Home: Public relations
Tajik (CIS)Russian (CIS)English (United Kingdom)
VOTE
Аз кадом хизматрасонии сомонаи расмии Вазорати мудофиа қаноатмандед?
 
Statistics
Today90
Week728
This month4581
Only202662
Video

Forum

Public relations

ИСТИҚЛОЛИЯТ. ОЗОДӢ ВА АРЗИШҲОИ ДИНӢ

14 09 2018

Дар давоми 27 - соли Истиқлолияти давлатӣ таҳти роҳбарии хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сиёсати дохиливу хориҷии кишвари мо муваффақиятҳои беназир ба даст омаданд. Кулли бахшҳои хоҷагии халқи мамлакат рӯ ба рушд ниҳода, саодати рӯзгори мардум таъмин гардид.
Истиқлолияти давлатӣ имкон дод, ки мардуми шарафманди тоҷик дар бахши дину диёнат низ аз озодиҳои фаровон бархӯрдор бошанд ва фароизи диниро бе ҳеҷ монеа иҷро намоянд. Агар ба рақамҳо таваҷҷуҳ намоем, шароити мусоиди диндорӣ дар Тоҷикистон ба сурате шакл гирифтааст, ки дар дигар давраҳои таърихӣ вуҷуд надошт. Аз ҷумла, агар замони шӯравӣ дар тамоми қаламрави Тоҷикистон 17 масҷид амал мекард, имрӯз ин рақам дар мамлакат наздик ба чаҳор ҳазор аст, ки қобили мулоҳиза мебошад.
Бояд ёдовар шуд, ки дар замони қабл аз истиқлолият дар Тоҷикистон таълими динӣ қариб вуҷуд надошт. Танҳо баъд аз ба даст овардани Истиқлолияти давлатӣ Донишкадаи исломии Тоҷикистон созмон ёфт, ки феълан садҳо толибилм дар ин боргоҳи таълимӣ ҳам илми динӣ меомӯзанду ҳам улуми дунявӣ. Бо ташаббуси Пешвои муаззами миллат Қуръони карим ба забони тоҷикӣ тарҷума ва нашр шуда, дастраси мардум гардид. Гузашта аз ин, даҳҳо китобҳои динӣ, аз ҷумла тафсири Қуръон, Ҷоми – ус - Саҳеҳи Имом-ал-Бухорӣ, китобҳои фиқҳӣ ва ақидавии аҳли суннат ба нашр расиданд, ки мардуми Тоҷикистон имрӯз дар масоили динӣ ва мазҳабии худ аз ин китобҳо истифода мебаранд.

муфассал

 

В ОДКБ состоялась Стратегическая командно-штабная тренировка

14 09 2018

В Центре кризисного реагирования Организации Договора о коллективной безопасности под руководством начальника Объединенного штаба генерал-полковника Анатолия Сидорова состоялась стратегическая командно-штабная тренировка, в ходе которой применительно к условной военно-политической обстановке вырабатывались политико-дипломатические, военные и иные совместные меры по урегулированию кризисной ситуации в Центральноазиатском регионе.
На первом этапе отрабатывался комплекс мероприятий, направленных на предотвращение военного конфликта, на организацию применения Коллективных сил оперативного реагирования ОДКБ и на отражение агрессии в условном государстве – члене ОДКБ. По условиям второго этапа, ОДКБ по Мандату Совета Безопасности ООН организовала и провела миротворческую операцию на территории государства, не являющегося членом Организации.

