФАЪОЛИЯТИ ЯКСОЛАИ ПЕШВОИ МИЛЛАТ ДАР РОҲИ РАСИДАН БА ОРМОНҲОИ МИЛЛӢ

06 04 2020

«Тоҷикистон, ба пеш!». Чун ба сафарҳои кории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру навоҳии кишвар дар соли 2019 аз равзанаи эҳтирому сипос бо дидаи ибрат менигарӣ, бо тамоми вуҷуд эҳсос мекунӣ, ҳамин даъвати ватанпарваронаашон ҳар фарди баору номусро солики роҳи созандагию ободии диёр месозад. Ва ҳар ҷое мераванд, аз файзу баракати заковати роҳбарӣ ва ҳидояти хирадмандонаашон он ҷо шукӯҳи нав мегирад. Ҳамин ангеза мабдаи қадамҳои устувори Тоҷикистони соҳибистиқлол дар масири рушд гаштааст, ки дар бунёди даҳҳову садҳо корхонаҳои саноатӣ, биноҳои хуштарҳи маъмурию истиқоматӣ, роҳу нақбҳо, мактабу шифохонаҳо, марказҳои савдо, боғҳои фароғатӣ таҷалло меёбад. Бо ҳар сафари Пешвои муаззами миллат дар қалби мардуми шарифи тоҷик ин даъват ҳарчи бештар акси садо пайдо мекунад ва, бешак, ин ҳамдилию ҳаммаслакӣ роҳи мурод кӯтоҳ ва боғи армонҳои миллиро шукуфо месозад.
ДУШАНБЕ
ДУРАХШИ НАВИ ОЙИНАИ МУҶАЛЛОИ ТОҶИКИСТОН
Ба эътирофи ҳам мардуми шаҳру навоҳии кишвар ва ҳам хориҷиён пойтахти Тоҷикистони соҳибистиқлол – шаҳри Душанбе дар ду-се соли охир ба таври ҳайратангез бо синтези шаҳрсозии шарқию ғарбӣ симои нав касб карда, бо биноҳои хушсохт сар ба само мекашад. Ва ҷолиб он аст, ки бар хилофи анъанаи аҳди шӯравӣ, ки шаҳрдорӣ, асосан, ба ободии кӯчаҳои марказӣ таваҷҷуҳ менамуду зеботарин биноҳоро он ҷо месохт, феълан, майдони сохтмон қариб тамоми кунҷу канори шаҳрро фаро гирифт. Имрӯз хиёбону майдону боғҳои фароғатии муаттараш бо зеботарин ва нодиртарин гулу бутта ва дарахтҳои ороишии соири кишварҳои ҷаҳон рангинкамони баҳориро мемонанд. Пойтахт шаҳри биҳиштӣ шудааст. Чун Душанбе дар чашми ҷаҳониён ойинаи муҷаллои Тоҷикистон аст, бояд чунин бошад. Шаҳрдорӣ ва сарвари навҷӯи он Рустами Эмомалӣ бо дарки ҳамин рисолати умдаи пойтахт тарзи шаҳрсозию шаҳрдориро қотеона тағйир дода, ҳамзамон, маданияти пойтахтнишиниро боло мебарад.
Дар баробари ин, Душанбе аз нав ба маркази бузурги саноатӣ табдил меёбад ва аксар корхонаҳои наверо, ки мавриди истифода қарор мегиранд, муайянкунандаи «бори аввал» ҳамрадиф аст. Яъне, пойтахт дар пиёдасозии ҳадафи чоруми стратегӣ – саноатикунонии босуръати мамлакат пештоз аст. Ва бояд афзуд, ки дар фароҳамсозии шароити мусоиди истироҳату фароғат барои сокинону меҳмононаш низ. Он боғҳои фарҳангию фароғатие, ки вақтҳои охир бунёд шуданд, аз ҳама ҷиҳат собиқа надоранд. Хоса дар ороиш. 

муфассал

 

Ҳадафи бадхоҳон - таҳдид ва бесуботӣ дар ҷомеа

26 03 2020

505

Ифротгароӣ яке аз зуҳуроти номатлуби ҷаҳони муосир ба ҳисоб рафта, дар ибтидои асри 21 хислати ҷаҳонӣ касб карда, хатари умумиинсониро дар сайёра ба бор овардааст. Ифротгароӣ кирдори мураккаби сиёсию иҷтимоӣ буда, он дар ҳар давру замон ва ҳар навъи давлату сохтори иҷтимоӣ вобаста аз таҳдиду хатарҳои он бархӯрд шудааст. Заминаҳо ва омилҳои бавуҷудоии ифротгароӣ гуногун буда, гоҳо онҳо аз дохили як кишвари муайян зуҳур мекунанд ва гоҳо барои ривоҷи онҳо аз хориҷ дастгирии молиявӣ пайдо мекунанд. Ифротгароӣ вобаста аз хусусияташ навъҳо ва шеваҳои гуногунро дорост, вале дар робита ба кишварҳои Шарқи Наздику Миёна ифротгароии динӣ ва мазҳабӣ бештар ба назар мерасад.

