Ҳафтаи сипаригашта дар Комисариати ҳарбии ноҳияи Синои шаҳри Душанбе, ҷамъомад вобаста ба даъвати навбатии ҷавонон ба хизмати ҳатмии ҳарбӣ бо иштироки комисарони ҳарбии чаҳор ноҳияи пойтахт, раисони ноҳия ва ҷамоатҳо, шахсони масъули даъват ва намояндгони мақомоти ҳифзи ҳуқуқ, ташкилу гузаронида шуд.

Зимни он масъулин суханронӣ намуда, барои боз ҳам пурқувват намудани ҳамкориҳо миёни сохтору идодраҳо ва масъулони даъвати навбатӣ, чораҳои зарури роҳандозӣ намуданд.

Ҳамзамон, аз ҷониби масъулин ва шахсони иштирокдошта як қатор пешниҳодҳо гуфта шуд, ки он барои гузаронидани даъвати навбатии ҷавонони синну соли даъват ба хизмати ҳатмии ҳарбӣ манфиатовар мебошад. Ингуна ҷамъомадҳо агар аз як тараф ба фаъолияти корӣ сабуки орад, аз ҷониби дигар як навъ ҳамкории дастаҷамъона миёни комисариатҳои ҳарбӣ ва сотору идораҳои алоҳида мебошад. Дар рафти ҷамъомад таъкид карда шуд, ки шахсони масъули даъват бо аҳоли вохӯриҳо намуда, корҳои фаҳмондадиҳиро дар сатҳи лозима ташкилу ба роҳ монанд.