муфассал

 

ИСТИҚЛОЛИЯТ. ХУРШЕДИ БЕҒУРУБ

05 09 2018

Мову Шумо дар даврони соҳибистиқлолӣ борҳо марҳалаҳои мушкилу сангинро паси сар намуда, аз ҳолатҳои бисёр вазнин сарбаландона баромадем, аз ҷумла хатари нестшавии давлат ва парокандашавии миллатро бартараф кардем ва ба пешрафти давлату ҷомеа муваффақ шудем.
Эмомалӣ РАҲМОН
Пас аз заволи давлати бузурги Сомониён, ки тоҷиконро муттаҳид ва рушди илму адаб ва забони миллиро таъмин намуда буд, миллати соҳибтамаддуни мо солҳои тӯлонӣ аз баракати давлатдории миллӣ бебаҳра монд. Пас аз таҳаммули ҳазорон дарду ранҷи таърих, билохира 9 сентябри соли 1991 Тоҷикистон соҳиби Истиқлолияти давлатӣ гардид ва зарур буд, ки ҳамаи мо сарҷамъона баҳри эъмори давлатдории миллӣ талош варзем. Мутаассифона, бо сабабҳои мухталифи сиёсӣ, ки сарчашма ба иғвои душманони дохилию хориҷӣ доштанд, нооромиҳои ҷамъиятӣ сар  зада,  сабабгори  заиф шудани пояҳои давлатдорӣ, аз фаъолият бозмондани аксар сохтору мақомоти давлатӣ ва ҳатто оғози ҷанги шаҳрвандӣ гардиданд. 

муфассал

 

ИШТИРОКИ САРВАРИ ДАВЛАТ ДАР ТАҶЛИЛИ РӮЗИ ДОНИШ

03 09 2018

 

1 сентябри соли 2018 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Синои пойтахт парда аз руйи муҷассамаи Абуалӣ ибни Сино бардошта, дар таҷлили Рӯзи дониш, дарси сулҳ ва оғози соли нави таҳсил дар Донишгоҳи давлатии тиббии Тоҷикистон ба номи Абуалӣ ибни Сино иштирок карданд.
Ёдовар мешавем, ки 28 апрели соли 2017 Пешвои миллат, Президенти мамлакат муҳтарам Эмомалӣ Раҳмон барои бунёди бинои нави марказӣ ва таълимии Донишгоҳи давлатии тиббии Тоҷикистон ба номи Абуалӣ ибни Сино санги асос гузошта буданд.
Тибқи лоиҳа шаҳраки нави Донишгоҳи давлатии тиббии Тоҷикистон дар масоҳати наздики 11 гектар таҳия шудааст.
Дар асоси нақшаи кулл, дар ҳудуди иншоот хонаҳои истиқоматии баландошёна барои омӯзгорон, биноҳои хобгоҳ барои донишҷӯён, толори варзиш, ҳавзи шиноварии пӯшида бо ҷойи нишасти тамошобинон, биноҳои озмоишгоҳҳо, ошхона, 3 бинои таълимии иловагӣ, майдони варзишӣ, бинои баландошёнаи маъмурию таълимӣ бо маҷлисгоҳ ва муҷассамаи шоиру олими барҷаста ва нобиғаи ҷаҳонӣ Абуалӣ ибни Сино ҷойгир шудааст.
Агар ба таърихи таъсиси донишгоҳ ва рушди он дар даврони соҳибистиқлолӣ назар созем, ин даргоҳи илм ҳамчун яке аз бонуфузтарин муассисаи таҳсилоти олии касбии Ҷумҳурии Тоҷикистон бо тарбияи кадрҳои баландихтисоси соҳаи тандурустӣ дар кишвар, рушди илми тиб ва беҳтар намудани вазъи солимии ҷомеа, мақоми хоса дорад.