Дар баробари ин, ба ҳама возеҳ аст, ки замони мо замони зуҳури фаъоли нерӯҳои тахрибкор, замони таблиғ ва паҳн намудани ғояҳои тундгароӣ, густариши хатарҳои экстремизму терроризм, ҷиноятҳои муташаккили трансмиллӣ, коҳиши маънавии ҷомеа ва амалҳои дигари номатлуб низ мебошад. Ифротгароии динӣ дар аксари мамолики шарқи мусалмонӣ васеъ густариш ёфтааст, ки он дар бисёри маврид ҳамчун василаи фишор ва амалӣ намудани манфиату хоҳишҳои давлатҳои абарқудрат дар ин манотиқ ба кор бурда мешавад. Заминаҳои асосии ифротгароӣ бесаводӣ ва таассуб аст. Нодонӣ ҳамеша дар пайи худ ҷаҳолату бозмондагиро ба бор меорад. Вобаста ба ин ки ҳассосияти динӣ дар ҷомеаҳои аксаран бошандагонаш мусалмон баланд аст, ҳамин вижагиро қудратҳои ҷаҳонӣ барои амалӣ намудани манфиатҳояшон мавриди истифода қарор медиҳанд ва доимо кӯшиш ба харҷ медиҳанд, то ин омилро ҳамеша ба манфиаташон роҳандозӣ созанд. Сармоягузорӣ ва қароргоҳи аксари ҳизбу ҳаракатҳое, ки хислати ифротгароиву террористӣ доранд, дар хориҷ аз кишвар сурат мегирад.

муфассал

 

ИҚТИСОД БЕ ИЛМ БЕ РАВНАҚ АСТ

26 03 2020

 

Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон пайваста дар суханрониҳо ва ироаи Паём ба Маҷлиси Олӣ ба масъалаҳои илму маориф, ҳунаромӯзӣ, ватандӯстӣ,  хештаншиносӣ ва арҷгузорӣ ба гузаштагони пурифтихорамон диққати аввалиндараҷа медиҳанд. Бавижа, масоили донишандӯзӣ ва баланд бардоштани савияи илмомӯзии насли наврас ва  ҷавонон дар меҳвари таваҷҷуҳи ҳамешагии Сарвари давлат қарор доранд.
Дар Паёми навини худ ба Маҷлиси Олӣ (26 декабри соли 2019) Президенти Ҷумҳурии Тоҷикистон муҳтарам Эмомалӣ Раҳмон бори дигар ба ин масъала дахл карда, аз мо – кормандони соҳаи маориф даъват ба амал оварданд, ки назорати азхудкунии донишҳои замонавиро пурзӯр гардонда, наврасону ҷавононро ба мутолиаи китобҳои бадеиву илмӣ ташвиқ намоем, қобилияти эҷодии онҳоро тақвият бахшем ва ба таълими фанҳои табиатшиносӣ, дақиқ ва риёзӣ таваҷҷуҳи бештар зоҳир созем. Ва ба хотири  тавсеаи тафаккури техникии насли наврас, инчунин боз ҳам баландтар  бардоштани сатҳи дониши онҳо пешниҳод карданд, ки солҳои 2020 – 2040 Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф эълон карда шавад ва чанде пеш вобаста ба ин фармони дахлдор ба тасвиб расид.

муфассал

 

"САФЕД – ДАРА". БЕҲТАРИН МАКОНИ САЙЁҲӢ ВА ВАРЗИШИ ЗИМИСТОНА

26 03 2020

 

Маҷмааи кӯҳию лижаронӣ ва сайёҳии «Сафед – Дара» соли 1975 дар мавзеи Сафедораки ноҳияи Варзоб бунёд шуда, баъди таъмиру навсозӣ дар замони истиқлолият ба яке аз беҳтарин маконҳои истироҳатӣ ва машқу тамрини намудҳои гуногуни варзиши зимистона мубаддал гашт. Ҳоло маҷмаа тамоми сол ба меҳмонону сайёҳон хизмат мерасонад. Соли ҷорӣ аз ин макони дилфиреб зиёда аз 2500 сайёҳи ватаниву хориҷӣ дидан намуд.

Ҳанӯз соли 2016 Пешвои миллат зимни суханронӣ дар маросими ифтитоҳи маҷмаа таъкид намуда буданд, ки мавзеи хушманзараи Сафедорак дорои имкониятҳои васеъ дар самти истироҳату фароғат,  рушди туризми сайёҳӣ ва варзишӣ буда, Сафед – Дара ягона машқгоҳи варзишии зимистонаи кишвар аст, ки ҳар сол ба он қариб се ҳазор сайёҳону варзишгарони дохиливу хориҷӣ ташриф меоранд.
Барои ба мавзеи фароғатию варзишӣ табдил додани «Сафед – Дара», ҷалби бештари сайёҳон ва фароҳам овардани шароити созгор ба сайёҳу меҳмонон, Ҷамъияти саҳомии пӯшидаи «Сафед - Дара» ҳамаҷониба талош дорад. Аз ҷумла, дар ин муддат роҳи автомобилгарди Пугус - Такоб – Сафед – Дара ва 17 километр роҳи дигари ин мавзеъ, ки солҳои пеш ҳолати ногувор дошт, дар муддати кӯтоҳ барқарор ва навсозӣ шуд. Инчунин, баъди навсозӣ дар маҷмаа ду роҳи танобӣ дар масофаи зиёда аз 2000 метр мавриди баҳрабардорӣ қарор гирифт, ки дорои 140 воситаи омадурафти одамон (бугел) мебошад. Роҳҳои танобӣ бо воситаҳои муосири равшанидиҳӣ муҷаҳҳаз буда, барои истифодабарӣ шабонгоҳ низ созгоранд.

муфассал

 
<< Start < Prev 1 2 3 4 5 6 7 8 9 10 Next > End >>

Page 1 of 16
EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...