муфассал

 

ҲНИ ВА ТАМОЮЛҲОИ ТУНДГАРОӢ ДАР РАВАНДИ СИЁСӢ

29 08 2018

Оғози давлатдории мустақили тоҷикон бо шиддатгирии равандҳои сиёсӣ – тазоҳуроту табаддулот дар заминаи фалаҷгардии ҳокимияти давлатӣ бо дахолати неруҳои сиёсии хориҷа рост омад. Нақшаи табаддулоти давлатӣ дар Тоҷикистон иқдоми ногаҳонӣ набуда, ҳанӯз солҳои 80 - уми қарни XX аз ҷониби тарроҳони хориҷӣ таҳия шуда буд.
Тавре маълум аст, дар ибтидои Истиқлолияти давлатӣ бо кӯшиши гурӯҳҳои манфиатҷӯ вазъият дар мамлакат мураккаб гардида, ҳамоишҳои бомусолимат якбора ба муноқишаҳои яроқнок табдил ёфтанд. Қатли пешвоён, шахсиятҳои фарҳангиву равшанфикрони миллат, таъқиби рақибони сиёсӣ, маҳалгароӣ ва ғасби ҳокимияти давлатӣ шурӯъ гашта, ҷанги шаҳрвандиро ба миён овард, ки ба ин раванд ташкилоти террористӣ - экстремистии Ҳизби наҳзати исломӣ сарварӣ мекард.
Хушбахтона, бо талошҳои беназири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пеши роҳи ҷанги таҳмили шаҳрвандӣ гирифта шуда, бо имзои Созишномаи умумии истиқрори сулҳ ва ризоияти миллӣ дар Тоҷикистон марҳилаи нави давлатсозӣ оғоз гардид. Ҷумҳурии Тоҷикистон таҳти сарварии ин сиёсатмадори сатҳи ҷаҳонӣ ба низоми сиёсии ҷадид – эътирофи гуногунандешии сиёсӣ, ташкили низоми бисёрҳизбӣ ва порлумони дупалатагӣ ворид гашт. Самараи сулҳу ваҳдати миллӣ буд, ки Тоҷикистон тавонист, дар муддати кӯтоҳи таърих ба қатори 11 давлати рӯ ба инкишоф шомил шуда, ҳаёти давлативу ҷамъиятӣ ба маҷрои рушди муътадил ворид гардад.
Рушди бонизоми кишвар ва иттиҳоди миллӣ ба аъзои ТТЭ ҲНИ хуш наомад, ки ахиран ба ҷиноятҳои вазнин, ташкили задухӯрдҳои мусаллаҳона дар ҳудуди кишвар, кӯшиши амалӣ намудани табаддулоти давлатӣ даст заданд. Ҳаракатҳои ҷинояткоронаи ин гурӯҳи террористӣ бо далелҳои қотеъ исбот шуда, ниҳоят 29 сентябри соли 2015 фаъолияти он аз ҷониби Суди Олии Ҷумҳурии Тоҷикистон дар қатори 16 ҳизбу ҳаракати террористию экстремистӣ мамнӯъ эълон гардид.  

муфассал

 

ИСТИҚЛОЛИЯТИ ДАВЛАТӢ. ТОҶИКИСТОН ДАР МАСИРИ ФАРДОИ ДУРАХШОНТАР АСТ

29 08 2018

Дар партави сиёсати хирадмандонаву бунёдгарои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакат сол ба сол пояҳои Истиқлолияти давлатӣ қавитару устувор мегарданд, ки дар шароити ҳассоси ҷаҳони муосир шарти муҳими ҳастии давлату миллат аст. Тӯли 27 соли истиқлолият Ҷумҳурии Тоҷикистон ба дастоварду комёбиҳои назарраси сиёсиву иқтисодие мушарраф гардид, ки дар таърихи давлатдории навини тоҷикон бо ҳарфҳои заррин сабт хоҳанд шуд.
Воқеан, ба даст овардани Истиқлолияти давлатӣ имкон дод, ки халқи куҳанбунёду тамаддунсози тоҷик арзишҳои миллии хешро дубора тахтнишин созад ва дар бунёди давлати демократӣ, ҳуқуқбунёд, дунявӣ ва ягона вориди корзори таърих шавад. Маҳз ҳамин неъмати бебаҳо эҳсоси худшиносиву худогоҳиро дар замири халқ бедор намуда, ба муаррифии шоистаи давлату миллат дар арсаи ҷаҳонӣ роҳ кушод.
Дар замони феълӣ намешавад, бо дастовардҳои кунунии истиқлолият қонеъ шуд, балки онро пайваста бояд таҳкиму тавсеа бахшид. Зеро ҳаводиси хатарбори ҷаҳони муосир, рақобати қудратҳо ва омилҳои таъсиргузори беруна дар сурати ғафлат метавонанд,  ба амнияти дилхоҳ кишвар таҳдид намуда, истиқлолияту якпорчагии онро зери хатар гузоранд.

муфассал

 

АЪМОЛИ НАҲЗАТИЁН ЗИДДИ ИСТИҚЛОЛИЯТИ МИЛЛИСТ

29 08 2018

Барои мардуми фурӯхташудаву хоин, ки асли арзиши онҳоро пул ташкил медиҳад, ҳеҷ гуна муқаддасот ва арзиш вуҷуд надорад. Онҳо ғуломи пулу сармоя гашта, фақат ба роҳи тавтеаву дурӯғпардозӣ бо мафҳумҳое, ки арзишҳои баланди инсониро ифодагаранд, бозӣ мекунанд. Ин нукта бевосита ба фирориёни дар хориҷ паноҳбурдаи ташкилоти террористӣ - экстремистии Ҳизби наҳзати исломӣ марбут аст. 
Ин гурӯҳи авомфиреб, ки бозичаи дасти бегонагонанд, барои таъсир расондан ба мафкураи мардум ва бесубот кардани вазъи иҷтимоӣ дар дохили кишвар аз хоҷагони берунаашон пулу сармоя меситонанд ва мехоҳанд ҳадафу мақсадҳои нопоки онҳоро бароварда кунанд. Ҳанӯз дар оғози Истиқлолияти давлатӣ саркардагони ин ҳизби террористӣ бо пулу сармояи хоҷагони хориҷиашон ба сари мардуми тоҷик бадбахтии азимеро оварданд, ки боиси ҳалокати беш аз 150 ҳазор одамон гардид. Кишварро харобу валангор намуда, давлатро дар садади нобудӣ қарор доданд. Барои ин гурӯҳ на истиқлолият, на давлат ва на миллат арзиш надоранд. Барои инҳо танҳо як арзиш - ба нархи ҷони дигарҳо ва ба нархи давлату миллат ба даст овардани сармоя ва иҷро кардани ҳадафҳои сармоягузор аст. Ҳарчанд дар расонаҳои хеш ин гурӯҳ даъво доранд, ки гӯё инсонҳои озода ва аз ҳеҷ кас вобаста нестанд  ва танҳо ба хотири дифоъ аз арзишҳои миллӣ корҳоеро анҷом медиҳанд, аммо ин танҳо сароб, дурӯғ ва тавтеа асту бас. Пушти даъвои ҳангомаҳои ин гурӯҳи шайёд пулу манфиатҳои бегона қарор мегирад. 

муфассал

 

НАҲЗАТ ВА "ДАВЛАТИ ИСЛОМӢ" - ДУ ҶОДАИ ЯК ПАЙМОН!

27 08 2018

Нимаи дуюми рӯзи 15 августи соли равон, шаҳри Кобул – пойтахти Ҷумҳурии Исломии Афғонистонро таркиши мудҳишу ҷонхароше такон дод. Ин таркиш дар маркази таълимии «Мавъуд» ба вуқӯъ пайваст, ки садҳо наврасу кӯдак машғули омӯзишу таълим буданд. Инфиҷор боис ба марги 65 нафар донишомӯз ва захмию маҷрӯҳ шудани зиёда аз 70 нафари дигар гардид. Дар он аксаран наврасону ҷавононе ба қатл расиданд, ки барои талаби илму ирфон, донишу маърифат ва хату савод омада буданд. Яъне, ин нафарон барои иҷрои яке аз фаризаҳои дини мубини ислом, ки талаби илм аст, аз манзилу кошонаҳои худ ба дар шуда, роҳи маркази «Мавъуд» - ро пеш гирифта, аснои иҷрои фарзи Илоҳӣ аз ҷониби нафароне, ки худро пайрави Худову Расул мешуморанд, ба таври ваҳшиёна қатл шуданд. 
Баъд аз ин ҳодиса, хонаву кошонаи волидони кушташудаҳо андуҳкада шуда, тарс дар тиннати зану мард ва наврасону кӯдакони афғон боз аланга гирифт. Ғолибан, ин амали даҳшатбор роҳҳоро барои омӯзишу таълим ва саводнок намудани наврасону ҷавонон боз ҳам масдуд хоҳад кард. Зеро дар шароити кунунии Афғонистон рафтан ба мактаб ва омӯзиши илму адаб ба маънои омодагӣ ба марг маҳсуб мешавад. Чунки ҳамасола дар мактабу дабистон ва донишгоҳҳо садҳо донишомӯзу донишҷӯ ба қатл мерасанд. 

муфассал

 

Омилҳои шомил шудан ба гурӯҳҳои ифротиро решакан бояд кард

23 08 2018

194Дар Паёмҳои ҳарсолаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва суханрониҳои ӯ дар мулоқот бо аҳли зиё ва ҷавонони кишвар дар бораи пешгирӣ намудани шомилшавии шаҳрвандон, бахусус ҷавонон, ба ҳаракатҳои ифротгарою террористӣ ва мазҳабу равияҳои бегона ба хотири ҳифзи суботу амнияти ҷомеа ва рушди давлати миллӣ дар фазои осоишта таъкид гардидааст. Яке аз чунин ҳаракатҳои ифротгароӣ дар заминаи эътиқодҳои динии амалкунанда, ки имрӯз аз ҷониби аксар давлатҳои хориҷӣ ба кишварҳои тозаистиқлоли Осиёи Марказӣ интиқол ёфта, имконияти дар оянда вайрон кардани мувозинати динию мазҳабӣ, вазъи сиёсию идеологӣ ва суботу амнияти ҷомеаро дорад, ин сепаратизм, радикализм, фундаментализм, экстремизм ва терроризми бо ном «Давлати исломӣ» (ИГИЛ) мебошад, ки дар ҷаҳони муосир имрӯз ҳамчун равияҳои тундрав шинохта шудаанд.

Аслан сепаратизм ба фаъолияти халқҳои алоҳида алоқаманд буда, тавассути ғояи содир кардани ҳаракатҳои озодихоҳӣ дар амал тадбиқ мегардад. Радикализм танҳо ба воситаи созмон додани иттиҳодияҳои сиёсӣ, ҳарбӣ ва ангезаҳои сиёсӣ ба мубориза бармехезад. Фундаментализм бошад, тавассути фаъолияти ташкилотҳои динӣ оид ба нигоҳ доштан ва тарғибу ташвиқи ҷараёнҳои гуногуни динҳои дунявӣ алоқаманд мебошанд. Мисоли оддӣ, ин фундаменталистҳои дини ислом ба ҳисоб рафта метавонанд, ки аксари ҷавонони имрӯзаи моро бо сабабҳои гуногуни иҷтимоӣ, иқтисодӣ ва паст будани маърифати ҳуқуқӣ, ҳамзамон бемаҳдуд машғул гардидани ҷавонон ба шабакаҳои интернетӣ ва аз тарбия дур гардидани волидон, оила ва ҷомеа ба ҳисоб меравад, ки бархе ҷавонони моро ба доми худ кашида, шомили ҳар гуна ҳаракату созмонҳои экстремистиву террористии зерин мегарданд:

муфассал

 

ИТТИЛОИЯ

23 08 2018

20 август дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд.
Дар маҷлис ҷараёни иҷрои дастуру супоришҳои Президент, татбиқу дар амал ҷорӣ кардани қарорҳои Ҳукумати Ҷумҳурии Тоҷикистон ва рафти корҳои ободонию созандагӣ баррасӣ гардиданд.
Президенти мамлакат Эмомалӣ Раҳмон нахустин сафари давлатии худро дар Ҷумҳурии Ӯзбекистон, ки бо натиҷаҳои неку назаррас ва бобарор барои рушду густариши муносибатҳои дӯстӣ, бародарӣ, ҳамкорӣ ва ҳамсоягӣ анҷом ёфт, натиҷагирӣ карданд.
Таъкид гашт, ки ин сафар бо натиҷаҳои пурсамар дар таърихи муносибатҳои ду кишвари ҳамсоя бо ҳарфҳои заррин навишта мешавад. Яке аз натиҷаҳои пурарзиш ба сатҳи шарикии стратегӣ баромадани Тоҷикистону Ӯзбекистон мебошад.
Сафарҳои давлатии ҷавобии сарони давлатҳо, имзои санадҳо, баргузории бизнес - форумҳо, намоишгоҳҳои маҳсулоти саноатии кишварҳо, барномаҳои фарҳангии «Шоми дӯстӣ» дар ҳар ду давлат, кушодани 16 гузаргоҳи сарҳадии байниҷумҳуриҳо, барқарор кардани алоқаи ҳавоӣ, роҳҳои мошингузар, фаъолияти назарраси комиссияҳои байниҳукуматии Тоҷикистону Ӯзбекистон оид ба ҳамкории тиҷоратию иқтисодӣ ва боз дигар омилҳо имкон фароҳам оварданд, ки халқи тоҷику ӯзбек боз ба ҳам оянд, рафтуомади хешутабориро мустаҳкам намоянд.

муфассал

 

ТТЭ ҲНИ ВА ҚАТЛИ СОБИҚ ПРОКУРОРИ ГЕНЕРАЛӢ

23 08 2018

 

Дар замони даргириҳои таҳмилии Тоҷикистон куштори мардуми бегуноҳ, тарафдорони сохти конститутсионӣ, арбобони давлативу ҷамъиятӣ ба авҷи аъло расида буд. Намояндаи мардумии ҷумҳурӣ, ҷавонмарди асил, тимсоли ҳақиқату адолат, собиқ Прокурори генералии Ҷумҳурии Тоҷикистон Нурулло Ҳувайдуллоев низ аз ҷониби қотилону ноҷавонмардони ташкилоти террористӣ - экстремистии Ҳизби наҳзати исломӣ ваҳшиёна ба қатл расонда шуд. 
Рӯзи 24 августи соли 1992 тахминан соати 7:50 дақиқа гурӯҳи силоҳбадаст собиқ Прокурори генералӣ Нурулло Ҳувайдуллоевро дар роҳ ба сӯи коргоҳ боздошта, ӯ ва ронандаашро аз мошин берун бароварданд. Сипас, амр карданд, ки Ҳувайдуллоев ба зону нишинад. Вақте ки аз прокурор ҷавоби рад гарифтанд, ба зонуяш чанд тир заданд. Баъди ба замин афтидан ҳам ӯро тирборон намуданд. Ташхис нишон дод, ки ба тани Н. Ҳувайдуллоев беш аз 20 тир задаанд. Қотилон баъди чанд муддат дастгир шуданд, ки инҳо Раҳим Нуруллобеков ва Давлатбек Маҳмудов буданд. Санаи 26 ноябри соли 1993 ҳар ду сазовори ҳукми қатл дониста шуданд.
Вале, қотилони аслӣ, роҳнамо, маблағгузору сарпарастон аз назарҳо дур ва зери парда монданд. Чандин сол дар бораи сабабу омилҳои куштори Нурулло Ҳувайдуллоев дар воситаҳои ахбори оммаи дохиливу хориҷӣ андешаҳои гуногун пайдо шуданд. Гуфта мешуд, ки яке аз собиқ қумондонҳои саҳроии сатҳи миёнаи Иттиҳоди неруҳои мухолифони тоҷик Абдулвосит Латипов, маъруф ба «Қорӣ Восит» дар ин куштор даст дорад. Гурӯҳи «Қорӣ Восит» зери «чатр» - и ТТЭ ҲНИ дар содир кардани 25 амали террористӣ, ки боиси марги 40 нафар гардид, гумонбар дониста мешуд ва яке аз он қатли Прокурори генералии Тоҷикистон Нурулло Ҳувайдуллоев ба шумор мерафт.

муфассал

 

Хатари ҳизбҳои динӣ ба давлатдории миллӣ

16 08 2018

137Таҷрибаи чандин кишварҳое, ки дар онҳо ҳизбҳои динӣ бо номҳои гуногун амал мекунанд, исбот кардааст, ки ҳеҷ пешравие дар он мамолик ба «шарофати» он ҷунбишҳо ва ҳизбҳои дорои идеологияи динӣ ба вуҷуд наомадааст. Баръакс, миёни худи ин иттиҳодияҳои сиёсӣ гоҳо хушунату тазод барои ба даст овардани ҳокимияти сиёсӣ ба авҷи аъло расида, дар маҷмӯъ, монеаи рушди бомароми он давлатҳо гардидааст.

Аз ҳама мисоли рӯшан Афғонистон аст, ки тӯли беш аз 40 сол мардумаш аз гирудорҳои сиёсатмадорони дорои платформаҳои мухталифи динӣ ранҷи бениҳоят мекашанд. Либия, Судону Ироқ, Сурияву Филиппин, Тунис ва бисёре аз мамолики Африқои Шимолӣ тӯли солҳои зиёдест, ки ноором буда, равиши муътадили пешрафтҳои худро аз даст додаанд. Омили асосии ин навъ носозгорӣ дар муборизаи ҳизбҳои динист, ба ин маъно, ки ақаллияте бо идеологияи динӣ мехоҳад мафкураи худро ба аксарият бор кунад, азбаски дар муборизаи табиӣ тавассути интихобот дасти қудрат намеёбанд, ночор роҳи муборизаи ғайриқонунӣ – бо ташкили табаддулоту шӯришҳо кӯшиши сари ҳокимият омадан мекунанд.
Таҷрибаи Тоҷикистон мисоли равшани ин гуна шакл гирифтани ҳодисаҳост. Ташкилоти экстремистию террористии ҲНИТ беш аз 40 сол дар саҳнаи сиёсати Тоҷикистон амал кард. Ҳанӯз аз солҳои 70-уми асри гузашта, ба эътибори иқрори худи масъулини ин ҳизби манъшуда, наҳзатиён мавзӯи сари ҳокимият омадан ва табдили давлати дунявиро ба давлати сирф динӣ дар ҷомеа матраҳ мекарданд. Баъди анҷоми муноқишаҳои дохилӣ ин ҳизб парлумонӣ гардид, аммо набудани имконоти сари қудрат омадан тавассути интихобот оқибат ниқоб аз чеҳраи аслии мақсуди онҳоро кушод. Охирин шонси наҳзатиён табаддулот буд, ки билохира дар он шикаст хӯрданд. Чунин хулоса мешавад, ки сенарияи баъзе кишварҳои хориҷӣ оид ба ташкили табаддулот тавассути неруҳои харобкори ифротӣ дар Тоҷикистон амалан татбиқ нагардид.

муфассал

 
<< Start < Prev 1 2 3 4 5 Next > End >>

Page 1 of 5
Subscribe to us!

EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...

Minister of Defense
of the Republic of Tajikistan

Colonel-General Sherali Mirzo
Sport

Trading platform